Furkan Akar
| Furkan Akar | |
|---|---|
| Shaxsiy maʼlumotlari | |
| Fuqaroligi |
 Turkiya |
| Tavallud sanasi |
2002-yil 6-mart Arzirum, Turkiya |
| Sport | |
| Qaysi sport | short-trek |
Furkan Akar (2002-yil 6-martda tugʻilgan) – turkiyalik short-trek sportchisi[1][2]. U short-trek boʻyicha Olimpiya oʻyinlarida ishtirok etgan Turkiyaning ilk vakili hisoblanadi. Shuningdek, u Xitoyning Pekin shahrida boʻlib oʻtgan 2022-yilgi Qishki Olimpiya oʻyinlarida ushbu sportning 1000 metrlik masofasida 6-oʻrinni egallab, Turkiya tarixida Qishki Olimpiya oʻyinlarida „Top 10“ talikka kirgan birinchi va hozircha yagona sportchi boʻldi.
Akar 2023-yilgi Yevropa chempionatida 1000 metrlik trekda 1:34.780 natija bilan uchinchi oʻrinni egallab, bronza medalini qoʻlga kiritgan. Bu short-trek yoʻnalishida Turkiya uchun ilk tarixiy medal hisoblanadi.
Yoshlik yillari
Furkan Akar 2002-yil 6-mart kuni Turkiyaning Erzurum shahrida tugʻilgan. U qishki sport turlariga boʻlgan qiziqishini akasining mashgʻulotlarini kuzatish jarayonida orttirgan va aynan uning taʼsiri ostida sportga kirib kelgan. Toʻqqiz yoshida Akar changʻi sporti bilan shugʻullana boshlagan[3].
U hozirda Arzirum shahridagi Atatürk universitetining Sport fanlari fakultetida sport murabbiyligi yoʻnalishida tahsil olmoqda[4].
Sportchilik karyerasi
Akar short-trek yoʻnalishida Arzirum G. S.İ.M. litsenziyasi ostida musobaqalarda ishtirok etadi[3]. U 2015-yildan buyon Turkiya milliy terma jamoasi aʼzosi hisoblanadi[4].
Akar 2019-yilda Bosniya va Gersegovinaning Sarayevo shahrida boʻlib oʻtgan Yevropa yoshlar qishki olimpiya festivali doirasida oʻgʻil bolalar oʻrtasida 500 metr masofada bronza, 1500 metr masofada esa kumush medalni qoʻlga kiritgan[5].
U 2021–2022-yilgi ISU Tezkor konkida uchish boʻyicha Jahon kubogi doirasida erkaklar oʻrtasidagi 1000 metr masofaga bahsda ishtirok etib, 17-oʻrinni egallagan[3]. Shuningdek, u Xitoyning Pekin shahrida boʻlib oʻtgan 2022-yilgi Qishki Olimpiya oʻyinlarida qatnashish huquqini qoʻlga kiritgan[6].
Akar 2022-yilgi Qishki Olimpiya oʻyinlarining ochilish marosimida Ayşenur Duman bilan birgalikda Turkiya delegatsiyasining bayroqdori etib tayinlangan. U short-trek boʻyicha 1000 metr masofadagi musobaqada ishtirok etib, Final B bosqichida 1:36.052 natija bilan ikkinchi oʻrinni egallagan va umumiy hisobda 6-oʻrindan joy olgan[7].
Shuningdek, u 2023-yilgi Short-trek boʻyicha Yevropa chempionatida 3-oʻrinni egallagan.
Manbalar
- ↑ „Furkan Akar“ (tr). olimpiyatkomitesi.org.tr. Türkiye Milli Olimpiyat Komitesi. Qaraldi: 2022-yil 4-fevral.
- ↑ „Furkan Akar“. ISU. Qaraldi: 2022-yil 6-fevral.[sayt ishlamaydi]
- ↑ 3,0 3,1 3,2 „Furkan Akar kimdir ve kaç yaşındadır? Türkiye tarihinde bir ilk ! Kış Olimpiyatları'nda ...“ (tr) (2022-yil 4-fevral). Qaraldi: 2022-yil 4-fevral.
- ↑ 4,0 4,1 „Furkan Akar, Kış Olimpiyatları için Çin'e gitti“ (tr) (2022-yil 26-yanvar). Qaraldi: 2022-yil 4-fevral.
- ↑ „EYOF 2019’un İkinci Gününde Furkan Akar’dan İkinci Madalya“ (tr). olimpiyatkomitesi.org.tr. Türkiye Milli Olimpiyat Komitesi. Qaraldi: 2022-yil 4-fevral.
- ↑ „2022 Pekin Kış Olimpiyatları'nda Türk bayrağını Ayşenur Duman ve Furkan Akar'ın taşıyacağı açıklandı“ (tr) (2022-yil 3-fevral). Qaraldi: 2022-yil 4-fevral.
- ↑ „Furkan Akar, Olimpiyat altıncısı oldu“ (tr) (2022-yil 7-fevral). Qaraldi: 2022-yil 8-fevral.