Fukuoka masjidi
| Masjid | |
 | |
| Mamlakat |  Yaponiya
|
| Hudud | Fukuoka prefekturasi |
| Joylashuvi | Fukuoka shahri, Higashi-ku tumani |
| Yoʻnalishi | sunniy |
| Gumbazlar soni | 1 |
| Gumbazlar soni | 1 |
| Balandligi | 1 |
| Sayt | [fukuokamasjid.org Rasmiy sayt] |
Fukuoka masjidi, rasmiy nomi – Fukuoka Masjid an-Nur Islom madaniyati markazi (yaponcha: アン ヌール イスラム文化センター 福岡マスジド), Yaponiyaning Fukuoka prefekturasi Fukuoka shahri Higashi-ku tumanida joylashgan masjid. 2009-yil 12-aprelda ochilgan boʻlib, Kyusyu orolidagi ilk masjid hisoblanadi. Prefekturadagi taxminan 1 000 nafar musulmonga xizmat qiladi[manba kerak].
Umumiy maʼlumot
Fukuoka masjidining birinchi qavati, asosan, erkaklar namozxonasi uchun ajratilgan, ikkinchi qavat esa ayollar namozxonasi hisoblanadi. Yertoʻla qavatida koʻp maqsadli zal, kutubxona va oshxona bor. Uchinchi qavatda sinfxonalar va oshxona mavjud[manba kerak].
Masjidda muntazam ravishda kundalik namozlar, juma namozi va hayit namozlari oʻqiladi. Baʼzan bu yerda islomni qabul qilish dasturlari, musulmonlarning nikohi hamda janoza namozi boʻyicha marosimlar ham oʻtkaziladi. Masjidning madaniy boʻlimi dam olish kunlari arab tili darslari va har 3 oyda bir marta pazandachilik mashgʻulotlarini taklif qiladi. Shuningdek, vaqti-vaqti bilan seminarlar va muloqot sessiyalari ham tashkil etiladi[manba kerak]. Yaponiyada halol sertifikatlarini olishdagi qiyinchiliklar sababli Fukuoka masjidi mahalliy ulamolarning fatvosiga binoan sertifikatlar berishni yoʻlga qoʻygan. Halol va nohalol taomlarni birga taqdim etgan mahalliy restoranga bepul sertifikat berilgani, qatʼiyroq standartlarga rioya qilinmagani uchun halol sertifikatlash agentligi tomonidan tanqid qilingan[1].
Tarixi
Kyusyu universiteti Musulmon talabalar assotsiatsiyasi (KUMSA) 1998-yilda masjid qurish gʻoyasini ilgari surib, xayriya mablagʻlarini toʻplashni boshladi[manba kerak]. 2006-yilda yer sotib olinib, qurilish rejalari ishlab chiqildi[2]. Bir qator muhokamalardan soʻng[2] qurilish ishlari 2008-yilda boshlandi va ishlar 1 yil oʻtib yakunlandi[manba kerak]. 2011 va 2016-yillarda sodir boʻlgan zilzilalardan keyin Fukuoka masjidi zarar koʻrgan jamoalarga yordam koʻrsatish ishlarida ishtirok etgan[3].
Yana qarang
Manbalar
- ↑ Luthfi, Muhammad; Aminah, Shobichatul; Zulifan, M. (2024). "Fiqh aqalliyah as a legal alternative to Halal standardization in Japan as a non-majority Muslim country". Indonesian Journal of Islam and Muslim Societies 14 (1): 177-202. https://ejournal.uinsalatiga.ac.id/index.php/ijims/article/view/447/317.
- ↑ 2,0 2,1 Yamashita, Yoko (15 February 2021). "Islam and Muslims in “non-religious” Japan: caught in between prejudice against Islam and performative tolerance". International Journal of Asian Studies (Cambridge University Press). https://www.cambridge.org/core/journals/international-journal-of-asian-studies/article/islam-and-muslims-in-nonreligious-japan-caught-in-between-prejudice-against-islam-and-performative-tolerance/6B5919A1812532191499060DE9AEC9EB.
- ↑ Kotani, Hitomu (December 2023). "Activities and roles of mosques in Japan after the recent major earthquakes: A comprehensive study". Progress in Disaster Science 20. https://www.sciencedirect.com/science/article/pii/S2590061723000248.
Havolalar
Vikiomborda „Fukuoka masjidi“ mavzusi boʻyicha mediafayllar bor.