François Deguelt
François Deguelt | |
|---|---|
 | |
| Tavalludi |
Louis Deghelt 4-dekabr 1932-yil Tarbes, Fransiya |
| Vafoti |
22-yanvar 2014-yil (81 yoshda) Var, Provence-Alpes-Côte d'Azur, Fransiya |
| Janrlar | Pop |
François Deguelt (asl ismi Louis Deghelt; 1932-yil 4-dekabr — 2014-yil 22-yanvar) — fransuz xonandasi. U Monako nomidan „Eurovision–1960“ va „Eurovision–1962“ qoʻshiq tanlovlarida ishtirok etgani bilan mashhur.
Biografiyasi
Deguelt 1950-yillarning boshlarida Parijda kabare xonandasi boʻlish uchun oʻqishini tark etgan. 1956-yilda u „Grand Prix du Disque“ mukofotining, Académie Charles Cros tomonidan taqdim etiladigan sovrinning gʻolibi boʻlgan. Jazoirdagi harbiy xizmatni oʻtab boʻlgach, Deguelt Fransiyaga qaytgan. 1960-yilda unga Monako nomidan 29-mart kuni Londonda oʻtkazilgan beshinchi „Eurovision qoʻshiq tanlovi“da ishtirok etish taklif qilingan. Deguelt ijro etgan „Ce soir-là“ („Oʻsha oqshom“) qoʻshigʻi hakamlar hay’ati tomonidan iliq kutib olingan va 13 ishtirokchi orasida uchinchi oʻrinni egallagan[1][2].
Deguelt 1962-yilda „Dis rien“ („Hech narsa dema“) qoʻshigʻi bilan yana Monako nomidan „Eurovision–1962“ tanlovida ishtirok etgan. 18-mart kuni Lyuksemburg shahrida boʻlib oʻtgan ushbu tanlovda u 16 ishtirokchi orasida ikkinchi oʻrinni egallab, avvalgi natijasini yaxshilagan[3][4]. Deguelt „Eurovision“ tarixida gʻolib boʻlmagan holda ham ikkinchi va uchinchi oʻrinlarni egallagan besh ijrochidan biri hisoblanadi. Qolganlari — Cliff Richard, Katja Ebstein, Chiara Siracusa va Željko Joksimovićlardir.
Degueltning keyingi yillar davomida chiqarilgan «Le Ciel, le soleil et la mer» (1965), «Le printemps» (1966), «Minuit, le vent, la nuit» (1968) va «La libération» (1968) singllari ham muvaffaqiyat qozongan. U umrining oxirigacha fransuz tilida so‘zlashuvchi mamlakatlarda gastrol safarlari uyushtirib, nostaljik musiqiy dasturlar doirasida muntazam chiqishlar qilib kelgan[5].
François Deguelt 2014-yil 22-yanvarda 81 yoshida vafot etgan[6].
Manbalar
- ↑ „ESC History 1960“. 2022-yil 27-yanvarda asl nusxadan arxivlangan. Qaraldi: 2009-yil 27-oktyabr.
- ↑ "Ce soir-là" at diggiloo.net
- ↑ „ESC History 1962“. 2022-yil 27-yanvarda asl nusxadan arxivlangan. Qaraldi: 2009-yil 27-oktyabr.
- ↑ "Dis rien" at diggiloo.net
- ↑ „Recent biography and interview“. 2007-yil 28-oktyabrda asl nusxadan arxivlangan. Qaraldi: 2009-yil 27-oktyabr.
- ↑ „François Deguelt, singing "Heaven, the sun and the sea," has died“ (2014-yil 23-yanvar). 2014-yil 1-fevralda asl nusxadan arxivlangan. Qaraldi: 2014-yil 23-yanvar.