Fozil qori Sobirov

Fayl:Fozil qori.jpg
Shaxsiy maʼlumotlari
Tavalludi	1951-yil 27-may Toshkent viloyati
Vafoti	2009-yil 19-sentyabr Toshkent viloyati
Oʻlim sababi	miyaga qon quyilishi
Dafn etilgan joyi	Said ibn Vaqqos ota qabristoni

Fozil qori Yosin oʻgʻli Sobirov (1951-yil 27-may, Toshkent viloyati – 2009-yil 19-sentyabr) – Shayx Zayniddin masjidida imam noibi (1975-yil).

Biografiyasi

Fozil qori Yosin oʻgʻli Sobirov 1951-yil 27-may kuni Toshkent viloyatida tavallud topgan. Fozil qori oʻz mehnat faoliyatini 1975-yilda Toshkent shahridagi Shayx Zayniddin masjidida imam noibi lavozimida boshlagan. 1979–1982 yillarda Toshkentdagi Said Vaqqos ota masjidi, 1984–1985 yillarda Noʻgʻoyqurgʻon masjidi, 1985–1986 yillarda Xoja Alambardor masjidi, 1988–1989 yillarda Yakkasaroy masjidi, 2002–2009 yillarda esa Abubakr Qaffol Shoshiy masjidida imom-xatib lavozimida faoliyat yuritgan.

1982–1984 yillarda Buxorodagi Mir Arab madrasasida dars bergan. Shuningdek, 1990-yilda Toshkent viloyati Yangiyo‘l tumanidagi Oltinobod masjidi, 1991–2002 yillarda Zangiota tumanidagi Nur ul-Islom masjidida xizmat qilgan. 1995–1997 yillarda Oʻzbekiston musulmonlari idorasining muhtasiblik boʻlimi xodimi, 1998–1999 yillarda esa OʻMI raisi oʻrinbosari hamda Imomlar malaka oshirish kursi mudiri vazifalarida ishlagan. U diniy-maʼrifiy faoliyatda va jamoatchilik bilan ishlashda faol ishtirok etgan.

Vafoti

Fozil qori 2009-yil 19-sentyabr kuni miyaga qon quyilishi tufayli vafot etgan. Janozasini Usmonxon Olimov oʻqigan va Said ibn Vaqqos ota qabristoniga dafn etilgan..