Forish tuman mahallalari

Forish tumani va mahallalari

Forish  –  Jizzax viloyatidagi tuman nomi.  Forish tumani 1935-yil 9-fevralda tashkil etilgan. Tashkil etilish jarayonida Forish tumaniga G‘allaorol tumanidan ajratilgan Payariq, Nurota tumanidan ajratilgan Sintob, Kattaog‘och, Ishtixon, Jizzax tumanidan ajratilgan Forish, Uchma Yangiqishloq va Osmonsoy qishloq Kengashlari kirgan.

1962-yilda Samarqand viloyatida 6 ta hududiy boshqarma tuzilib, Forish tumani shu yil sentyabr oyida tugatilgan va Nurota hududiy boshqarmasi ixtiyoriga o‘tkazilgan.

1964-yil Sirdaryo viloyati tashkil etilishi munosabati bilan Forish tumani qayta tiklandi va shu yil 14-fevralda Forish tumani tashkiliy byurosi tuzilgan. Qayta tashkil topgan tumanning maydoni 900 ming gektarni, axolisi 25178 kishini tashkil etgan.

Tumanning geografik joylashuvi -  tuman shimolidan va shimoliy-sharqdan Qozog‘iston Respublikasining Chimkent viloyati, sharqdan Jizzax va Zafarobod tumanlari, janubdan Gʻallaorol tumani, g‘arbdan Samarqand, Navoiy va Buxoro viloyatlari bilan chegaradosh.

           Tuman hududi 9, 59 ming kv.km, Jizzax viloyat hududining 43 foizdan ortig‘ini tashkil etadi, viloyatning shimoliy-g‘arbiy qismida joylashgan.

Tabiati va iqlimi – Relyefi pasttekislik, qir, adir va Nurota, Pistali tog‘ tizmalaridan iborat.

Iqlimi keskin kontinental, yozi issiq, quruq, qishi sovuq keladi. Yiliga o‘rtacha 340-360 mm yog‘in yog‘adi. Vegetatsiya davri 216-218 kun. Adirlari qumtosh, qum, mergel, pesalardan tarkib topgan. Tumanda Arnasoy, Baliqli ko‘llari va Aydar botig‘i joylashgan. Tuman hududida O‘rmon xo‘jaligi va Nurota davlat qo‘riqxonasi mavjud.

Mahalliy ma’lumotlar bo‘yicha tuman nomiga o‘tgan Forish qishlog‘ining nomi Amir Temur Samarkand atrofida qurdirmoqchi bo‘lgan „Parij“ shahri nomidan olingan. Keyinroq mahalliy xalq shevasida bu atama Farij, Farish, Forish deb o‘zgarib borgan degan, taxmin mavjud.

Tumandagi shaharchalar

Bog‘don - Forish tumanidagi shaharcha nomi. U tuman markazi maqomini olgan. Yana bir nomi Yangiqishloq nomi ham bor. Bunga olib borilgan yangi uy-joy qurilishi va obodonchilik ishlari sabab bo‘lgan degan izohlar bor.

Uchquloch shaharchasi - Jizzax viloyati Forish tumanidagi shaharcha nomi. Joy nomi tarkibida uch – so‘zi son, raqam miqdorini bildiradi, quloch esa qadimiy o‘lchov birligi. Yonma-yon joylashgan quduqlar taqqoslangan. Yelka balandligida kerilgan ikki ko‘lning o‘rta barmoq uchlari orasidagi masofa bir quloch deb qabul qilingan. Suvi uch quloch chuqurlikda joylashgan quduq “Uchquloch” deb atalgan.

Forish tumani mahallalari — Oʻzbekiston Respublikasi Jizzax viloyati tarkibidagi Forish tumani hududida joylashgan mahalla fuqarolar yigʻinlaridir. Mahallalar tuman hududida aholi o‘zini o‘zi boshqarish organlari hisoblanadi hamda hududiy boshqaruv tizimining quyi bo‘g‘ini sifatida faoliyat yuritadi. Mahallalar hududni ijtimoiy-iqtisodiy rivojlantirish, aholining muammolarini hal qilish va jamoatchilik ishlarini tashkil etishda muhim o‘rin tutadi.

Mahallalar

Forish tumani hududida 24 ta mahalla fuqarolar yig‘inlari mavjud bo‘lib, ular tuman hududidagi qishloq va aholi punktlarini qamrab oladi.

Quyida Forish tumani hududidagi ayrim mahallalar keltirilgan:

Amir Temur

Bog‘don

Xonbandi

Garasha

Musoqul Orolov

Egizbuloq

Oybek

Uchma

O‘xum

Sayyod

Osmonsoy

Oqtepa

Oqtom

Nurak

Narvon

Mustaqilik

Qo‘lba

Qoraobdol ota

Qizilqum

Ilonli

Do‘stlik

Darboza

O‘zbekiston

Uchquloch

Mahallalarning vazifalari

Mahalla fuqarolar yig‘inlari quyidagi asosiy vazifalarni amalga oshiradi:

aholi muammolarini o‘rganish va hal etishga ko‘maklashish;

hududni obodonlashtirish va rivojlantirish ishlarini tashkil etish;

ijtimoiy himoyaga muhtoj fuqarolarni qo‘llab-quvvatlash;

jamoat tartibini saqlashga ko‘maklashish;

yoshlar va xotin-qizlar bilan ishlash.

Shuningdek qarang

Forish tumani

Jizzax viloyati