Florica Prevenda

Florica Prevenda
Florica Prevenda
Tavalludi	1959-yil 5-aprel Dor Mărunt, Ruminiya
Millati	rumin
Sohasi	rassom
Taʼlimi	George Enescu nomidagi milliy sanʼat universiteti

Florica Prevenda (1959-yil 5-aprelda tugʻilgan) – Ruminiyaning Buxarest shahrida yashab ijod qiluvchi ruminiyalik rassom, haykaltarosh.

Yoshlik yillari va taʼlimi

Florica Prevenda 1959-yil 5-aprelda Ruminiyaning Buxarest shahri Dor Mărunt qishlogʻida arominlar oilasida dunyoga kelgan. Yassi shahridagi Milliy sanʼat universitetini tamomlagan (1984). Keyinchalik 1993—1997-yillarda Buxarest milliy sanʼat universitetining dotsenti boʻlgan. Belgiya, Buyuk Britaniya, Germaniya, AQSh, Polsha, Kanada, Ispaniya, Isroil va Niderlandiya kabi mamlakatlarda boʻlib oʻtgan mahalliy va xalqaro koʻrgazmalarda faol ishtirok etgan.

Badiiy uslubi

Introspektiv ruhga ega boʻlgan rassom, ayniqsa, konseptual, badiiy murakkablik hamda oʻzini kashf etishning boy tajribasi orqali eʼtiborni tortadigan, ichki izlanishga boy sanʼat asarlarini rivojlantirdi. Uning tasvirlar olamini sharhlash va tanqid qilishga qaratilgan badiiy hamda intellektual izlanishlari, mavjud va paydo boʻlayotgan mavzular kesishmasida, yaʼni koʻrgazmalarida taqdim etilayotgan eksperimental va innovatsion aralash media loyihalari orqali oʻrganiladi.

Koʻrgazmalari

Florica Prevendaning asarlari Ruminiya va xorijning turli mamlakatlarida, jumladan, Brusseldagi Hangar sanʼat markazi (2019), Venadagi Ruminiya madaniyat instituti (2016), Buxarestdagi Annart galereyasi (2016), Bruusseldagi Arielle d’Hauterives galereyasi (2016), Kishinyovdagi Milliy sanʼat muzeyi (2016), Timișoara sanʼat muzeyi (2016), Brukental milliy muzeyi (2017, 2013), AnnArt galereyasi (2014), Bryusseldagi Arthus galereyasi (1999, 2001, 2004, 2011), Buxarestdagi Milliy sanʼat muzeyi/Zamonaviy sanʼat galereyasi (1999), Gollandiyaning Wageningen shahridagi Galerie Het Dijkstoelhuis galereyasi (2002, 2004), Ruminiyadagi Mogosoaia muzeyi (2017–2018, 2008), Gollandiyaning Valkenswaard shahridagi Galerie Lamber galereyasi (2000), Amsterdamdagi FNV Kiem (2002), Italiyaning Milan shahrida boʻlib oʻtgan IIV „One Woman Show“ (2007), Buxarestdagi Galeria Simezada galereyasida (2004) namoyish etilgan.

Havolalar

• Official Website