Kontent qismiga oʻtish

Florence Riefle Bahr

ZiyoSfera, erkin ensiklopediya
Florence Riefle Bahr
Tavalludi 2-fevral 1909-yil
Baltimore (Maryland)
Vafoti 12-yanvar 1998-yil(1998-01-12)
(88 yoshda)
Elkridge
Taʼlimi Maryland sanʼat instituti
Kasbi Rassom
Turmush oʻrtogʻi Leonard Bahr
Mukofotlari Maryland shtatining Ayollar shon-sharaf zali (1999)

Florence Elizabeth Riefle Bahr (talaffuzi: Florens Elizabet Riefle Bahr) (1909-yil 2-fevral — 1998-yil 12-yanvar) — amerikalik rassom. U tabiat tasvirlarini, shuningdek, bolalar va kattalar portretlarini yaratdi. 300 dan ortiq kitoblarga siyohda chizilgan eskiz tasvirlar uning hayoti, jumladan, 1960—1970-yillardagi fuqarolik va inson huquqlari faolligi haqidagi voqealarni kataloglaydi. Koʻplab muhim voqealardan biri Vashingtondagi tadbirni oʻz ichiga oladi, u yerda Martin Luther King birinchi marta oʻzining „Mening orzuyim bor“ nutqi bilan soʻzga chiqqan. Uning Homage to Martin Luther King (tarjimasi „Martin Lyuter Kingga hurmat“) kartinasi „Insonlarni rivojlantirish milliy assotsiatsiyasi“ (NAACP) shtab-kvartirasida osilgan. U bolalar kitoblari uchun illyustratsiyalar yaratdi va Johns Hopkins kasalxonasining Harriet Lane bolalar uyi uchun Works Progress Administration (WPA)da devoriy rasm chizdi. Uning asarlari 1930-yillardan boshlab yakkaxon va guruh koʻrgazmalarida namoyish etilgan. 1999-yilda uning vafotidan keyin Maryland shtatining ayollar shon-shuhrat zaliga kiritildi.

Shaxsiy hayoti

Maryland institutiga qarashli san'at kolleji (MICA), asosiy binoning zali.

Florence Elizabeth Riefle 1909-yil 2-fevralda Maryland shtatining Baltimor shahrida James Henry Riefle va Florence Riefle oilasida tugʻilgan[1][2]. Uning oilasi musiqa bilan ham shugʻullangan va u oiladagi yagona rassom edi[3]. Bahr keyinchalik Homelandda oʻsgan. Tugʻilgan vaqtida dastlab Maryland shtatidagi Forest Park shahrida oʻsgan va Forest Park High Schoolni tamomlagan[4].

U 1930-yilda Maryland instituti oʻqituvchisi boʻlgan portret rassomi Leonard Mariondan taʼlim ola boshladi. U baʼzan uning portret tadqiqotlari uchun model boʻlgan. 1934-yilda Florence Elizabeth Riefle va Leonard Marion turmush qurishdi va keyinchalik ularning oilasida oʻn yil davomida uchta farzand tugʻildi. Farzandlarining ismlari Beth, Leonard va Mary[5][6].

Yangi turmush qurgan Bahr juftligi dastlab Baltimore shahrida uchinchi qavatdagi studiya kvartirasida yashagan. Florence Elizabeth Riefle keyinchalik yozgan maqolasida u asosan turmush oʻrtogʻi va rasm chizishga qiziqqanini yoazdi. Ikkalasi ham „ovqatdan koʻra boʻyashni afzal koʻrishini“ qayd etgan. U, shuningdek, bir nechta umumiy dam olish ishlarini eslatib oʻtadi: ot minish, piyoda sayr qilish va suzish.

1940-yilga kelib, Florence Elizabeth Riefle va Leonard Baltimorrda oʻzlarining sanʼati, koʻrgazmalari va oʻqituvchilik qobiliyatlari bilan tan olindi[7]. Ikkinchi jahon urushi paytida Leonard 1943-yilning 1-martida harbiy-dengiz kuchlariga dengiz zobiti sifatida qoʻshildi va 1945-yil 23-dekabrda safdan chiqarildi. 1947-yilda er-xotin Old Lawyers’dagi tarixiy uyga koʻchib oʻtdi. Hill Road, Elkridjdagi tarixiy tepaliklar, Hovard okrugi, Maryland shtatida joylashgan ushbu hududda 1960-yillarda Leonard yangi uyga ega boʻlib, har birining oʻz studiyalari bor edi.

Florence Elizabeth Riefle 1998-yil 12-yanvarda uyidagi yongʻin vaqti vafot etadi. Ushbu yongʻin natijasida uning bir nechta portretlari ham yonib ketadi.

Fuqarolik huquqlari

Fuqarolik va inson huquqlari haqida qaygʻurgan Florence Elizabeth Riefle bolalar huquqlaridagi vaziyat sababli bir nechta vaziyatlarga aralashadi, chunki shahar ichidagi bolalar uchun „Qora pantera“ nonushta dasturlari, ayollar huquqlari, urushga qarshi va yadroviy muammolar, shuningdek. Afrika aparteidini toʻxtatish kabi bahsli holatlar mavjud edi. U aka-uka Berrigan, Albert Schweitzer, Tom Dooley kabi turli faollarni va kambagʻallar uchun kurashgan har bir kishini himoya qildi. U telefon qoʻngʻiroqlari va xat yozish kompaniyalari orqali oʻzini qiziqtirgan masalalarga davlat amaldorlarining eʼtiborini jalb qilish uchun tashviqot olib bordi. Jumladan, siyosiy mitinglarda, fuqarolik huquqlari namoyishlarida va sud jarayonlarida qatnashgan. U Pentagondagi 1-may kuni urushga qarshi katta namoyishda hibsga olingan.

Bahr, shuningdek, sobiq gubernator Marvin Mandel va Catonsville Ninening sudlarida guvoh sifatida ishtirok etadi. U shuningdek, asosiy milliy mitinglarni tasvirlagan. Ushbu va boshqa tadbirlarning koʻpchiligi tasvirlangan 300 dan ortiq eskiz kitoblarini Maryland shtati arxiviga sovgʻa qiladi.

Taʼlimi

1927-yilda u Dikkinson kollejiga oʻqishga kirdi. Keyingi yili u Maryland institutiga qarashli Sanʼat kollejiga (MICA) oʻqishga kirdi va 1930-yilda Kostyumlar dizayni bakalavr darajasi bilan oʻqishni tugatadi. Keyingi yili u James Young Memorial mukofoti va tasviriy sanʼat boʻyicha diplomni qoʻlga kiritdi.

U 1959-yilda nemis tili va biologiyani oʻrganish uchun Catonsville Community kollejiga oʻqishga kirdi. 1962-yilda MICAda tasviriy sanʼat boʻyicha bakalavr darajasini va 1967-yilda Taʼlim va matbaa boʻyicha tasviriy sanʼat magistri darajasini oldi.

Ijodiy faoliyati

Bahr turli xil eskizlar, moyli va akvarel rasmlari, toshbosma, haykaltaroshlik namunalari, kitob rasmlari, kollajlar va konstruksiyalar yaratdi. Yogʻoch oʻymakorligi, monoprint va linogravyuralar ham u oʻrgangan usullar edi. U pastel va siyoh bilan ishlagan. U keng koʻlamli koʻrgazmalar oʻtkazdi. Uning ijodlari uning kundalik hayoti edi. Uning kungaboqar rasmi erkin va stixiyali ish boʻlib, ekspressionizmni eslatardi. U nabirasi kabi bolalarning koʻplab portretlarini va ularning katta boʻlgan koʻplab bolalarini suratga tushirdi. Uning portretlari chiroylilikka intilmasdan asosan inson xarakterining mohiyatini tasvirlab bergan[8]. Bahr bir nechta ommaviy axborot vositalarida ishlagan.

Taxminan 1931-yildan 1936-yilgacha Bahr oʻzining yoki boshqa muallifning bolalar kitoblari uchun akvarel rasmlarini yaratgan. WPA dasturida u Johns Hopkins kasalxonasidagi Harriet Lane bolalar uyi uchun devoriy rasm chizgan. Uning asarlari 1935-yilda Baltimor sanʼat muzeyida namoyish etilgan, ikki yildan soʻng u muzeydan oʻzining birinchi mukofotini olgan. 1936-yilda Maryland institutida Florence Elizabeth Riefle va Leonard Marionning asarlari qoʻshma koʻrgazmada namoyish etildi, bu koʻrgazmaga Hollywood aktrisasi Mae West va aktyor Dick Powell qiziqish bildirishgan. Florence Elizabeth Riefle u yerda oʻz asarlarini namoyish etishda davom etdi va qoʻshimcha mukofotlarni oldi. Uning afro-amerikalik ayol Lily portreti 1936-yilda Nyu-Yorkdagi milliy rassom va haykaltaroshlar uyushmasining koʻrgazmasida namoyish etilgan[9].

Bahr 1957-yildan 1992-yilgacha oʻz tajribalarini yozib olgan koʻplab eskizlardan Martin Luther Kingning Vashingtondagi „ Mening orzuyim bor“ nutqi,Catonsville sud zalidagi sud jarayoni, Pentagondagi miting, gubernatorning sud jarayonini suratga tushirdi[10].

U Martin Luther Kingning oʻlimi va undan kelib chiqadigan tartibsizliklarni tasvirlagan sur’at yartadi. Oʻlimidan oldin, Bahr uni 1960—1970-yillarda ishlagan tashkilotga taqdim etgan.

Bahrning sanʼati Yevropa, Yaponiya va Amerika Qoʻshma Shtatlaridagi shaxsiy va jamoat kolleksiyalarida saqlanadi[11].

Manbalar

  1. ↑ Florence Riefle Bahr. Record: MSA SC 3520-13553. Maryland State Archives. June 26, 2008. Retrieved January 23, 2014.
  2. ↑ 1930 Baltimore, Maryland; Roll: 869; Page: 11A; Enumeration District: 0518 United States of America, Bureau of the Census. Fifteenth Census of the United States, 1930. Washington, D.C.: National Archives and Records Administration, 1930. T626, 2,667 rolls.
  3. ↑ Florence Riefle Bahr. Maryland Women's Hall of Fame, Maryland State Archives. Retrieved January 24, 2014.
  4. ↑ Del Quentin Wilbur. "Artist Dies in Elkridge Fire: Florence Bahr's Home Destroyed in Two Alarm Blaze." (Wayback Machine saytida 2014-02-01 sanasida arxivlangan) The Baltimore Sun. January 13, 1998.
  5. ↑ Florence, (Wayback Machine saytida 2014-02-19 sanasida arxivlangan) Special Collections. Maryland State Archives. Retrieved January 25, 2014.
  6. ↑ Jack Dawson, "A Family of Artists." The Sun Magazine, January 10, 1982.
  7. ↑ 1940 Baltimore, Baltimore City, Maryland census. Roll: T627_1524; Page: 8B; Enumeration District: 4-400. United States of America, Bureau of the Census. Sixteenth Census of the United States, 1940. Washington, D.C.: National Archives and Records Administration, 1940. T627, 4,643 rolls.
  8. ↑ Robert G. Breen. A Versatile Artist. Published between 1962 and 1967. Image of the article accessed from the Maryland State Archives. Retrieved January 24, 2014.
  9. ↑ "Painter in a Musical Family Would Rather Draw Than Eat." The Baltimore Sun, June 29, 1936.
  10. ↑ The Archivists' Bulldog Vol. 11 No. 8, Newsletter of the Maryland State Archives, April 28, 1997 Maryland State Archives. Retrieved January 25, 2014.
  11. ↑ Donors: Gifts of Art. (Wayback Machine saytida 2014-02-21 sanasida arxivlangan) Baltimore Museum of Art. Retrieved January 24, 2014.

Havolalar

"https://ziyosfera.uz/index.php?title=Florence_Riefle_Bahr&oldid=435201" dan olindi