Kontent qismiga oʻtish

Fiera Milano

ZiyoSfera, erkin ensiklopediya
Fiera Milano SpA
Tasvir yaratishda xatolik:
Tasvir yaratishda xatolik:
Turi Aksiyadorlik jamiyati
Tarmogʻi
Qachon asos solingan 2000-yil 1-oktyabr (2000-10-01),
Milan, Italiya
Hududiy xizmati Shimoliy Italiya
Aylanma daromadi €248.358 million (2010)[1]
Ishchilar soni 740 (2011-yil iyun holatiga)[2]
Vebsayti fieramilano.it

Fiera Milano SpA – bosh ofisi Milan shahrida joylashgan yarmarka va koʻrgazmalar tashkilotchisi. Kompaniya Italiyadagi eng muhim, shuningdek, dunyoda 4-oʻrinda turadigan yirik yarmarka tashkilotchisi hisoblanadi[3].

Kompaniya 2000-yil 1-oktyabrdan faoliyat yurita boshlagan va 2002-yil 12-dekabrdan beri Borsa Italiana (STAR boʻlimi) birjasida roʻyxatga olingan.

Fiera Milano, asosan, koʻrgazmalar, yarmarkalar va konferensiyalarni boshqarish hamda ularni tashkil etish sohalarida faoliyat yuritadi. Har yili taxminan 70 ta koʻrgazmaga (shulardan qariyb uchdan biri bevosita oʻzi tomonidan tashkil etiladi) va 30 000 ta ishtirokchiga mezbonlik qiladi[4]. Kompaniya Fiera Milano Rho hududida boʻlib oʻtgan Expo 2015 tadbirida ham ishtirok etgan.

Fiera Milano Rho

Fiera Milano Rho meʼmor Massimiliano Fuksas tomonidan loyihalashtirilgan boʻlib, 2005-yilda ochilgan yarmarka majmuasi hisoblanadi. Rho va Pero shaharlari chegarasidagi joylashgan. Mazkur majmua avvalgi koʻrgazma hududining oʻrnini egallagan boʻlib, eski hudud keyinchalik yangi CityLife tumani sifatida qayta rivojlantirilgan. Fiera Milano Rho, asosan, sanoat yoʻnalishidagi xalqaro koʻrgazmalar va savdo yarmarkalarini oʻtkazish uchun foydalaniladi.

Fiera Milano Rho majmuasi 2023-yil 19-aprelda 2026-yilgi Qishki Olimpiada oʻyinlarining konkida yugurish sporti arenasi sifatida eʼlon qilindi. Dastavval ushbu sport turini oʻtkazish boʻyicha Ice Rink Piné muz maydoniga tom qismi oʻrnatish rejasi koʻrib chiqilgan. Biroq bu taklif Xalqaro olimpiada qo‘mitasi (XOQ) tomonidan rad etilgan. Shundan soʻng Fiera Miano Rho majmuasi tanlangan. Musobaqalar 13 va 15-zallarda oʻtkazilmoqda, bu zallardan bitta katta maydon yaratilgan boʻlib, unda konkida yugurish arenasi joylashgan, shuningdek, 6500 oʻrinli tribunalar mavjud. Shu bilan birga, mazkur maskanda qoʻshimcha xokkey muz maydoni ham tashkil etilgan[5][6].

  • 2026-Qishki Olimpiya oʻyinlari paytidagi xokkey maydoni
    2026-Qishki Olimpiya oʻyinlari paytidagi xokkey maydoni

Fiera Milano City

Fiera Milano City hududi, asosan, Milan moda haftaligi kabi isteʼmolchi yarmarkalariga mezbonlik qiladi.

MiCo

MiCo (Milano Congressi) hozirda Yevropadagi eng yirik kongress markazi boʻlib[7][8], 70 ta turli konferensiya zallarida 18 000 nafargacha kishini oʻzida sigʻdira oladi[8].

Manbalar

  1. ↑ „1st Half 2011 Consolidated Results Conference Call“. Fiera Milano. Qaraldi: 2011-yil 19-oktyabr.
  2. ↑ „Fiera Milano Group Presentation - STAR Conference“. Fiera Milano. Qaraldi: 2011-yil 19-oktyabr.
  3. ↑ „Ranking of the world's largest exhibition halls in 2018, by gross hall capacity“. Statista. 2020-yil 3-fevralda asl nusxadan arxivlangan. Qaraldi: 2020-yil 3-fevral.
  4. ↑ „About us“. FieraMilano. 2011-yil 22-iyulda asl nusxadan arxivlangan. Qaraldi: 2011-yil 19-oktyabr.
  5. ↑ Rowbottom, MIke. „Milan The Unanimous Choice for Speed Skating at 2026 Winter Olympics“. Inside the Games (2023-yil 19-aprel). Qaraldi: 2023-yil 19-aprel.
  6. ↑ Ridley, Bob. „Fiera Milano Rho To Be New Home for Speed Skating at 2026 Winter Olympics“. The Stadium Business (2023-yil 19-aprel). Qaraldi: 2023-yil 19-aprel.
  7. ↑ „MiCo - Milano Congressi“. Fiera Milano. 2012-yil 28-aprelda asl nusxadan arxivlangan. Qaraldi: 2011-yil 19-oktyabr.
  8. ↑ 8,0 8,1 „MiCo - Il centro congressi più grande d'Europa“. Fiera Milano. Qaraldi: 2011-yil 19-oktyabr.[sayt ishlamaydi]

Havolalar

Vikiomborda „Fiera Milano“ mavzusi boʻyicha mediafayllar bor. 
"https://ziyosfera.uz/index.php?title=Fiera_Milano&oldid=433346" dan olindi