Kontent qismiga oʻtish

Fernando Redondo

ZiyoSfera, erkin ensiklopediya
Fernando Redondo
Redondo in 2019
Shaxsiy maʼlumot
Toʻliq ismi Fernando Carlos Redondo Neri
Tavallud sanasi 1969-yil 6-iyun (1969-06-06) (57 yosh)
Tavallud joyi Adrogué, Argentina[1]
Boʻyi 1.86 m[1]
Ampluasi Defensive midfielder
Professional faoliyati*
Yillar Jamoa Isht. (Gol.)
1985—1990 Argentinos Juniors 65 (1)
1990—1994 Tenerife 103 (8)
1994—2000 Real Madrid 165 (4)
2000—2004 AC Milan 16 (0)
Milliy terma jamoa
1992—1999 Argentina 29 (1)
Medallar
Erkalar futboli
 Argentina vakili
Copa América
1993 Ecuador
FIFA Konfederatsiyalar kubogi
Gʻolib 1992 Saudi Arabia
South American U-17 Championship
1985 Argentina
*Professional klublardagi gollari (ichki chempionat)

Fernando Carlos Redondo Neri (1969-yil 6-iyunda tugʻilgan) — tayanch yarim himoyachisi sifatida toʻp surgan argentinalik sobiq professional futbolchi. U, asosan, „Real Madrid“ va „Milan“ klublaridagi faoliyati bilan tanilgan. U barcha davrlarning eng buyuk tayanch yarim himoyachilaridan biri sifatida eʼtirof etiladi[2][3][4][5][6].

Hujumga qoʻshilish va kreativ oʻyin namoyish etish qobiliyatiga ega boʻlgan bu tayanch yarim himoyachisi professional faoliyatini „Argentinos Juniors“ klubida boshlagan. Soʻngra „Tenerife“ va „Real Madrid“ klublari safida toʻliq oʻn yil davomida La Ligada toʻp surgan va bir nechta jarohatlar tufayli qisqarib ketgan faoliyatini Italiyaning „Milan“ klubida yakunlagan[7][8]. U „Real Madrid“ safida ikki marta La Liga chempionligini va shuncha Chempionlar ligasi kubogini qoʻlga kiritgan, 2003-yilda esa „Milan“ bilan ham Chempionlar ligasida gʻolib chiqqan.

Redondo 1990-yillarda Argentina terma jamoasi aʼzosi boʻlib, 1994-yilgi Jahon chempionatida mamlakat sharafini himoya qilgan, shuningdek, 1992-yilgi FIFA Konfederatsiyalar kubogi va 1993-yilgi Amerika kubogida gʻolib chiqqan.

Oʻyin uslubi

Himoyachilar oldida toʻp suruvchi nafis harakatlarga ega Redondo ortki chiziqda harakat qiluvchi pleymeyker edi[9]. U oʻzining noodatiy toʻp uzatishi, maydonni koʻra bilish qobiliyati, texnikasi va chap oyogʻi bilan toʻpni oʻziga boʻysindira olishi bilan ajralib turardi. Yarim himoyada jamoasining oʻyin tempini nazorat qilish qobiliyati uni 90-yillardagi „Real Madrid“ jamoasining asosiy oʻyinchisiga aylantirgan[10][11][12]. Yuqori tezlikka ega boʻlmasa-da, u tezlik olishda yaxshi edi va toʻpni olib qoʻyishda samarali va tajovuzkor oʻyin namoyish etardi. Hujumda boʻlgani kabi himoyada ham jamoasiga katta foyda keltirardi[13][14][15][16].

Shu sababli, yarim himoyada oʻyinni boshqarish hamda jamoasiga himoyada yordam berish qobiliyati tufayli uning roli metodistaga (italyan futboli jargonida „markaziy yarim himoyachi“) qiyoslangan[17][18][19]. Fabio Kapello Redondoni „taktik jihatdan mukammal“ deb taʼriflagan[20].

Garchi u oʻz avlodining eng buyuk yarim himoyachilaridan biri deb hisoblangan boʻlsa-da[21][22][23], Redondo butun faoliyati davomida, ayniqsa, soʻnggi yillarida, jarohatlardan koʻp aziyat chekkan[13][12].

Shaxsiy hayoti

Redondo sanoatchilar oilasida tugʻilib, toʻkin-sochinlikda voyaga yetgan. Keyinchalik, futbolchilik faoliyatining dastlabki yillarida universitetda huquqshunoslik boʻyicha tahsil olgan[19]. U hamkasbi Santyago Solarining amakivachchasiga uylangan boʻlib[24], oʻgʻillari Federiko va kichik Fernando ham shu sport turi bilan shugʻullangan[25][26].

Ashaddiy kitobxon boʻlgan Redondo Xorxe Luis Borxes hamda Gabriel Garsia Markesni oʻzining eng sevimli ikki yozuvchisi deb bilgan[27].

Yutuqlar

Real Madrid[28]
  • La Liga: 1994-95, 1996-97
  • Ispaniya Superkubogi: 1997-yil
  • UEFA Chempionlar Ligasi: 1997-98, 1999-2000
  • Qitʼalararo kubok: 1998-yil
Milan[28]
  • A Seriya: 2003-04
  • Italiya kubogi: 2002-03
  • UEFA Chempionlar Ligasi: 2002-03
  • UEFA Superkubogi: 2003-yil
Argentina U17[28]
  • Janubiy Amerika U-17 chempionati: 1985-yil
Argentina[28]
  • Amerika kubogi: 1993-yil
  • FIFA Konfederatsiyalar kubogi: 1992-yil

Shaxsiy

  • FIFA Konfederatsiyalar kubogi: Oltin toʻp 1992[29]
  • Jahon XI: 1996[30]
  • Tenerifeda yilning eng yaxshi futbolchisi: 1992-93, 1993-94[28]
  • „Real Madrid“ning eng yaxshi futbolchisi: 1996-97, 1999-2000[28]
  • Yilning ESM jamoasi: 1997-1998[28]
  • Trofeo EFE: 1990-1999-yillarning eng yaxshi futbolchisi[31]
  • UEFA klublarida yilning eng yaxshi futbolchisi: 1999-2000
  • AFA barcha davrlar jamoasi (2015-yilda nashr etilgan)[32]
  • IFFHS Argentina barcha vaqtlarning orzu jamoasi: 2021[33]

Manbalar

  1. ↑ 1,0 1,1 „Fernando Carlos Redondo“ (es). BDFA. Qaraldi: 2019-yil 7-noyabr.
  2. ↑ „Top 50 Defensive Midfielders of All-Time“. Iconicfootball.weebly.com. Qaraldi: 2026-yil 9-iyul.
  3. ↑ „Full List of 110 Nominees for France Football's 'Ballon d'Or Dream Team' Have Been Revealed“ (2020-yil 22-oktyabr). 2020-yil 3-noyabrda asl nusxadan arxivlangan. Qaraldi: 2023-yil 26-iyun.
  4. ↑ „Best defensive midfielders ever“ (en). FourFourTwo (2024-yil 28-iyul). Qaraldi: 2024-yil 12-oktyabr.
  5. ↑ Churchill, Max „The 10 greatest defensive midfielders in football history ranked - Rodri 8th“ (en). GiveMeSport (2025-yil 18-yanvar). Qaraldi: 2025-yil 30-sentyabr.
  6. ↑ Cummings, Michael „50 Best Defensive Midfielders in World Football History“. Bleacherreport.com. Qaraldi: 2026-yil 9-iyul.
  7. ↑ „Il regista di centrocampo: da Redondo a Verratti passando per Pirlo e Xavi“ [Midfield playmakers: from Redondo to Verratti through Pirlo and Xavi] (it). Fanta Gazzetta (2013-yil 31-mart). Qaraldi: 2014-yil 3-dekabr.
  8. ↑ „Fernando Carlos Redondo Neri "Il Principe"“ [Fernando Carlos Redondo Neri "The Prince"] (it). Maglia Rossonera. Qaraldi: 2014-yil 3-dekabr.
  9. ↑ Newman, Blair. „The relationship between a player's age and their position on a football pitch“ (2015-yil 24-aprel). Qaraldi: 2015-yil 24-sentyabr.
  10. ↑ „Real Madrid's key players“. BBC Sport (2000-yil 23-may). Qaraldi: 2015-yil 24-sentyabr.
  11. ↑ „Ivan Zamorano: Perfect XI“. FourFourTwo (2010-yil 1-avgust). Qaraldi: 2015-yil 24-sentyabr.
  12. ↑ 12,0 12,1 „A prince at the Bernabéu“. Real Madrid CF. Qaraldi: 2015-yil 24-sentyabr.
  13. ↑ 13,0 13,1 Zizzo, Mike. „Baggio takes great strides toward soccer greatness“ (1994-yil 15-iyun). Qaraldi: 2015-yil 24-sentyabr.
  14. ↑ Hughes, Sam „When El Rey Fernando ruled Madrid“. El Centrocampista (2012-yil 11-fevral). Qaraldi: 2015-yil 16-may.
  15. ↑ Ondra, Paul „Fernando Redondo: The pure essence of elegance“. SB Nation (2017-yil 9-may). Qaraldi: 2017-yil 23-dekabr.
  16. ↑ „Redondo, a lord of football“. A.C. Milan (2017-yil 6-iyun). Qaraldi: 2017-yil 23-dekabr.
  17. ↑ Carriero, Cristiano; Tossani, Michele „Il 5 è il nuovo 10“ [The 5 is the new 10] (it-IT). Rivista Undici (2017-yil 24-fevral). Qaraldi: 2024-yil 15-fevral.
  18. ↑ „Che fine hanno fatto i nostri "Preferiti"“ (it-IT). L'Ultimo Uomo (2023-yil 19-oktyabr). Qaraldi: 2024-yil 15-fevral.
  19. ↑ 19,0 19,1 Perrone, Roberto. „Redondo, "el taconazo" che leggeva Borges“ (it) (2013-yil 14-noyabr). Qaraldi: 2016-yil 7-noyabr.
  20. ↑ „One-touch perfectionist“ (2000-yil 21-may). Qaraldi: 2026-yil 9-iyul.
  21. ↑ Clarey, Christopher. „World Cup '98; Argentina's coach knows way to ultimate prize“ (1998-yil 30-iyun). Qaraldi: 2015-yil 24-sentyabr.
  22. ↑ Penner, Mike. „For a world of reasons, many standouts are sitting this out“ (1998-yil 13-iyun). Qaraldi: 2015-yil 24-sentyabr.
  23. ↑ Carminati, Nadia „Spurs keep tabs on Redondo“. Sky Sports. Qaraldi: 2015-yil 24-sentyabr.
  24. ↑ Romero, Enrique. „Que hoy nos dejen muy bien parados“ (es) (1999-yil 30-oktyabr). 2016-yil 7-noyabrda asl nusxadan arxivlangan. Qaraldi: 2016-yil 7-noyabr.
  25. ↑ Brunati, Verónica. „El hijo de Fernando Redondo debuta mañana en Tigre“ (es) (2016-yil 5-fevral). Qaraldi: 2017-yil 2-noyabr.
  26. ↑ „Federico Redondo, hijo de Fernando, comienza a entrenar con la Selección Sub 15“ [Federico Redondo, son of Fernando, starts training with the Under-15 national team] (es). Minuto Uno (2017-yil 24-sentyabr). Qaraldi: 2017-yil 2-noyabr.
  27. ↑ Bolognini, Luigi. „Il mistero Redondo alla prova del campo – Rientro nel Milan dopo due anni di stop“ (it) (2002-yil 10-yanvar). Qaraldi: 2016-yil 7-noyabr.
  28. ↑ 28,0 28,1 28,2 28,3 28,4 28,5 28,6 „Craque imortal Redondo“ [Immortal star – Redondo] (pt). Imortais do Futebol (2013-yil 26-may). Qaraldi: 2018-yil 3-sentyabr.
  29. ↑ Pierrend, José Luis „FIFA Awards“. Rec.Sport.Soccer Statistics Foundation. Qaraldi: 2010-yil 24-iyul.
  30. ↑ Leme de Arruda, Marcelo „FIFA XI´s Matches – Full Info“. Rec.Sport.Soccer Statistics Foundation. 2015-yil 17-noyabrda asl nusxadan arxivlangan. Qaraldi: 2015-yil 25-oktyabr.
  31. ↑ „Libreta de apuntes“ (es) (2001-yil 20-yanvar). Qaraldi: 2018-yil 5-mart.
  32. ↑ „La Selección de Todos los Tiempos“ [The Team of All Time] (es). Argentine Football Association (2016-yil 4-yanvar). 2018-yil 14-avgustda asl nusxadan arxivlangan. Qaraldi: 2018-yil 29-yanvar.
  33. ↑ „IFFHS ALL TIME ARGENTINA MEN'S DREAM TEAM“ (2021-yil 26-avgust).

Havolalar

"https://ziyosfera.uz/index.php?title=Fernando_Redondo&oldid=1543263" dan olindi