Felipe Paullier
| Felipe Paulliyer | |
|---|---|
 | |
 | |
|
Mansab davri 2023-yil 27-oktyabr – hozirgacha | |
| Oʻtmishdoshi | lavozim taʼsis etilgan |
 | |
|
Mansab davri 2020-yil – hozirgacha | |
| Prezident | Luis Lacalle Pou |
| Shaxsiy maʼlumotlari | |
| Tavalludi |
1991-yil 26-yanvar Urugvay |
| Fuqaroligi |
 Urugvay |
| Taʼlim | Universidad de la Republica Oriental del Uruguay (bakalavr) |
| Alma mater | Universidad Catolica del Uruguay (magistratura) |
| Kasbi | pediatr, siyosatchi |
| Qoʻmitalar | BMT yoshlar ofisi |
Felipe Paullier – urugvaylik siyosatchi hamda shifokor. 2023-yilning 27-oktyabridan Birlashgan Millatlar Tashkilotining yoshlar masalalari boʻyicha oʻrinbosari, Yoshlar ofisi rahbari[1]. BMT tarixidagi eng yosh rasmiy lavozim egasi hisoblanadi. Turli yillarda Urugvaydagi mahalliy lavozimlarda faoliyat yuritgan.
Hayoti
Felipe Paullier 1991-yilning 26-yanvar kuni Urugvayning poytaxti Montevideo shahrida tugʻilgan. Shahardagi oʻrta maktablarning birida tahsil olgach, Universidad de la República oliygohining tibbiyot fakultetiga oʻqishga qabul qilingan. Magistrlik darajasini Universidad Católica del Uruguay universitetining biznes boshqaruvi yoʻnalishi boʻyicha olgan.
Faoliyati
Urugvay
Dastlab faoliyatini 2012-yilda BdBeq CRO klinik tadqiqot tashkilotida ilmiy yordamchi sifatida boshlaydi. 2015-16-yillarda Urugvay Sogʻliqni saqlash vazirligida amaliyotchi boʻlib xizmat qilgan. Shu bilan birgalikda, 2010-yildan 2015-yilgacha parallel ravishda Montevideo shahri sudida maslahatchi sifatida ham ishlagan. 2015-yilda Montevideo shahri meri oʻrinbosari etib tayinlangan. U bu lavozimda 2020-yilgacha faoliyat olib borgan. Shuningdek, 2020-yildan Urugvay Milliy yoshlar instituti direktori lavozimida ishlab kelmoqda[2].
BMT
2023-yilning 27-oktyabr kuni Birlashgan Millatlar Tashkiloti bosh kotibi António Guterres Felipe Paullierni BMT bosh kotibining yoshlar masalalari boʻyicha oʻrinbosari lavozimiga tayinlanganini eʼlon qilgan[3]. Shuningdek, bu lavozim bilan birgalik BMTning Yoshlar ofisi rahbari sifatida ham ish boshlashi maʼlum qilingan. Shu yilning 1-dekabr kunidan oʻz faoliyati rasman boshlagan.
Belgiyaga tashrif
Felipe 2024-yilning 11-oktyabr kuni Birlashgan millatlar tashkilotining oziq-ovqat va qishloq xoʻjaligi tashkilotining Brussel shahridagi vakolatxonasida rasmiylar bilan uchrashuv oʻtkazgan. Oziq-ovqat tashkilotining navbatdagi uchrashuviga Belgiyadan ham delegatlar ishtirok etishlari masalalarini koʻrib chiqqan[4].
Oʻzbekistonga tashrif
Felipe Paullier 2025-yilning may oyida Toshkent shahriga yoshlar masalalari yuzasidan tashrif buyurgan. Dastlab, Yoshlar ishlari agentligi direktori Alisher Saʼdullayev bilan Oʻzbekistondagi yoshlar bilan ishlash tizimi boʻyicha uchrashuv oʻtkazgan. 15-may kuni Toshkentda Raqamli „yashil“ tashabbuslar Global yoshlar festivalida ishtirok etgan[5]. 16-may kuni Oliy Majlis Senatida Senat raisi Tanzila Norboyeva bilan Oʻzbekiston-BMT hamkorligi yuzasida uchrashuv oʻtkazgan[6].
Mukofotlari
Felipe Paullier 2025-yilning fevral oyida Georgetown universitetining „Global Competetiveness Leadership“ (GCL) xalqaro dasturi tomonidan „GCL 2025 Impact Award“ mukofoti bilan taqdirlangan[7].
Manbalar
- ↑ „Felipe Paullier Assistant Secretary-General for Youth Affairs“. BMT veb-sayti. UN.org. Qaraldi: 19-may 2025-yil.
- ↑ „Mr. Felipe Paullier“. unescap.org. Qaraldi: 19-may 2025-yil.
- ↑ „Помощник Генерального секретаря по делам молодежи“. un.org. Qaraldi: 19-may 2025-yil.
- ↑ „UN Assistant Secretary-General (ASG) for Youth Affairs, Felipe Paullier visits FAO Liaison Office in Brussels“. Fao.org. Qaraldi: 19-may 2025-yil.
- ↑ „BMT Bosh kotibi o‘rinbosari, BMT Yoshlar ofisi rahbari Felipe Paulliyer bilan uchrashuv“. gov.uz. Qaraldi: 19-may 2025-yil.
- ↑ „Tanzila Narbayeva Felipe Paulliyer bilan uchrashuv o‘tkazdi“. yoshlarportali.uz. Qaraldi: 19-may 2025-yil.
- ↑ „Felipe Paullier, GCL 2017, Uruguay, Winner of the GCL 2025 Impact Award“. https://lalp.georgetown.edu/.+Qaraldi: 19-may 2025-yil.