Kontent qismiga oʻtish

Felicia Schroeder

ZiyoSfera, erkin ensiklopediya
Felicia Schroeder
Shaxsiy maʼlumot
Toʻliq ismi Felicia Marie Schroeder[1]
Tavallud sanasi 1986-yil 3-dekabr (1986-12-03) (39 yosh)
Tavallud joyi Cincinnati, Ohio, U.S.
Boʻyi 1.70 m (5 ft 7 in)[2]
Ampluasi Hujumchi
Yoshligida aʼzo boʻlgan klublar
Ohio Elite Soccer Academy
Cardinals
Oak Hills Highlanders
Professional faoliyati*
Yillar Jamoa Isht. (Gol.)
2011 Åland United 27 (23)
2012 Kvarnsvedens IK 11 (7)
Milliy terma jamoa
2009–2013 AQSh kar-soqovlar ayollar milliy terma jamoasi 14 (19)
*Professional klublardagi gollari (ichki chempionat)

Felicia Waldock (qizlik familiyasi: Schroeder; 1986-yil 3-dekabrda tugʻilgan) — „Åland United“ jamoasida oʻynagan amerikalik sobiq futbolchi. Tugʻma kar boʻlgan Waldock 2009-yil AQSh kar-soqov ayollar milliy terma jamoasi bilan va 2013-yilgi Kar-soqovlar Olimpiyadasida oltin medallarni qoʻlga kiritgan.

Ilk hayoti va taʼlimi

Felicia Schroeder 1986-yil 3-dekabrda Cincinnati shahrida Tom va Andrea Schroederlar oilasida tugʻilgan. Sportching opasi ham bor[3]. Schroeder tugʻma kar edi[4][5]. Tegishli sharoitlar yetishmasligi sababli u uchinchi sinfga qadar toʻqqizta turli maktabda tahsil olgan[4].

Maktabda oʻqib yurgan yillarida Schroeder „Ohio Elite Soccer Academy“ va „Cardinals“ klublarida futbol oʻynagan. Ushbu ikki klub tarkibida u toʻrtta shtat chempionligini (1999, 2000, 2001, 2005-yillar)[3], shuningdek, bitta milliy chempionlikni qoʻlga kiritgan[6]. 2023-yil iyul holatiga koʻra, futbolchi oʻzi oʻqigan yuqori maktabda urilgan gollar va golli uzatmalar soni boʻyicha rekordlarni saqlab kelmoqda[7][8][9].

Schroeder 2005-yilda Oak Hills High School maktabini tamomlagan. Soʻngra Janubiy Karolina universitetiga oʻqishga kirgan. U yerda Schroeder kampus shaharchasidagi yagona kar talaba edi[4]. Shu sababli universitetda ishora tili tarjimoni yoʻq edi va oʻquv yurti Schroeder bilan darslarga qatnashish uchun Jorjiyadan maxsus odam yollagan[10][4]. Qulay sharoitlar yaratishdagi qiyinchiliklar tufayli sportchi Purdue universitetiga oʻtgan. U yerda „psixolog boʻlish hamda kar bolalarga eshitish dunyosi boʻlmasligiga qaramay, koʻp narsaga erishish mumkinligini anglashga yordam berish“ uchun psixologiya yoʻnalishida tahsil olgan[4].

Faoliyati

Sportdagi faoliyati

Schroeder Purdue universitetiga oʻtishdan oldin ikkita mavsum davomida Janubiy Karolina universitetida futbol oʻynagan[11]. 2007-yilda Purdue universitetida oʻqib yurganida, uning jamoasi Big Ten Conference turnirida gʻolib chiqqan[5][12].

2009-yilda u AQSh kar-soqov ayollar milliy terma jamoasi aʼzosi sifatida Amerika Qoʻshma Shtatlari sharafini himoya qilgan. Schroeder Taybeyda oʻtkazilgan 2009-yilgi Kar-soqovlar Olimpiyadasida oʻynash uchun tanlab olingan. Futbolchi ushbu oʻrinni egallaganini bilganidan soʻng, „AQSh Olimpiya qoʻmitasi oʻyinlarga homiylik qilmasligi sababli har bir oʻyinchi Tayvanga boʻladigan safar uchun 5 000 dollar toʻplashi kerakligini“ bilib olgan[12]. Schroeder zarur mablagʻni topishga muvaffaq boʻlgan va yakunda oltin medalni qoʻlga kiritgan[5][12].

2011-yilda Schroeder Finlyandiya futbolining eng yuqori divizioni boʻlmish Naisten Liiganing „Åland United“ jamoasida debyut qilgan[11][13]. U 2012-yilda Shvetsiya jamoasida oʻynagan[5][9]. Oʻsha yili u Kar-soqovlar oʻrtasidagi jahon kubogida oltin medalni qoʻlga kiritgan. U yerda u AQSh ayollar milliy terma jamoasida oʻynagan, shuningdek, ilk bor taʼsis etilgan Imkoniyati cheklangan yilning eng yaxshi futbolchisi mukofotiga sazovor boʻlgan[5][14].

2013-yilda u Kar-soqovlar Olimpiyadasida yana bir oltin medalni qoʻlga kiritgan[12].

Murabbiylik faoliyati

2012-yilda Schroeder Texas A&M xalqaro universitetining ayollar futbol jamoasida yordamchi murabbiy rolini oʻz zimmasiga olgan va jamoaning milliy reytingini oshirishga yordam bergan[5]. U, shuningdek, Sinsinnati universitetida, Benton Central yuqori maktabid] va „Ohio Elite Soccer Academy“ akademiyasida murabbiylik qilgan[9].

Oʻqituvchilik faoliyati

2019-yil holatiga koʻra, Waldock Kolerayn yuqori maktabida Amerika ishora tilidan dars bergan va maktabning qizlar futbol jamoasi murabbiyi boʻlgan. Waldock hozirda Lakota West yuqori maktabida ASL 1 va 2 fanlaridan dars beradi va qizlar futboli boʻyicha JV jamoasining bosh murabbiyi hisoblanadi.

Shaxsiy hayoti

Schroeder 2014-yilda Adam Waldock bilan turmush qurgan. 2019-yil holatiga koʻra, ular Liberti shaharchasida yashashadi va ikkita farzandi bor.

Manbalar

  1. ↑ „Felicia Marie WALDCOCK“. 2022-yil 6-oktyabrda asl nusxadan arxivlangan.
  2. ↑ „Felicia Schroeder – Soccer“. Purdue Boilermakers. 2023-yil 10-avgustda asl nusxadan arxivlangan. Qaraldi: 2023-yil 9-avgust.
  3. ↑ 3,0 3,1 „Meet The New Kid: Felicia Schroeder“ (en). Purdue Boilermakers. 2023-yil 10-avgustda asl nusxadan arxivlangan. Qaraldi: 2023-yil 10-avgust.
  4. ↑ 4,0 4,1 4,2 4,3 4,4 Brummett, Melissa „Junior hopes personal hardships will help others“. Purdue Exponent (2008-yil 18-fevral). 2023-yil 10-avgustda asl nusxadan arxivlangan. Qaraldi: 2023-yil 10-avgust.
  5. ↑ 5,0 5,1 5,2 5,3 5,4 5,5 Jennings, Kirsten „Schroeder Leaves Lasting Impact on Women's Soccer Team“. Texas A&M International University Athletics (2012-yil 3-dekabr). 2016-yil 5-martda asl nusxadan arxivlangan. Qaraldi: 2023-yil 9-avgust.
  6. ↑ „South Carolina Women's Soccer Announces Signing Class“ (en-US). University of South Carolina Athletics (2005-yil 3-may). 2023-yil 10-avgustda asl nusxadan arxivlangan. Qaraldi: 2023-yil 10-avgust.
  7. ↑ „Girls Soccer: Goals Scored Career (Since 1991)“ (en). Oak Hills Athletics. 2023-yil 10-avgustda asl nusxadan arxivlangan. Qaraldi: 2023-yil 10-avgust.
  8. ↑ „Girls Soccer – Offensive Points Career – Goals (2) Assists (1) (Since 1991)“ (en). Oak Hills Athletics. 2023-yil 10-avgustda asl nusxadan arxivlangan. Qaraldi: 2023-yil 10-avgust.
  9. ↑ 9,0 9,1 9,2 Dyer, Mike „Felicia Waldock is a 'home run' hire for the Colerain girls' soccer program“ (en). WCPO 9 Cincinnati (2019-yil 16-yanvar). 2023-yil 30-mayda asl nusxadan arxivlangan. Qaraldi: 2023-yil 10-avgust.
  10. ↑ Carmin, Mike. „Just one thing she can't do: And the soccer standout is OK with that“ (2007-yil 4-oktyabr), s. A1, A8. Qaraldi: 2023-yil 24-avgust.
  11. ↑ 11,0 11,1 „Felicia Schroeder, Liz Ruberry, Janelle Cordia sign for Åland United“. Our Game Magazine (2011-yil 2-fevral). 2023-yil 10-avgustda asl nusxadan arxivlangan. Qaraldi: 2023-yil 9-avgust.
  12. ↑ 12,0 12,1 12,2 12,3 Klemko, Robert „Deaf athletes hurdle barriers, achieve goals in college sports“. USA Today (2009-yil 15-sentyabr). 2009-yil 23-sentyabrda asl nusxadan arxivlangan. Qaraldi: 2023-yil 10-avgust.
  13. ↑ Sjöblom, Dan „Åland United och IFK möts i ÅM-final“ (Swedish). Nya Åland (2011-yil 3-mart). 2022-yil 27-mayda asl nusxadan arxivlangan. Qaraldi: 2023-yil 10-avgust.
  14. ↑ „CP Soccer Youth Players Voted 2020 U.S. Soccer Players of the Year with a Disability“ (en). US Soccer. 2021-yil 19-dekabrda asl nusxadan arxivlangan. Qaraldi: 2023-yil 10-avgust.

Tashqi havolalar

"https://ziyosfera.uz/index.php?title=Felicia_Schroeder&oldid=1186386" dan olindi