Fayzulla Norxoʻjayev
| Fayzulla Norxoʻjayev | |
|---|---|
| Fayl:Fayzulla Xoʻjayevich Norxoʻjayev.jpg | |
| Shaxsiy maʼlumotlari | |
| Tavalludi |
25-noyabr 1911-yil Chust tumani, Qiziltepa qishlogʻi |
| Vafoti |
25-may 1983-yil (71 yoshda) Toshkent, OʻzSSR |
| Mukofotlari |
  Andoza:Hurmat belgisi ordeni  |
| Unvoni | general-leytenant |
Fayzulla Xoʻjayevich Norxoʻjayev (1911.25.11, Chust tumani Qiziltepa qishlogʻi – 1983.25.5, Toshkent) – harbiy arbob, general-leytenant (1972). 1927-yildan armiya safida. Norxoʻjayev Oʻrta Osiyo birlashgan harbiy bilim yurtini (1931), Bosh shtab harbiy akademiyasini (1959) tugatgan. Xasan koʻli va Xalxingol daryosi boʻyidagi janglarda ishtirok etgan (1938—1939). Ikkinchi jahon urushi yillarida Janubiy-Gʻarbiy, 3-Ukraina va 1-Belorussiya frontlarida jang qilgan. Urushdan keyin tankka qarshi qiruvchi artilleriya brigadasi (1946—1952), alohida oʻqchi brigada, motooʻqchi diviziya artilleriyasi qoʻmondoni. Shimoliy qoʻshinlar guruhining raketa qoʻshinlari va artilleriyasi boshligʻi oʻrinbosari (1961—1964), Turkiston harbiy okrugi qoʻshinlari qoʻmondoni oʻrinbosari (1964-1973), 1974—1982-yillarda Oʻzbekiston tarix va madaniyat yodgorliklarini saqlash jamiyati respublika boshqarmasi Prezidiumi raisining 1-oʻrinbosari. Urush faxriylari qoʻmitasi Toshkent shoʻbasi raisi (1982-yildan). Norxoʻjayev „50 yil jangovar safda“ asari (1982) muallifi. Toshkent koʻchalaridan biri Norxoʻjayev nomi bilan atalgan[1][2].