Fatma Omar
| Fatma Omar | |
|---|---|
| Shaxsiy maʼlumotlari | |
| Jinsi | ayol |
| Fuqaroligi | Misr |
| Tavallud sanasi |
1973-yil 17-noyabr Qohira, Misr |
| Boʻyi | 145 sm |
| Bolalari | 2 nafar qizi |
| Sport | |
| Mamlakat | Misr |
| Qaysi sport | Pauerlifting |
| Sport mukofotlari | ||
|---|---|---|
| Ayollar oʻrtasida Pauerlifting | ||
 Misr vakili
| ||
| Paralimpiada oʻyinlari | ||
| Oltin | Sidney-2000 | −44 kg |
| Oltin | Afina-2004 | −56 kg |
| Oltin | Pekin-2008 | −56 kg |
| Oltin | London-2012 | −56 kg |
| Kumush | Rio-de-Janeyro-2016 | −61 kg |
| Jahon chempionati | ||
| Oltin | Dubay-1998 | −44 kg |
| Oltin | Kuala-Lumpur-2002 | −44 kg |
| Oltin | Busan-2006 | −56 kg |
| Oltin | Dubay-2014 | −61 kg |
| Bronza | Tbilisi-2021 | −67 kg |
Fatma Omar (1973-yil 17-noyabrda tugʻilgan) — misrlik paralimpiada pauerliftingchi. U −56 kg vazn toifasida qatnashgan. Omar Yozgi Paralimpiada oʻyinlarida ketma-ket toʻrtta oltin medalni qoʻlga kiritgan hamda IPC pauerlifting boʻyicha jahon chempionatida toʻrtta oltin medal sohibi boʻlgan.
Shaxsiy hayoti
Omar 1973-yilda Qohirada tugʻilgan[1][2][3]. U bir yoshida poliomiyelit bilan kasallangan va bu uning umurtqa pogʻonasiga zarar yetkazgan[2]. Uning ikki nafar qizi bor[2].
Pauerliftingdagi faoliyati
Omar Misr sharafini ilk bor 1998-yilda Dubayda oʻtkazilgan IPC pauerlifting boʻyicha jahon chempionatida himoya qilgan. U −44 kg vazn toifasida qatnashib, oltin medalni qoʻlga kiritgan. Ushbu muvaffaqiyatdan soʻng u 2000-yilgi Yozgi Paralimpiada oʻyinlarida qatnashish uchun Misr terma jamoasiga tanlangan[2].
Sidneyda oʻtkazilgan 2000-yilgi Paralimpiada oʻyinlarida Omar −44 kg vazn toifasida qatnashib, 109 kg natija bilan oltin medalni qoʻlga kiritgan. U finalda Lucy Ogechukwu Ejikeni ortda qoldirgan. Toʻrt yil oʻtib, Afina Paralimpiadasida Omar −56 kg vazn toifasiga oʻtgan va 127,5 kg natija bilan oltin medalni qoʻlga kiritgan[2].
2008-yilgi Pekin Paralimpiadasida Omar yana −56 kg vazn toifasida qatnashgan. U 141,5 kg natija bilan jahon rekordini oʻrnatib, oltin medalni qoʻlga kiritgan[2].
Pekindagi gʻalabasidan soʻng, nigeriyalik Lucy Ejike Omar qatnashadigan −56 kg vazn toifasiga oʻtishini maʼlum qilgan. Natijada ikki sportchi 2012-yilgi London Paralimpiadasida yana raqib sifatida uchrashgan[2][4]. Ejike birinchi urinishda 135 kg natija bilan peshqadamlik qilgan, biroq keyingi urinishida bu natijani yaxshilay olmagan. Omar esa soʻnggi urinishida 142 kg koʻtarib, Pekindagi rekordini yangilagan va ketma-ket toʻrtinchi oltin medalini qoʻlga kiritgan[2].
Toʻrt yil oʻtib, Ejike va Omar 2016-yilgi Rio-de-Janeyro Paralimpiadasida uchinchi marta oʻzaro raqobatlashgan. London Paralimpiadasidan keyin Xalqaro Paralimpiya qoʻmitasi pauerlifting boʻyicha erkaklar va ayollar vazn toifalarini oʻzgartirgan va ikki sportchi ayollar oʻrtasidagi −61 kg vazn toifasida qatnashgan. 2015-yilda meksikalik Amalia Pérez −61 kg vazn toifasida 133 kg natija bilan jahon rekordini oʻrnatgan, biroq Ejike birinchi urinishidayoq 135 kg koʻtarib, bu rekordni yangilagan[5].
Omar birinchi urinishida 133 kgni koʻtara olmagan, biroq ikkinchi urinishida ayni natijani qayd etgan. Ejike ikkinchi urinishida 138 kg koʻtarib, kunning ikkinchi jahon rekordini oʻrnatgan[5]. Omar soʻnggi urinishida 140 kg koʻtarib, vaqtincha ikkinchi oʻringa koʻtarilgan. Biroq Ejike 142 kg natija qayd etib, Omarni kumush medal bilan kifoyalanishga majbur qilgan[5].
2021-yilda Omar Gruziyaning Tbilisi shahrida oʻtkazilgan 2021-yilgi Para pauerlifting boʻyicha jahon chempionatida −67 kg vazn toifasida bronza medalni qoʻlga kiritgan[6][7].
Manbalar
- ↑ „Powerlifting - OMAR Fatma“. Tokyo 2020 Paralympics. Tokyo Organising Committee of the Olympic and Paralympic Games. 2021-yil 30-avgustda asl nusxadan arxivlangan. Qaraldi: 2021-yil 30-avgust.
- ↑ 2,0 2,1 2,2 2,3 2,4 2,5 2,6 2,7 „Omar, Fatma“. IPC. 2016-yil 13-sentyabrda asl nusxadan arxivlangan. Qaraldi: 2016-yil 4-sentyabr.
- ↑ „Paralympic - OMAR Fatma - Powerlifting - Egypt“. Rio 2016 Paralympics. Rio 2016 Organising Committee for the Olympic and Paralympic Games. — „Date of birth: November 17, 1973“. 2016-yil 30-oktyabrda asl nusxadan arxivlangan. Qaraldi: 2016-yil 30-sentyabr.
- ↑ „Nigeria aiming high at Fazaa Powerlifting Championships“. paralympic.org (2013-yil 21-fevral). 2016-yil 29-oktyabrda asl nusxadan arxivlangan. Qaraldi: 2016-yil 29-oktyabr.
- ↑ 5,0 5,1 5,2 „Results - Women's -61 kg Group A“. International Paralympic Committee (2016-yil 11-sentyabr). 2016-yil 30-oktyabrda asl nusxadan arxivlangan. Qaraldi: 2016-yil 29-oktyabr.
- ↑ „Tbilisi 2021: Ejike and Bettir win nail-biting battles“. Paralympic.org (2021-yil 1-dekabr). 2021-yil 1-dekabrda asl nusxadan arxivlangan. Qaraldi: 2021-yil 1-dekabr.
- ↑ „2021 World Para Powerlifting Championships Results Book“. Paralympic.org. 2021-yil 24-dekabrda asl nusxadan arxivlangan. Qaraldi: 2021-yil 24-dekabr.