Fatana Najib
Fatana Najib | |
 | |
.svg) | |
|---|---|
|
Mansab davri 1987-yil 30-sentyabr – 1992-yil 16-aprel | |
| Prezident | Muhammad Najibulloh |
| Oʻtmishdoshi | Mahboba Karmal |
| Keyingisi | Zinat Karzay |
| Shaxsiy maʼlumotlari | |
| Tavalludi |
1953-yil 9-avgust Bagʻlan, Afgʻoniston |
| Turmush oʻrtogʻi | Muhammad Najibulloh |
| Kasbi | tilshunos |
Fatana Najib (1953-yil 9-avgust, Bagʻlan, Afgʻoniston) — afgʻon tilshunosi va Afgʻonistonning sobiq birinchi xonimi.
Tarjimayi holi
Fatana Najib 1953-yil 9-avgustda Bagʻlanda tugʻilgan. Omonullaxonning avlodidan[1]. Fatana 1996-yilda Tolibon tomonidan oʻldirilgan Afgʻoniston xalq demokratik partiyasi bosh kotibi va Afgʻoniston prezidenti Muhammad Najibullohning rafiqasi boʻlib[2], 1987-yil 30-sentyabrdan 1992-yil 16-aprelgacha mamlakatning birinchi xonim boʻlgan.
Najib sakkizinchi sinf oʻquvchisi boʻlganida ilk marta boʻlajak Afgʻoniston prezidenti Muhammad Najibulloh bilan uchrashgan va Najibulloh Fatananing fan oʻqituvchisi boʻlgan. Ular 1974-yil 1-sentyabrda turmush qurishgan, ularning Heela (1977-yilda tugʻilgan), Moska (1984-yilda tugʻilgan) va Onai (1978-yilda tugʻilgan) ismli qizlari bor[3]. Birinchi xonim sifatidagi faoliyati davomida Fatana Afgʻoniston Qurolli kuchlaridagi harbiy xizmatchilarining oilalariga yordam koʻrsatib, yarador askarlarning oilalariga tashrif buyurgan[4]. Shuningdek, Najib Kobuldagi Tinchlik maktabi direktori ham boʻlgan[3]. 1992-yilda Fatana va uch qizi Afgʻonistondan Hindistonning Dehli shahriga qochib ketib, oʻsha yerda surgunda yashashgan[1]. Oʻshandan boshlab Hindistonda istiqomat qiladi[5], qizlari Heela va Moska esa chet elda oʻqib, oʻsha yerlarda ishlashgan. Heela Tailandda ishlab, yashagan va hozirda Shveysariyada yashaydi, Shveysariyada Franklin kollejini tamomlagan, bugungi kunda Syurix universitetida dinshunoslik boʻyicha aspiranturada oʻqimoqda[6]. Moska esa Shveysariyada tahsil olgan, hozirda Singapurda yashaydi va ishlaydi[7].
Manbalar
- ↑ 1,0 1,1 Bashir, Malali „The Real First Ladies of Afghanistan“. Foreign Policy. Qaraldi: 2026-yil 22-mart.
- ↑ Sidiqee, Mohammaed Naser „Afghanistan's First Lady: Emancipator or Conventionalist?“. The Globe Post (2018-yil 7-iyun). Qaraldi: 2026-yil 22-mart.
- ↑ 3,0 3,1 Earleen, Fisher „Najibullah Retains Control With Power and Pragmatism“. AP News (1991-yil 13-iyul). Qaraldi: 2026-yil 22-mart.
- ↑ Bashir, Malali „The Real First Ladies of Afghanistan“. Foreign Policy. Qaraldi: 2026-yil 22-mart.
- ↑ „Taliban Violence: Murder, Mutilation and Terror“. South Mountain Peace Action. Qaraldi: 2026-yil 22-mart.
- ↑ „Heela NAJIBULLAH | PhD in Religious Studies | University of Zurich, Zürich | UZH | Religionswissenschaftliches Seminar“ (inglizcha). ResearchGate. Qaraldi: 2026-yil 22-mart.
- ↑ Centre, Sussex Asia „Ms Moska Najib : Associated Academics : ... : Sussex Asia Centre : University of Sussex“. www.sussex.ac.uk. Qaraldi: 2026-yil 22-mart.