Fariz Abdullayev
Fariz Abdullayev — Xalqaro Real Aykido Federatsiyasi vitse-prezidenti, Kavkaz Real Aykido Federatsiyasi va Ozarbayjon Real Aykido Sport Klubi prezidenti hamda bosh murabbiyi. U real aykido boʻyicha 5-dan qora kamar, Krav Maga boʻyicha 4-dan qora kamar va budo boʻyicha 2-dan qora kamar darajasiga ega. Abdullayev xalqaro seminarlarning toʻrt karra vakili va xalqaro jang sanʼatlari festivallarining ikki karra ishtirokchisi boʻlgan[1][2][3].
Hayoti
Fariz Abdullayev Elsevar oʻgʻli 1989-yil 10-aprelda Boku shahrida tugʻilgan. 2005-yilda 244-sonli oʻrta maktabni tamomlagan. 2010-yilda esa Milliy aviatsiya akademiyasining Iqtisodiyot va huquq fakultetini aʼlo baholar bilan tugatib, toʻliq oliy maʼlumotga ega boʻldi. Shuningdek, 2016-yilda Ozarbayjon davlat jismoniy tarbiya va sport akademiyasini tamomlagan. 2010-2011-yillarda harbiy xizmatni oʻtagan.
2024-yil 15-avgustda „Irsiy qon kasalligi va umuman qon donorligi madaniyatini rivojlantirish“da koʻrsatgan alohida eʼtibori va gʻamxoʻrligi uchun Ozarbayjon Qon Donorligini rivojlantirish markazi boshqaruvi raisi Fuad Rasul tomonidan markazning faxriy aʼzosi etib saylangan[4].
Uylangan, bir oʻgʻli bor. Havaskor sifatida musiqa faoliyati bilan ham shugʻullanadi.
Karyerasi
Bolaligidan sportga boʻlgan katta ishtiyoqi uni 2001-yilda „Real Aykido“ sport turiga olib keldi. 2012-yil iyun oyida u Real Aykido jang sanʼatining asoschisi, 10-dan qora kamar sohibi, akademik, general Lyubomir Vracharevich tomonidan 3-dan qora kamar bilan taqdirlandi va „Sport ustasi“ unvonini oldi.
2013-2014-yillarda Serbiyaning Belgrad shahrida boʻlib oʻtgan Xalqaro Real Aykido seminarlarida Ozarbayjonni yuqori saviyada taqdim etadi va imtiyozli diplom oladi.
2014-yil 17-noyabr — 20-dekabr kunlari Fariz Abdullayev Real Aykidoning vatani boʻlgan Serbiya poytaxti Belgradga tashrif buyurdi. 33 kun davomida 58 ta professional mashgʻulotlarda ishtirok etgan, bir necha bor mahorat darslarini oʻtkazgan va jahon federatsiyasining 1-yigʻilishining yagona ozarbayjonlik aʼzosi boʻlgan. „Bodyguard Training Centre Vracarevic“ kursini tamomlagan va litsenziya olgan. 2015-2017-yillarda dunyoning eng yirik sport tadbirlaridan biri hisoblangan „Xalqaro jangovar turlar festivali“da Ozarbayjonni va umuman real aykido sport turini 2 marta munosib ravishda taqdim etgan. 2016-yil 2-fevralda namunali yosh sifatida ajralib turgani uchun Binagadi tumani ijroiya boshligi tomonidan faxriy yorliq bilan taqdirlangan.
2016-yil 24-fevralda esa jahon federatsiyasi tomonidan Serbiyaga taklif etiladi. Imtihon topshirib, 4-dan qora kamar ustasi unvonini oladi. Shu bilan birga, „Bodyguard Training Centre Vracarevic“ning Ozarbayjon boʻyicha rasmiy vakolatxonasi Fariz Abdullayevga topshiriladi.
2019-yil 18-dekabrda Xalqaro real aykido federatsiyasi vitse-prezidenti lavozimiga tayinlangan.
2020-yil 3-dekabrda koʻp yillik yutuq va xizmatlari uchun Xalqaro Real Aykido federatsiyasi prezidenti, Real Aykido sport turi asoschisining 1-yordamchisi, 7-dan qora kamar ustasi, professor Igor Petrovich tomonidan 5-dan qora kamar ustasi unvoniga sazovor boʻldi.
2018-2023-yillarda uning rahbarligida Ozarbayjon Real Aykidossi ketma-ket 6 yil davomida har bir toifada dunyoda 1-oʻrinni egalladi[5].
2013-2023-yillar oraligʻida Real Aykido jang turini Ozarbayjonda rivojlantirgani uchun har yili jahon federatsiyasi tomonidan turli diplom va medallar bilan taqdirlangan[6].
Ayni paytda oddiy vatandoshlar va bir qator kuch tuzilmalari xodimlariga oʻz-oʻzini himoya qilish sanʼatini oʻrgatmoqda. Hozirgacha 2000 dan ortiq kishi „Real Aykido“ sport turi bilan shugʻullanishiga sabab boʻlgan.
Manbalar
- ↑ „REAL AIKIDO AU 32EME FESTIVAL DES ARTS MARTIAUX“. YouTube (1 iyl 2017). 2023-yil 23-noyabrda asl nusxadan arxivlangan. Qaraldi: 2023-yil 23-noyabr.
- ↑ „Fariz Abdullayev - MAG verilişində“. YouTube (2019-yil 28-aprel). 2023-yil 23-noyabrda asl nusxadan arxivlangan. Qaraldi: 2023-yil 23-noyabr.
- ↑ „Fariz Abdullayev“. INTERNATIONAL REAL AIKIDO FEDERATION AZERBAIJAN. 2023-yil 23-noyabrda asl nusxadan arxivlangan. Qaraldi: 2023-yil 23-noyabr.
- ↑ Mammadov, Vuqar „Diplom“ (2024-yil 15-avgust).
- ↑ „Bakıda real aykido özünümüdafiə sənəti üzrə səkkizinci beynəlxalq seminar və kəmər imtahanı keçirilib“. AZƏRTAC (2022-yil 31-may), s. 1.
- ↑ „Master Fariz Abdullayevin təqdim olunması, mükafatlandırılması və çıxışı (Belqrad 25.09.23)“. YouTube (9 okt 2023). 2023-yil 23-noyabrda asl nusxadan arxivlangan. Qaraldi: 2023-yil 23-noyabr.
Tashqi havolalar
www.azrealaikido.com https://realaikidofederation.com/ https://www.youtube.com/watch?v=gzo7rrpENMs Fariz Abdullayevning 2013-2017-yillarda xalqaro maydondagi chiqishlari.