Farida Shahid
Farida Shahid (urducha: فریدہ شہید) — pokistonlik sotsiolog, feminist, inson huquqlari faoli. 2012-yilda madaniy huquqlar sohasida Birlashgan Millatlar Tashkilotining maxsus maʼruzachisi etib tayinlangan[1]. 2022-yildan taʼlim huquqi sohasida shu lavozimni egallab keladi. Pokistondagi Shirkat Gah ayollar resurs markaziga rahbarlik qiladi. Pokistonda va global miqyosda gender va sinf tahliliga oid keng qamrovli ishlari bilan tanilgan[2][3].
Faoliyati
Shahid 25 yildan ortiq tadqiqotchilik tajribasiga ega boʻlib, qishloqlarni rivojlantirish, mehnat, madaniyat, din va davlat masalalariga gender hamda feministik yondashuv orqali ish olib boradi[4]. U, ayniqsa, ayollar, kambagʻallar, diniy va etnik ozchiliklar kabi chetga surilgan jamoalar uchun siyosat va loyihalar orqali madaniy huquqlarni ilgari surish va himoya qilishga eʼtibor qaratgan. Shahid, shuningdek, Birlashgan Millatlar Tashkiloti va Pokiston doirasidagi muzokaralar hamda xalqaro, mintaqaviy va milliy darajadagi kelishuvlar boʻyicha mutaxassis hisoblanadi[1].
Shahid 2009-yildan 2015-yilgacha madaniy huquqlar sohasida BMT maxsus maʼruzachisi boʻlib ishlagan, soʻngra bu vazifani Karima Bennun qabul qilib olgan[5]. 2022-yil avgustida u taʼlim huquqi boʻyicha maxsus maʼruzachi etib tayinlangan[6].
Mukofotlari va eʼtirof etilishi
2014-yil 12-noyabrda Shahid gender, madaniyat, din va davlat mavzularidagi ishlari uchun International Award UCLG — Mexico City Culture 21 mukofoti bilan taqdirlangan[7][8]. U avvalroq ham bir qator boshqa mukofotlar, jumladan, hammualliflikda yozilgan „Two Steps Forward, One Step Back“ kitobi uchun Pokiston Bosh vaziri mukofotini ham qoʻlga kiritgan edi[7].
Nashrlari
2010-yilda Shahid „Third World Quarterly“ jurnalining maxsus soni uchun „Contested Identities: Gendered Politics, Gendered Religion in Pakistan“ (tarjimasi „Bahsli identifikatsiyalar: Pokistonda genderlashgan siyosat va genderlashgan din“) maqolasini yozgan[4].
1998-yilda Shahid Sohail Akbar Varraich, Cassandra Balchin va Aisha Gazdar bilan hamkorlikda „Shaping Womenʼs Lives: Laws, Practices and Strategies in Pakistan“ (tarjimasi „Ayollarning hayoti: Pokistonda qonunlar, amaliyotlar va strategiyalar“) kitobini tahrir qilgan. Ushbu kitob Shirkat Gah tomonidan nashr etilgan.
1987-yilda Shahid Khawar Mumtaz bilan hamkorlikda „Women of Pakistan: Two Steps Forward, One Step Back?“ (tarjimasi „Pokiston ayollari: ikki qadam oldinga, bir qadam orqaga?“) kitobini yozgan, unda XX asr boshidan 1980-yillarning oʻrtalarigacha Janubiy Osiyodagi musulmon ayollar harakatlari yoritilgan.
Manbalar
- ↑ 1,0 1,1 „Ms. Farida Shaheed, Special Rapporteur in the field of cultural rights“. Office of the High Commissioner for Human Rights (OHCHR) www.ohchr.org. Qaraldi: 2014-yil 27-noyabr.
- ↑ Shah, Bina. „The Fate of Feminism in Pakistan“. The New York Times www.nytimes.com (2014-yil 20-avgust). Qaraldi: 2014-yil 27-noyabr.
- ↑ „An Interview with Farida Shaheed“. Association of Women's Rights in Development (AWID) www.awid.org (2008-yil 12-fevral). 2014-yil 5-dekabrda asl nusxadan arxivlangan. Qaraldi: 2014-yil 27-noyabr.
- ↑ 4,0 4,1 „Farida Shaheed Former Collaborating Researcher“. United Nations Research Institute for Social Development (UNRISD) www.unrisd.org. Qaraldi: 2014-yil 27-noyabr.
- ↑ „Alexandra Xanthaki“. Office of the High Commissioner for Human Rights. Qaraldi: 2023-yil 11-dekabr.
- ↑ „Farida Shaheed“. Office of the High Commissioner for Human Rights. Qaraldi: 2023-yil 11-dekabr.
- ↑ 7,0 7,1 „Recognition: Pakistani activist receives prestigious award“. The Express Tribune www.tribune.com.pk (2014-yil 11-noyabr). Qaraldi: 2014-yil 27-noyabr.
- ↑ „Announcement: Winners of the International Award UCLG - MEXICO City - Culture 21“. The Global Network of Cities, Local and Regional Governments (UCLG) www.uclg.org. Qaraldi: 2014-yil 27-noyabr.[sayt ishlamaydi]