Farhod Arziyev

Farhod Nuriddinovich Arziyev
Oʻzbеkistоnning Xitoydagi elchisi
	Mansab davri; 2021-yildan – hozirgacha
Prezident	Shavkat Mirziyoyev
Vazir	Abdulaziz Komilov ; Baxtiyor Saidov
Oʻtmishdoshi	Baxtiyor Saidov
Oʻzbekiston Respublikasi Tashqi ishlar vaziri 1-oʻrinbosari
	Mansab davri; 2020-yil 25-fevraldan – 2021-yil 29-dekabrgacha
Prezident	Shavkat Mirziyoyev
Vazir	Abdulaziz Komilov
Oʻzbеkistоnning Hindistondagi elchisi
	Mansab davri; 2017-yildan – 2020-yilgacha
Prezident	Shavkat Mirziyoyev
Oʻtmishdoshi	Solih Inogʻomov
Vorisi	Dilshod Ahatov
Shaxsiy maʼlumotlari
Tavalludi	1975-yil 5-oktyabr (51 yosh); Nurota tumani, Samarqand viloyati, OʻzSSR
Fuqaroligi	Oʻzbekiston
Taʼlim	Toshkent universiteti
Mukofotlari

Farhod Nuriddinovich Arziyev – oʻzbek iqtisodchisi va diplomati. 2021-yildan Oʻzbekistonning Xitoy va Moʻgʻulistondagi elchisi^[1]. 2017—2020-yillarda Oʻzbekistonning Hindistondagi elchisi boʻlgan^[2].

Biografiyasi

1975-yil 5-oktabrda Samarqand viloyati Nurota tumanida (hozirgi Navoiy viloyati) tugʻilgan.

Maʼlumoti

1997-yilda Toshkent universitetini tamomlagan.

2000-yilda Buyuk Britaniyaning London universitetini tamomlagan.

2011-yilda AQSh Kentukki Patterson universitetining diplomatiya va xalqaro savdo maktabini tamomlagan.

Rus, ingliz va nemis tillarini biladi.

Mehnat faoliyati

1997-2000 – Oʻzbekiston milliy axborot agentligi xalqaro yangiliklar boʻlimi muharriri oʻrinbosari.

2002-2004 – Oʻzbekiston Respublikasi Tashqi ishlar vazirligi huzuridagi Jahon axborot agentligi yetakchi eksperti.

2004-2008 – Oʻzbekiston Respublikasining Nyu-Yorkdagi BMT huzuridagi Doimiy vakolatxonasining 1-kotibi.

2008-2009 – Oʻzbekiston Respublikasining Jeneva shahridagi BMT boʻlimi va boshqa xalqaro tashkilotlar huzuridagi Doimiy vakolatxonasining 1-kotibi.

2012-2014 – Oʻzbekiston Respublikasi Tashqi ishlar vazirligining BMT va xalqaro tashkilotlar bilan ishlash boshqarmasi boʻlim boshligʻi.

2014-2017 – Oʻzbekiston Respublikasining Olmoniyadagi elchixonasi maslahatchisi.

2017-2020 – Oʻzbekiston Respublikasining Hindiston Respublikasi va Bangladesh Xalq Respublikasidagi Favqulodda va Muxtor elchisi. 2019-yil 7-mart kuni Dakka shahridagi „Bangababan“ qasrida Bangladesh prezidenti Abdul Hamidga ishonch yorliqlarini topshirdi^[3].

2020—2021 – Oʻzbekiston Respublikasi tashqi ishlar vazirining birinchi oʻrinbosari.

2021-yildan – Oʻzbekiston Respublikasining Xitoy, Moʻgʻuliston va Filippindagi favqulodda va muxtor elchisi lavozimida ishlab kelmoqda.

Favqulodda va Muxtor elchi diplomatik martabasiga ega.

Ijodi

„Yolgʻizlik ranglari“ sheʼriy toʻplamining muallifi^[4].

Mukofotlari

Doʻstlik ordeni (2025)^[5].

Manbalar

[1] „Tashqi ishlar vazirining birinchi o‘rinbosari ishdan bo‘shatildi“.

[2] „Tashqi ishlar vazirining birinchi o‘rinbosari O‘zbekistonning Xitoydagi yangi elchisi etib tayinlandi“.

[3] Bangladesh prezidenti oʻz mamlakatida Oʻzbekistonning islomiy qadamjolariga ulkan qiziqish mavjudligini bildirdi

[4] Farhod Arziyev (1975)

[5] „O‘zbekiston Respublikasi mustaqilligining o‘ttiz to‘rt yilligi munosabati bilan davlat xizmatchilari hamda ishlab chiqarish va ijtimoiy-iqtisodiy sohalar xodimlaridan bir guruhini mukofotlash to‘g‘risida“. president.uz (2025-yil 25-avgust). Qaraldi: 2025-yil 26-avgust.

[1]

[2]

[3]

[4]

[5]