Fanula Papazoglu
| Fanula Papazoglu | |
|---|---|
 | |
| Tavalludi |
3-fevral 1917-yil Bitola |
| Vafoti |
26-yanvar 2001-yil (83 yoshda) Belgrad, Yugoslaviya FR |
| Sohasi | qadimgi tarix |
| Turmush oʻrtogʻi | George Ostrogorsky |
Fanula Papazoglu (yunoncha: Φανούλα Παπάζογλου; 1917-yil 3-fevralda tugʻilgan – 2001-yil 26-yanvarda vafot etgan) – yugoslav klassik olimi, epigraf va akademik. Balkanning qadimgi tarixi boʻyicha mutaxassis, 1970-yilda Qadimgi epigrafiya va mumizmatika markazini tashkil etgan.
Hayoti
Fanula Papazoglu 1917-yil 3-fevralda Bitola (hozirgi Shimoliy Makedoniya) ittifoqchilar hududida aruminiyalik yunonlar oilasida dunyoga kelgan[1][2][3][4]. 1936-yilda Bitoladagi oʻrta maktabni tamomlagan, soʻngra Belgrad universitetining Falsafa fakultetiga oʻqishga kirgan va u yerda klassik filologiya, qadimgi tarix va arxeologiya boʻyicha taʼlim olgan. Yugoslaviya bosib olinganida Papazoglu talabalar tashkilotining aʼzosi sifatida yugoslav partizanlariga yordam bergan va 1942–1943-yillarda Banjica konslageriga yuborilgan.
Papazoglu 1946-yilda Falsafa fakultetini tamomlagan va 1947-yildan boshlab shu fakultetning Qadimgi tarix boʻlimida ishlay boshlagan. 1955-yilda „Macedonian towns during the Roman period“ (Rim davridagi Makedoniya shaharlarining tarixi) mavzusida doktorlik dissertatsiyasini himoya qilgan. 1965-yilda esa professor unvoniga ega boʻlgan.
Fanula Papazoglu 1974-yil 21-mart kuni Serbiya Fanlar va sanʼat akademiyasi (SANU)ga muxbir aʼzo sifatida saylangan. 1983-yil 15-dekabrda esa akademiyaning toʻliq aʼzosiga aylangan.
Belgrad universitetida Papazoglu kelib-chiqishi rus millatiga mansub mashhur yugoslav vizantiyashunos olimi Georgiy Ostrogorskiy bilan tanishgan va keyinchalik unga turmushga chiqqan. Ularning Tatyana ismli bir qizi va Aleksandr ismli bir oʻgʻli boʻlgan. Papazoglu 1979-yilda nafaqaga chiqqan va 2001-yilda Belgradda vafot etgan.
Papazoglu oʻz davrining boshqa arxeologlari singari madaniy-tarixiy-evolyutsionistik arxeologiya yoʻnalishida faoliyat olib borgan. Uning ilmiy izlanishlari „Central Balkan tribes“ (Markaziy Balkan qabilalari) mavzusiga bagʻishlangan boʻlib, u bu qabilalarni boshqa arxeologik madaniyatlardan ajralib turuvchi, oʻziga xos arxeologik madaniyatlarga ega, aniq va barqaror chegaralarga ega boʻlgan ixcham jamoaviy guruhlar sifatida tasvirlagan. Uning ishlari oʻz zamonida katta taʼsir kuchiga ega boʻlgan, biroq zamonaviy arxeologiyada tanqidga uchragan. „Markaziy Balkan qabilalari“ning mavjudligi va tashkil topishi haqidagi xulosalar koʻpincha zamonaviy identitet (shaxsiylik/milliylik) shakllanishi tushunchalariga mos keluvchi nazariy asosga tayangan. Ushbu nazariy asos esa koʻpincha yozma va moddiy manbalarga tayanmasdan, allaqachon shakllangan gʻoyalarni tasdiqlash uchun ishlatilgan[5].
Manbalar
- ↑ Robin J. Fox, Robin Lane Fox eds., Brill’s Companion to Ancient Macedon: Studies in the Archaeology and History of Macedon, 650 BC – 300 AD, Edition illustrated, BRILL, 2011, ISBN 9004206507, p. 39.
- ↑ Μιλτιάδη Χατζόπουλου, Φανούλα Παπάζογλου – Η μεγάλη ελληνίστρια και ιστορικός της αρχαίας Μακεδονίας.
- ↑ Richard Clogg, Minorities in Greece: Aspects of a Plural Society. C. Hurst & Co. Publishers. 2002, ISBN 978-1-85065-705-7, p. 153.
- ↑ Roudometof, Victor, „Nationalism and Identity Politics in the Balkans: Greece and the Macedonian Question“. Journal of Modern Greek Studies. Baltimore: The Johns Hopkins University Press, (1996), p. 286, note # 29.
- ↑ Mihailović 2014.