Faiza Darkhani
| Faiza Darkhani | |
|---|---|
| Tavalludi |
1992-yil |
| Fuqaroligi |
 Afgʻoniston |
| Taʼlimi |
Badaxshon universiteti „Putra Malaysia“ universiteti |
| Kasbi | ekolog, ayollar huquqlari himoyachisi va o‘qituvchi |
Faiza Darkhani (talaffuzi: Faiza Darxoniy; 1992-yil, Afgʻoniston) — afgʻonistonlik ekolog, ayollar huquqlari himoyachisi va oʻqituvchi[1]. 2021-yilda BBCning „100 ayol“ roʻyxatiga kiritilgan[2].
Tarjimayi holi
Faiza Darkhani 1992-yilda Afgʻonistonda tugʻilgan. Faiza Afgʻonistondagi iqlim oʻzgarishini oʻrganuvchi kam sonli olimalardan biri. Faizi Badaxshon viloyatidagi atrof-muhitni muhofaza qilish milliy agentligi direktori boʻlib ishlagan. Badaxshon universitetida oʻqigan, soʻngra "Putra Malaysia" universitetida oʻqigan va shu universitetda landshaft arxitekturasi yoʻnalishida magistr darajasini olgan[1]. Faizaning tadqiqotlari shahar landshaftlarini barqaror boshqarishga hamda shahar dehqonchiligi va oziq-ovqat xavfsizligi oʻrtasidagi oʻzaro bogʻliqlikni oʻrganishga qaratilgan[3]. 2022—2024-yillarda Alexander von Humboldt fondi stipendiyasi sohibi boʻlgan va Germaniyadagi Leibniz qishloq xoʻjaligi landshaftini oʻrganish markazida (ZALF) ishlagan[4]. Bu markazda muqobil oziq-ovqat tarmoqlarida ayollarning roli boʻyicha tadqiqotlar olib borgan va maqolalar nashr etgan[5]. Tadqiqot ishlari Germaniya Federal taʼlim, oila, keksalar, xotin-qizlar va yoshlar masalalari boʻyicha vazirligi tomonidan 2025-yilda chop etilgan gender tengligi boʻyicha toʻrtinchi hisobotda ham qayd etilgan[6]. 2024-yilda Faiza Kanadaning Vankuver shahriga koʻchib oʻtadi va Britaniya Kolumbiyasi universitetining oʻrmon xoʻjaligi va atrof-muhitni boshqarish fakultetida doktorant sifatida faoliyat olib bora boshlaydi. Ilmiy rahbari Sarah E. Gergel[7].
Manbalar
- ↑ 1,0 1,1 „BBC 100 Women 2021: Who is on the list this year?“ (inglizcha). BBC News (2021-yil 7-dekabr). 2026-yil 24-martda asl nusxadan arxivlangan. Qaraldi: 2026-yil 24-mart.
- ↑ „50 Afghans among BBC’s 100 influential women of 2021“ (inglizcha). The Frontier Post (2021-yil 8-dekabr). 2026-yil 24-martda asl nusxadan arxivlangan. Qaraldi: 2026-yil 24-mart.
- ↑ Fatemeh Kalantari; Ashkan Nochian; Faiza Darkhani; Nayeem Asif „The Significance of Vertical Farming Concept in ensuring Food Security for High-Density Urban Areas“ (inglizcha) 105-111. Jurnal Kejuruteraan. DOI:10.17576/jkukm-2020-32(1)-13. 2026-yil 24-martda asl nusxadan arxivlangan. Qaraldi: 2026-yil 24-mart.
- ↑ (inglizcha) Annual Report 2022 & 2023 (Report) 2024 https://www.zalf.de/de/aktuelles/downloads/Documents/Jahresberichte/ZALF-annual-report-2022-2023.pdf. Qaraldi: 24.03.2026.
- ↑ Faiza Darkhani (22.08.2024) "Investigating the role of women producers in alternative food networks implementing organic farming in Berlin Brandenburg" (inglizcha) Frontiers in Sustainable Food Systems 8 doi:10.3389/fsufs.2024.1294940 ISSN 2571-581X https://www.frontiersin.org/journals/sustainable-food-systems/articles/10.3389/fsufs.2024.1294940/full.
- ↑ „Vierter Gleichstellungsbericht“ [Fourth Gender Equality Report] (nemischa). Gleichstellungsbericht.de. Bundesstiftung Gleichstellung. 2026-yil 24-martda asl nusxadan arxivlangan. Qaraldi: 2026-yil 24-mart.
- ↑ „Current Students“. UBC Faculty of Forestry & Environmental Stewardship. 2026-yil 24-martda asl nusxadan arxivlangan. Qaraldi: 2026-yil 24-mart.