Fabiano Caruana
| Fabiano Caruana | |
| Fabiano Luigi Caruana | |
 Fabiano, 2025 | |
| Tugʻilgan sanasi: | 30-iyul 1992-yil [1][2] |
| Tugʻilgan joyi: | Mayami, Florida AQSH |
| Yashash joyi: |  Italiya (2005—2015)  AQSh (1992-2005-yillar va 2015-yildan soʻng)[3][4]
|
| Unvoni: | Grossmeyster GM (2007) Xalqaro master MM (2006) |
| Maksimal reytingi: | 2844 (oktabr 2014) |
| Hozirgi reytingi : | 2521 [5] |
Fabiano Luigi Caruana ( italyancha: Fabiano Luigi Caruana ; tugʻ. 1992-yil 30-iyul, Mayami, Florida, AQSH ) — asli italyan boʻlgan amerikalik shaxmatchi, xalqaro grossmeyster (2007 ).
Biografiyasi
1992-yil 30-iyulda Mayamida tugʻilgan, toʻrt yoshida ota-onasi - Lu va Santina Karuana bilan Nyu-Yorkka koʻchib oʻtishgan.
Karuana besh yoshida shaxmat oʻynashni oʻrgangan va olti oy oʻtgach, shaxmat turnirlarida birinchi oʻyinini oʻtkazgan. Sakkiz yoshdan oʻn ikki yoshigacha grossmeyster Miron Sher qoʻl ostida tahsil olgan.
12 yoshga toʻlganda ya'ni 2004-yil noyabrda uning oilasi Madridga koʻchib oʻtdi va u yerda Boris Zlotnik murabbiyligi ostida mashgʻulotlarni boshladi. 12 yoshida u Xalqaro shaxmat federatsiyasi ( FIDE) ustasi unvoniga sazavor boʻldi.
2007-yilda oilasi Budapeshtga koʻchib oʻtdi va u yerda Aleksandr Chernin bilan mashgʻulotlarini davom ettirdi. Unga Aleksandr Belyavskiy va Yuriy Razuvaev kabi mashhur grossmeysterlar yordam berishdi. Soʻnggi ikki yilda unga Vladimir Chuchelov[6] murabbiylik qildi.
Shaxmat faoliyati
Fabiano toʻrt karra Italiya chempioniligiga sazovor boʻlgan (2007, 2008, 2010, 2011). U 15 yoshida grossmeyster unvoniga sazovor boʻldi, bu shaxmat tarixidagi eng yaxshi koʻrsatkichlardan biri, ayniqsa Italiya va AQSh uchun 2014-yil noyabrigacha milliy rekord boʻlgan (keyin uning AQShda rekord Samuel Sevyan tomonidan yangilandi).
Karuana Flissingen (2007), Veyk an Zee (C turniri, 2008) va Veyk an Zee (B turniri, 2009) turnirlari gʻolibi boʻldi. 2009-yilgi FIDE Jahon chempionatida u Vugar Gashimovga yutqazib, 4-bosqichga chiqdi.
Biel-2010 xalqaro shaxmat festivali, 2012 va 2014-yillarda Dortmundda o‘tkazilgan shaxmat turniri g‘olibi boʻldi. 2013-yilgi Syurix turnirida ham gʻoliblikni qoʻlga kiritdi.
Jahon chempionlari: Mixail Chigorin (2013-yil 27-fevraldan), Evgenio Torre va Efim Bogolyubov[7] ramziy klublari a'zosi.
2014-yil sentyabr oyida Sent-Luisdagi superturnirdagi yorqin g‘alabadan so‘ng (10 ochkodan 8½ ochko, turnir boshida ketma-ket 7 ta g‘alaba) Elo reytingi tarixidagi uchinchi pogʻonani qo‘lga kiritdi – 2836[6]. 2014-yil oktyabr oyida uning rayting koʻrsatkichi 2844 yetdi.
2016-yilning 25-aprelida Fabiano birorta ham mag‘lubiyatga uchramay, 11 balldan 8½ ochko to‘plagan holda shaxmat bo‘yicha Qo‘shma Shtatlar chempioni bo‘ldi.
Karuana 2017-yilgi shaxmat boʻyicha Jahon kubogining dastlabki bosqichida Yevgeniy Najerga yutqazib qoʻydi. Magʻlubiyatga qaramay, shaxmat boʻyicha nomzodlar turniri 2018 turniriga yoʻllanmani qoʻlga kiritdi, chunki turnir vaqtida uning reyting koʻrsatkichi 2784 edi.
2018-yil iyun oyida u Norvegiyaning Stavanger shahrida o‘tkazilgan shaxmat bo‘yicha super turnirda 8 balldan 5 ochko to‘plab g‘oliblikka erishti[8].
U 2018-yil mart oyida Berlinda boʻlib oʻtgan shaxmatga nomzodlar turnirida gʻolib chiqdi (14 balldan 9 ball), buning natijasida u 2018-yilgi shaxmat boʻyicha jahon chempionatining amaldagi chempioni Magnus Karlsen bilan oʻyinda oʻynash huquqini qoʻlga kiritdi. Uchrashuv Londonda boʻlib oʻtdi, 12 ta durang (jahon chempionatlari tarixida birinchi marta), tay-brekdagi keyingi uchta oʻyinda magʻlub boʻldi.
2020-yil yanvar oyida u Veyk-an-Zi[9] dagi asosiy turnir ( Tata Steel Masters ) g‘olibiga aylandi.
Sportdagi natijalari
| Yil | Shahar | Turnir | + | − | = | Natija | Joy |
|---|---|---|---|---|---|---|---|
| 2011-yil | Peruja | 71-Italiya chempionati | 9 | 0 | 2 | 11 dan 10 | 1 |
| 2013-yil | Veyk an Zee | 75-xalqaro turnir | 2 | 5 | 6 | 13 dan 5 | 12 |
| 2014-yil | Veyk an Zee | 76-xalqaro turnir | 4 | 3 | 4 | 13 dan 6 | 4-6 |
| Sent-Luis | Sent-Luis 2014-yil | 7 | 0 | 3 | 10 dan 8½ | 1 | |
| 2016-yil | Moskva | Nomzodlar turniri | 2 | 1 | 11 | 14 dan 7½ | 2-3 |
| Sent-Luis | AQSh chempionati | 6 | 0 | 5 | 11 dan 8½ | 1 | |
| 2018 | Veyk an Zee | 80-xalqaro turnir | 1 | 4 | 8 | 13 dan 5 | 11 |
| Berlin | Nomzodlar turniri | 5 | 1 | 8 | 14 dan 9 | 1 | |
| Baden Baden | Baden-Baden 2018 | 4 | 0 | 5 | 9 dan 6½ | 1 | |
| Stavanger | 6-xalqaro turnir | 3 | 1 | 4 | 8 dan 5 | 1 | |
| Sent-Luis | Sent-Luis 2018 | 2 | 0 | 7 | 9 dan 5½ | 1-3 | |
| 2020 | Sent-Luis | 82-xalqaro turnir | 7 | 0 | 6 | 13 dan 10 | 1 |
Reyting oʻzgarishi
Eslatmalar
- ↑ Fabiano Caruana – youngest US and Italian GM in history
- ↑ Fabiano Caruana
- ↑ „FIDE Player transfers Transfers in 2005“. 2018-yil 28-martda asl nusxadan arxivlangan. Qaraldi: 2018-yil 28-mart.
- ↑ „FIDE Player transfers Transfers in 2015“. // FIDE. 2015-yil 26-iyunda asl nusxadan arxivlangan. Qaraldi: 2015-yil 26-iyun.
- ↑ [1]
- ↑ 6,0 6,1 „Многоклеточный. 22-летний воспитанник советской шахматной школы произвел фурор на уникальном турнире: Другие летние: Спорт: Lenta.ru“. Lenta.ru. 2014-yil 12-sentyabrda asl nusxadan arxivlangan. Qaraldi: 2014-yil 11-sentyabr.
- ↑ „Клуб Михаила Чигорина“. 2022-yil 11-martda asl nusxadan arxivlangan. Qaraldi: 2022-yil 4-iyul.
- ↑ „Американский шахматист Каруана стал победителем супертурнира в Норвегии“ (ru). ТАСС. 2018-yil 10-iyunda asl nusxadan arxivlangan. Qaraldi: 2018-yil 8-iyun.
- ↑ „Архивированная копия“. 2020-yil 28-yanvarda asl nusxadan arxivlangan. Qaraldi: 2020-yil 28-yanvar.
- ↑ FIDE ro‘yxatlari bo‘yicha Elo reytingi. Manbalar: fide.com, benoni.de, olimpbase.org
Havolalar
- Биография (ingl.)
- Биография на сайте chessok.net (rus.)
- Chessdom — Фабиано Каруана (Wayback Machine saytida 2021-05-17 sanasida arxivlangan)
- ChessPro Мнение. Фабиано Каруана
- Победа в Кубке Синкфилда 2014 года в американском Сент-Луисе