Kontent qismiga oʻtish

Før vi går hjem

ZiyoSfera, erkin ensiklopediya
„Før vi går hjem“
Søren Torpegaard Lund singli
Chiqarilgan sanasi 2026-yil 22-yanvar (2026-01-22)
Yozilgan sanasi 2026-yil
Studiya Daniya
Davomiyligi 2:54
Leybl Little Yellow House
Qoʻshiq muallif(lar)i
Prodyuser(lar) Valdemar Littauer Bendixen
Søren Torpegaard Lund singllari xronologiyasi
„En dreng som mig“
(2024) 		„Før vi går hjem“
(2026)
Klipi
"Før vi går hjem" YouTubeda
Rasmiy ijro videosi

"Før vi går hjem" (second semi-final) YouTubeda

"Før vi går hjem" (grand final) YouTubeda

„Før vi går hjem“ (dan tilida talaffuzi: [ˈfœɐ̯ˀ vi kɒˀ ˈjɛmˀ]; tarjimasi: „Biz uyga ketishimizdan oldin“) — daniyalik aktyor hamda qoʻshiqchi va qoʻshiqlar muallifi Søren Torpegaard Lund tomonidan ijro etilgan tarona. Mazkur qoʻshiq 2026-yil 22-yanvarda „Little Yellow House“ ovoz yozish leyblida taqdim etilgan. Qoʻshiq Lundning oʻzi hamda Clara Sofie Fabricius, Thomas Meilstrup va Valdemar Littauer Bendixen hammuallifligida yozilgan. Tarona Eurovision qoʻshiq tanlovi 2026da Daniya sharafini himoya qildi va katta final bosqichida yettinchi oʻrinni egalladi. U Daniya singllar chartida toʻrtinchi oʻrinni, Shvetsiyada esa eng yaxshi oʻntalik tarkibidan joy oldi.

Tarixi

„Før vi går hjem“ taronasi Lund hamda Clara Sofie Fabricius, Thomas Meilstrup va Valdemar Littauer Bendixen tomonidan hammualliflikda yozilgan va bastalangan. Shuningdek, unga Bendixen prodyuserlik qilgan[1].

Eurovision qoʻshiq tanlovi 2026

Dansk Melodi Grand Prix 2026

Dansk Melodi Grand Prix 2026 — Eurovision qoʻshiq tanlovida Daniya sharafini himoya qiladigan vakillarni tanlab beruvchi nufuzli musiqiy tanlovning 56-nashridir. Musobaqa 2026-yil 14-fevral kuni Frederikshavn shahridagi „Arena Nord“ yopiq majmuasida boʻlib oʻtdi. Tanlov „DR1“ telekanali orqali jonli efirda uzatildi, shuningdek, „DRTV“ platformasida onlayn tarzda namoyish etildi[2][3][4]. Bir bosqichdan iborat boʻlgan ushbu tanlovda jami sakkizta qoʻshiq oʻzaro kurashdi. Musobaqa gʻolibi ikki bosqichli ovoz berish tizimi natijalariga koʻra aniqlandi. Birinchi bosqichda jamoatchilik ovozlari va 20 nafar aʼzodan iborat hakamlar hay’ati ovozlari umumlashtirilib, eng yuqori natija qayd etgan uchta qoʻshiq superfinalga yoʻl oldi. Superfinalda gʻolib yana bir bor hakamlar hayʼati va teletomoshabinlarning ovoz berish natijalariga koʻra aniqlandi. Hakamlar hay’ati 10 nafar xalqaro va 10 nafar daniyalik aʼzodan iborat boʻlib, tomoshabinlar SMS xabarlari hamda ushbu musobaqa uchun maxsus ishlab chiqilgan mobil ilova orqali ovoz berish imkoniga ega edilar. Ilova orqali ovoz berayotgan tomoshabinlarga har bir bosqichda har bir qoʻshiq uchun uchta bepul ovoz berish imkoniyati taqdim etildi[5][6].

Daniya teleradiokompaniyasi 2026-yil 22-yanvar kuni Kopengagen shahridagi Koncerthuset majmuasida matbuot anjumani va taqdimot marosimi oʻtkazdi. Ushbu tadbirda 2023-yilgi tanlovda ham ishtirok etgan Søren Torpegaard Lund „Før vi går hjem“ qoʻshigʻi bilan tanlovning sakkiz finalchisidan biri sifatida rasman eʼlon qilindi[7][8]. Tanlovning final bosqichida u muvaffaqiyatli tarzda superfinalga yoʻllanma oldi va u yerda teletomoshabinlar hamda hakamlar hayʼatining umumiy ovoz berish natijalariga koʻra musobaqa gʻolibi deb topildi[5][9].

Eurovisionda

Eurovision qoʻshiq tanlovi 2026-yil Avstriyaning Vena shahridagi Wiener Stadthalle arenasida boʻlib oʻtdi. Musobaqa ikki yarim finaldan iborat boʻlib, ular 12 va 14-may kunlari oʻtkazildi, final esa 16-may kuni boʻlib oʻtdi[10]. 2026-yil 12-yanvar kuni boʻlib oʻtgan yarimfinallarga taqsimlash natijasiga koʻra, Daniya mamlakati ikkinchi yarimfinalda ishtirok etadigan boʻldi. Shuningdek, ushbu shouning ikkinchi yarmida oʻz chiqishini namoyish etishi belgilandi[11].

Chartlar

Før vi går hjemning Chartlardagi koʻrsatkichlari
Chartlar (2026) Eng yuqori oʻrni
Avstriya bayrogʻi Avstriya (Ö3 Austria Top 40)[12] 25
Daniya bayrogʻi Daniya (Tracklisten)[13] 2
Daniya bayrogʻi Daniya (Tracklisten)[14] 1
Finlandiya bayrogʻi Finlandiya (Suomen virallinen lista)[15] 18
Gretsiya (xalqaro singllar, IFPI)[16] 35
Litva (AGATA)[17] 16
Norvegiya (IFPI Norge)[18] 41
Shvetsiya (Sverigetopplistan)[19] 10

Manbalar

  1. ↑ „Søren Torpegaard Lund - Før Vi Går Hjem“ (2026-yil 22-yanvar). Qaraldi: 2026-yil 18-fevral.
  2. ↑ „Dansk Melodi Grand Prix 2026“ (da-DK). Arena Nord. 2025-yil 22-iyunda asl nusxadan arxivlangan. Qaraldi: 2026-yil 22-yanvar.
  3. ↑ „Denmark: Melodi Grand Prix 2026“ (en-gb). Eurovisionworld. Qaraldi: 2026-yil 22-yanvar.
  4. ↑ „Her er artisterne til Dansk Melodi Grand Prix 2026“ (da-DK). digitalt.tv (2026-yil 22-yanvar). Qaraldi: 2026-yil 22-yanvar.
  5. ↑ 5,0 5,1 Frank, AfNanna „Sådan stemmer du med Grand Prix-appen“ (da-DK). DR (2025-yil 13-yanvar). Qaraldi: 2026-yil 15-fevral.
  6. ↑ „Fans og eksperter tog fejl: Nu har 27-årige Søren vundet Dansk Melodi Grandprix“ (da-DK). DR (2026-yil 14-fevral). Qaraldi: 2026-yil 15-fevral.
  7. ↑ Christensen, Mette „Pressemøde i DR - Årets artister og sange præsenteres den 22. januar“ (da). Good Evening Europe (2026-yil 18-yanvar). Qaraldi: 2026-yil 22-yanvar.
  8. ↑ „En tidligere vinder er med: Her er de otte deltagere til Dansk Melodi Grand Prix 2026“ (da-DK). DR (2026-yil 22-yanvar). Qaraldi: 2026-yil 22-yanvar.
  9. ↑ „Søren Torpegaard Lund will represent Denmark in May“ (en). Eurovision Song Contest (2026-yil 15-fevral). Qaraldi: 2026-yil 15-fevral.
  10. ↑ „Vienna announced as host city for Eurovision Song Contest 2026“ (2025-yil 20-avgust). Qaraldi: 2026-yil 29-yanvar.
  11. ↑ European Broadcasting Union (2026-yil 12-yanvar). „Vienna 2026: Semi-Final Draw results“. Press-reliz.
  12. ↑ "Søren Torpegaard Lund – Før vi går hjem" (olmoncha). Ö3 Austria Top 40. Qaraldi: 2026-yil 24-may.
  13. ↑ "Hitlisten.NU – Søren Torpegaard Lund – Før vi går hjem" (dancha). Tracklisten. Qaraldi: 2026-yil 27-may.
  14. ↑ "{{{artist}}} – {{{song}}}" (dancha). Tracklisten. Qaraldi: 2026-yil 23-may.
  15. ↑ "Soren Torpegaard Lund: For vi går hjem" (finncha). Musiikkituottajat – IFPI Finland. Qaraldi: 2026-yil 23-may.
  16. ↑ „Official IFPI Charts − Digital Singles Chart (International) − Εβδομάδα: 20/2026“ (el). IFPI Greece. 2026-yil 27-mayda asl nusxadan arxivlangan. Qaraldi: 2026-yil 27-may.
  17. ↑ „2026 21-os savaitės klausomiausi (Top 100)“ (lt). AGATA (2026-yil 22-may). Qaraldi: 2026-yil 22-may.
  18. ↑ „Singel 2026 uke 21“. IFPI Norge. Qaraldi: 2026-yil 23-may.
  19. ↑ „Veckolista Singlar, vecka 21, 2026“. Sverigetopplistan. Qaraldi: 2026-yil 22-may. 
"https://ziyosfera.uz/index.php?title=Før_vi_går_hjem&oldid=442521" dan olindi