Espírito Santo federal universiteti
Universidade Federal do Espírito Santo | |
 Espirito Santo federal universiteti gerbi | |
Boshqa nomi |
UFES |
|---|---|
| Shiori | |
| Turi | Davlat universiteti |
| Asos solingan sanasi | 1954-yildan |
| Rektori | Reinaldo Centoducatte |
| Talabalari | 22 500 |
| Bakalavriat | 20 000 |
| Magistratura | 2 500 |
| Joylashuvi |
Vitória , , |
| Kampusi | Vitória, Maruípe (Vitória), Alegre va São Mateus |
| Tili | portugal tili |
| Veb-sayti | ufes.br |
 | |
Espírito Santo federal universiteti (portugalcha: Universidade Federal do Espírito Santo, Ufes) – Braziliyadagi Espirito Santo shtati poytaxti Vitória shahrida joylashgan federal universitet.
Ushbu oliy taʼlim muassasasi janubi-sharqiy Braziliyaning Espírito Santo shtatidagi eng yirik va nufuzli universitet hisoblanadi[1]. Bu davlat universiteti boʻlib, barcha bilim sohalarida oʻqitish, ilmiy tadqiqot va jamoatchilik bilan aloqa dasturlarini uygʻunlashtirib, bepul va yuqori sifatli oliy taʼlim beradi.
Tarixi va tuzilmasi
Universitet 1954-yilda tashkil etilgan. Hozirda uning toʻrtta kampusi mavjud: ikki kampus poytaxt Vitoriyada (Goiabeiras bosh qarorgohi va Maruípe), biri janubdagi Alegre shahrida, yana biri shimoldagi São Mateus shahrida joylashgan. Umumiy foydalanish maydoni 300 ming m² dan oshib ketadi, umumiy yer maydoni esa 4 million m² dan ortiq. Bundan tashqari, shtat boʻylab 27 ta masofaviy taʼlim markazlari faoliyat yuritadi. Universitet tarkibida 100 dan ortiq bakalavriat yoʻnalashi, 64 ta magistratura va doktorantura dasturi mavjud. Universitetda qariyb 25 ming nafar talaba taʼlim oladi. Unda 1 780 nafar professor-oʻqituvchi va 1 650 nafar xodim ishlaydi.
Taʼlimdan tashqari, Ufesda ilmiy tadqiqotlar va ijtimoiy xizmatlar ham yuqori darajada rivojlangan. Har yili turli sohalarda qariyb 1000 ta ilmiy maqola chop etiladi. Bundan tashqari, aholiga xizmat koʻrsatadigan 500 dan ortiq loyihalar amalga oshirilmoqda va ular shtat boʻylab 2 millionga yaqin kishini qamrab oladi.
Universitet ilmiy hamjamiyat va keng jamoatchilik uchun bir qator imkoniyatlarni ham taqdim etadi. Jumladan: teatr, kinoteatr, sanʼat galereyalari, til markazi, kutubxonalar, muzeylar, planetariy va astronomik observatoriya, auditoriyalar, sport markazi, dengiz stansiyasi, tajriba xoʻjaliklari, veterinariya shifoxonasi hamda universitet shifoxonasi mavjud. Universitet shifoxonasi Espírito Santo shtatidagi asosiy davlat sogʻliqni saqlash muassasasi hisoblanadi va yuqori darajadagi tibbiy xizmat koʻrsatishda tayanch markaz sifatida faoliyat yuritadi
UFES Folha de S.Paulo gazetasi tomonidan yuritiladigan Ranking Universitário Folha (RUF) reytingiga koʻra Braziliyadagi eng yaxshi universitetlar roʻyxatida 28-oʻrinda turadi va Espírito Santo shtatida eng yaxshi universitet hisoblanadi[2]. 2018-yilda Ufes SCImago Institutions Ranking hisobotiga koʻra, Ibero-Amerikadagi eng yaxshi tadqiqot muassasalari orasida 75-oʻrinni egallagan[3].
Lotin Amerikasi doirasida esa universitet Times Higher Education World University Rankings maʼlumotiga koʻra eng yaxshi 100 ta oliygoh qatoriga kirgan[4], QS Top University Rankings reytingida esa 114-oʻrinni egallagan[5].
Taniqli bitiruvchilari
Yana qarang
Braziliyadagi federal universitetlar roʻyxati
Manbalar
- ↑ Ufes, International Office „The Institution“. About us. Ufes. Qaraldi: 2020-yil 3-yanvar.
- ↑ „RUF: Ranking das Universidades do Brasil | Folha“ (pt-BR). ruf.folha.uol.com.br. Qaraldi: 2018-yil 1-mart.
- ↑ „SIR Iber 2018“. SCImago Research Group (2018-yil 20-sentyabr). 2020-yil 13-iyulda asl nusxadan arxivlangan. Qaraldi: 2018-yil 23-sentyabr.
- ↑ THE „World University Rankings“. Times Higher Education. Qaraldi: 2020-yil 3-yanvar.
- ↑ QS University Rankings „Top university Rankings“. QS Top University Rankings. Qaraldi: 2020-yil 3-yanvar.
- ↑ „Ex-estudante da Ufes, Sebastião Salgado é homenageado no Oscar 2015“ (pt). Ufes. Qaraldi: 2021-yil 1-iyun.