Esma Alić
| Esma Alić | |
|---|---|
_521.jpg) | |
| Shaxsiy maʼlumotlari | |
| Jinsi | Ayol |
| Fuqaroligi |
 BIH |
| Tavallud sanasi |
2002-yil 8-oktyabr Sarayevo, Bosniya va Gersegovina |
| Sport | |
| Qaysi sport | Slalom |
Esma Alić (2002-yil 8-oktabrda Sarayevoda tugʻilgan) – bosniyalik togʻ changʻisi sportchisi.
Faoliyati
Esma Alić 2002-yil 8-oktabrda Sarayevoda tugʻilgan. Alić besh yoshida changʻi uchishni oʻrgangan[1]. U xalqaro musobaqalardagi debyutini 2018-yil 29-noyabr kuni Avstriyaning Sölden shahrida boʻlib oʻtgan FIS gigant-slalomida amalga oshirgan. Ilk yirik xalqaro musobaqasi sifatida esa u 2019-yil fevral oyida Sarayevoda oʻtkazilgan Yevropa Qishki Olimpiya yoshlari festivali (EYOF)da ishtirok etib, gigant-slalom dasturida 37-oʻrinni egallagan va oʻzining eng yaxshi natijasini qayd etgan.
Keyingi yillarda u asosan Bolqon yarim orolida hamda unga qoʻshni davlatlarda oʻtkaziladigan FIS musobaqalarida qatnashgan. Esma Alić 2020-yilda Lozannada oʻtkazilgan Qishki Yoshlar Olimpiya oʻyinlarida qatnashgan, unda u gigant-slalom va slalom dasturlarida ishtirok etgan, biroq ikkala musobaqani ham yakunlay olmagan.
Esma Alić 2021-yilda ilk bor togʻ changʻisi boʻyicha Jahon chempionatida ishtirok etdi. Biroq Italiyaning Kortina d’Ampezzo shahrida oʻtkazilgan bu musobaqalarda ham u gigant-slalom hamda slalom bahslarida natija qayd eta olmadi. Shu yilning qishki mavsumi yakunida u slalom yoʻnalishida ilk bor Bosniya va Gersegovina chempioni unvonini qoʻlga kiritdi.
U yirik xalqaro musobaqadagi ilk eʼtiborga molik natijasini 2022-yilda Pekinda boʻlib oʻtgan Qishki Olimpiya oʻyinlarida qayd etdi. Gigant-slalom dasturida 45-oʻrinni egalladi[2]. U 2025-yilda Saalbach-Hinterglemmda boʻlib oʻtgan musobaqada ishtirok etdi va 22-oʻrinni egalladi. 2025-yil 4-aprelda Val Casiesda (Italiya) boʻlib oʻtgan navbatdagi FIS musobaqasida 108.35 ball bilan 30-oʻrinni egalladi[3].
Yutuqlari
Qishki Olimpiya o‘yinlari
- Peking 2022: 45. Slalom, DSQ
Jahon chempionatlari
- Cortina d’Ampezzo 2021: DNF, DNF Slalom
- Saalbach-Hinterglemm 2025: 22. Jamoaviy, 43.
Manbalar
- ↑ „Esma Alić u noći sa nedjelje na ponedjeljak nastupa u veleslalomu“. www.reprezentacija.ba. Qaraldi: 8-may 2025-yil.
- ↑ „Alić za N1: Zadovoljna sam, slalom sam vozila uz povredu i nisam htjela odustati.“. www.n1info.ba. 2024-yil 8-sentyabrda asl nusxadan arxivlangan. Qaraldi: 8-may 2025-yil.
- ↑ „Val Casies (ITA). FIS. Women's Slalom“. www.fis-ski.com. Qaraldi: 9-may 2025-yil.