Kontent qismiga oʻtish

Erkin Jabborov

ZiyoSfera, erkin ensiklopediya
Erkin Anvarovich Jabborov
Shaxsiy maʼlumot
Tavallud sanasi 1985-yil 24-avgust (1985-08-24) (41 yosh) [1]
Tavallud joyi Navoiy
Boʻyi 186 cm (6 ft 1 in)[2]
Ampluasi Darvozabon
Yoshligida aʼzo boʻlgan klublar
Nasaf
Professional faoliyati*
Yillar Jamoa Isht. (Gol.)
2007-2009 Nasaf 30 (0)
2007 →  Toʻpalang 14 (0)
2009-2010 Paxtakor 8 (0)
2009 → Xorazm 14 (0)
2010 Xorazm 1 (0)
2011 Navbahor 9 (0)
2012-2016 Qizilqum 83 (0)
2016-2017 Buxoro 8 (0)
2017-2018 Qizilqum 15 (0)
Oqtepa
2020-2021 DinamoSamarqand
Milliy terma jamoa
2008 Oʻzbekiston 1 (0)
*Professional klublardagi gollari (ichki chempionat)

Erkin Anvarovich Jabborov (1985-yil 24-avgustda Navoiyda tugʻilgan) — oʻzbekistonlik sobiq professional futbolchi[3]. Faoliyati davomida darvozabon ampulasida oʻynagan. U Oʻzbekiston Superligasining „Nasaf“, „Xorazm“, „Paxtakor“, „Qizilqum“, „Buxoro“, „Oqtepa“ va "Dinamo Samarqand futbol klublari safida toʻp surgan[2]. Shuningdek, 2008-yilda Oʻzbekiston milliy futbol terma jamoasi safida debyut qilgan va terma jamoa tarkibida ikki xalqaro uchrashuvda ishtirok etgan, ulardan biri FIFA tomonidan rasmiy xalqaro oʻyin sifatida eʼtirof etilgan[4].

Klublardagi karyerasi

Erkin Jabborov professional futbolchilik faoliyatini „Xorazm“ futbol klubida boshlagan. Keyinchalik „Nasaf“ning 21 yoshgacha boʻlgan yoshlar jamoasida biroz vaqt faoliyat olib borgan va 2007-yilgi mavsum oldidan „Toʻpalang“ jamoasiga koʻchib oʻtib, Oʻzbekiston oliy ligasida muntazam oʻyin amaliyotiga ega boʻlgan. Shu mavsum yakuniga qadar „Toʻpalang“ safida 14 ta liga uchrashuvida maydonga tushgan. Keyingi mavsumda yana Qarshiliklar safiga qaytib, 2007 va 2008-yillar davomida jamoaning asosiy darvozabonlaridan biri sifatida 30 ta rasmiy uchrashuvda ishtirok etgan[4].

2009-yil boshida Jabborov „Paxtakor“ klubi bilan shartnoma imzolagan. Toshkent klubi safida ikki mavsum davomida Oʻzbekiston Superligasi hamda Oʻzbekiston Kubogi musobaqalarida ishtirok etgan. 2009-yilda jamoa bilan Oʻzbekiston Kubogi gʻolibiga aylangan. 2010-yilgi OFK Chempionlar ligasi uchun roʻyxatdan oʻtkazilgan boʻlsa-da, musobaqada maydonga tushmagan. Shu davrda mavsumning bir qismini ijara asosida „Xorazm“ safida oʻtkazgan[2].

2011-yilgi mavsumni „Navbahor“ tarkibida oʻtkazgan. Shundan soʻng 2012-yilda „Qizilqum“ klubiga oʻtgan va faoliyatining eng sermahsul davrini aynan ushbu jamoada oʻtkazgan. 2012–2016-yillar davomida Qizilqum safida muntazam ravishda maydonga tushib, jamoaning asosiy darvozaboni boʻlgan[5][6]. 2017-yil boshida „Buxoro“ klubiga transfer qilingan, biroq mavsumning yozgi transfer oynasida yana „Qizilqum“ safiga qaytgan va 2018-yil yakuniga qadar klub sharafini himoya qilgan[7][8].

2020-yil mart oyida „Oqtepa“ futbol klubi bilan shartnoma imzolagan. Oʻsha yilning yozida „Dinamo Samarqand“ safiga koʻchib oʻtgan va professional futbolchilik faoliyatidagi soʻnggi mavsumni ushbu jamoa tarkibida oʻtkazgan. 2021-yil boshida faoliyatini yakunlagan.

Terma jamoadagi karyerasi

Erkin Jabborov 2007-yil oxirida Oʻzbekiston milliy futbol terma jamoasiga ilk bor jalb etilgan. U 2008-yil davomida terma jamoa safida Livan va Iordaniya terma jamoalariga qarshi ikki xalqaro uchrashuv qaydnomasidan oʻrin olgan, shundan biri FIFA tomonidan rasmiy xalqaro oʻyin sifatida eʼtirof etilgan[2].

Sovrinlari

Paxtakor

Manbalar

  1. ↑ „Erkin Jabborov Livesoccertv saytida“. Livesoccertv.com.
  2. ↑ 2,0 2,1 2,2 2,3 2,4 „Erkin Jabborov National-football-teams saytida“. National-football-teams.com.
  3. ↑ „Erkin Jabborov Playmakerstats saytida“. Playmakerstats.
  4. ↑ 4,0 4,1 „Erkin Jabborov Transfermarkt saytida“. Transfermarkt.com.
  5. ↑ „"Қизилқум": Эркин Жабборов машғулотларга қўшилди“. Championatasia.com (4-oktyabr 2014-yil).
  6. ↑ „Эркин Жабборов: “Бугун бизни ғалабадан бошқаси қониқтирмайди”“. Championatasia.com (2016-yil 25-iyun).
  7. ↑ „«Локомотив» упрочил лидерство“. Lokomativ.uz (2017-yil 20-oktyabr).
  8. ↑ „«Кызылкум» разгромил клуб «Октепа» в контрольном матче“. Sports.uz (2018-yil 1-fevral). 
"https://ziyosfera.uz/index.php?title=Erkin_Jabborov&oldid=419864" dan olindi