Erkin Ergashev

Ziyosferada ismi Erkin va familiyasi Ergashev boʻlgan boshqa kishilar haqida ham maqolalar mavjud.

Erkin Hamidovich Ergashev (1933-yil, 11-yanvar — Samarqand — 2004-yil, 1-avgust) — parazitolog gelmintolog olim. Oʻzbekiston Fanlar akademiyasi akademigi (2000), Oʻzbekistonda xizmat koʻrsatgan fan arbobi (1983), veterinariya fanlari doktori (1964), professor (1965). Oʻzbekiston qishloq xoʻjaligi institutining Veterinariya fakultetini tugatgan (1953). Samarqand qishloq xoʻjaligi institutida aspirant (1953—56), parazitologiya kafedrasi dotsenti (1957—64), Veterinariya fakulteti dekani (1960—62), Oʻzbekiston Veterinariya ilmiy tadqiqot instituti direktori (birinchi muddat 1964—65; ikkinchi muddat 1978—84), ayni paytda 1965-yildan Samarqand qishloq xoʻjaligi instituti, Parazitologiya kafedrasi mudiri lavozimlarida oʻmrining oxirigacha samarali faoliyat olib borgan.

Ilmiy ishlari gelmintlar faunasi, epizootologiyasi, biologiyasi, patogenezi, immuniteti, zooastroponozlar, chorva mollari va parrandalarning invazion kasalliklarining oldini olish, davolash va qarshi kurashning samarali usullarini ishlab chiqish va boshqa masalalarga bagʻishlangan. "Biologiya va tibbiyot muammolari" jurnal bosh muhariri (1996—2004). "Doʻstlik" ordeni bilan mukofotlangan (2003).

Manbalar

• Parazitologiya asoslari va trematodozlar bilan sestozlar, T., 1971 (hammualliflikda); Chorva mollarining nematodoz kasalliklari, T., 1972 (hammualliflikda); Gelmintm i gelmintozn karakulskix ovets, T., 1973; Veterinariya asoslari, 2-qism, T., 1974 (hammualliflikda).