Erato Kozakou-Marcoullis
| Erato Kozakou-Marcoullis | |
|---|---|
| Ερατώ Κοζάκου-Μαρκουλλή | |
 Kozakou-Marcoullis 2011-yilda | |
| Tavalludi |
Erato Kozakou |
| Taʼlimi |
Afina universiteti Xelsinki universiteti |
| Kasbi | siyosatchi |
| Turmush oʻrtogʻi | George Marcoullis |
| Imzosi | |
 | |
Erato Kozakou-Marcoullis (yunoncha: Ερατώ Κοζάκου-Μαρκουλλή; 1949-yil 3-avgustda tugʻilgan)[1][2] – kiprlik siyosatchi. 2007-yil iyuldan 2008-yil martgacha, shuningdek, 2011-yil 5-avgustdan 2013-yil 27-fevralgacha ikki marta Kipr Respublikasining Tashqi ishlar vaziri lavozimida xizmat qilgan. 2010-yil mart oyidan 2011-yilning avgustigacha Kiprning Aloqa va transport ishlari vaziri sifatida faoliyat yuritgan[3].
Yoshlik yillari
Erato Kozakou-Marcoullis 1949-yil 3-avgustda Limasol shahrida tugʻilgan. Afina universitetida huquqshunoslik hamda davlat huquqi/siyosatshunoslik yoʻnalishida tahsil olgan. 1972-yilda huquqshunoslik, 1979-yilda davlat huquqi/siyosatshunoslik yoʻnalishini tamomlagan[4]. 1979-yilda Helsinki universitetida sotsiologiya va siyosiy fanlar boʻyicha doktorlik darajasini olgan[4].
Karyerasi
1980-yildan 2007-yilga qadar Kipr Respublikasi Tashqi ishlar vazirligining Diplomatik xizmatlari boʻlimida diplomat sifatida faoliyat yuritgan. Bundan tashqari, 1998–2003-yillar oraligʻida Kiprning AQShdagi elchisi boʻlgan va bir vaqtning oʻzida Jahon banki, Xalqaro valyuta jamgʻarmasi (IMF), Kanada, Braziliya, Yamayka, Gayana, Xalqaro fuqarolik aviatsiyasi tashkiloti (ICAO) hamda Amerika Davlatlari Tashkilotiga (OAS) akkreditatsiyadan oʻtgan. 1996–1998-yillarda Kiprning Shvetsiyadagi elchisi boʻlib ishlagan va bir vaqtning oʻzida Finlandiya, Norvegiya, Daniya, Islandiya, Litva, Latviya va Estoniyada ham akkreditatsiyalangan. 2005–2007-yillarda esa Kiprning Livan va Iordaniyadagi elchisi boʻlib ishlagan.
Marcoullis 2007-yil iyul oyidan 2008-yil mart oyigacha Tashqi ishlar vaziri sifatida faoliyat yuritgan. Soʻngra, 2010-yil mart oyida Axborot va kommunikatsiyalar hamda infratuzilma ishlari boʻyicha vazir etib tayinlangan va bu lavozimda 2011-yil avgustgacha faoliyat olib borgan. Oʻsha yilning avgustida ikkinchi bor Tashqi ishlar vaziri lavozimiga tayinlangan. 2013-yil 1-martda ushbu lavozimni Ioannis Kasoulidis egallagan[5].
Manbalar
- ↑ „Official Website of the Embassy of the Republic of Cyprus in Washington D.C.“. www.cyprusembassy.net. 2019-yil 18-avgustda asl nusxadan arxivlangan. Qaraldi: 2018-yil 11-aprel.
- ↑ „Index Kl-Ky“. www.rulers.org. Qaraldi: 2018-yil 11-aprel.
- ↑ „Minister of Foreign Affairs Mrs Erato Kozakou-Marcoullis“. MOI. 2016-yil 4-martda asl nusxadan arxivlangan. Qaraldi: 2012-yil 13-sentyabr.
- ↑ 4,0 4,1 „Minister of Foreign Affairs Mrs Erato Kozakou-Marcoullis“. MOI. 2016-yil 4-martda asl nusxadan arxivlangan. Qaraldi: 2012-yil 13-sentyabr.
- ↑ „Minister of Foreign Affairs Mrs Erato Kozakou-Marcoullis“. MOI. 2016-yil 4-martda asl nusxadan arxivlangan. Qaraldi: 2012-yil 13-sentyabr.