Eneda Tarifa
Eneda Tarifa | |
|---|---|
.jpg) | |
| Tavalludi |
1982-yil 30-mart |
| Faoliyat yillari | 1997–hozirgacha |
| Leybllar | Onima |
Eneda Tarifa (1982-yil 30-martda tugʻilgan) — albaniyalik xonanda va sobiq teleboshlovchi. U „Festivali i Këngës“ tanlovining 54-mavsumida gʻolib chiqib, Albaniya nomidan „Eurovision–2016“ tanlovida ishtirok etgan. Shuningdek, Tarifa 2011–2016-yillarda „Portokalli“ koʻrsatuvida faoliyat yuritgan.
Hayoti va karyerasi
Eneda Tarifa Albaniyaning Tirana shahrida tugʻilgan. U 2001-yilda „Ika larg“ qoʻshigʻi bilan „Kënga Magjike“ tanlovida ishtirok etib, oʻz ijodiy faoliyatini boshlagan. 2003-yilda u „Festivali i Këngës“ning 42-mavsimida „Qëndroj“ qoʻshigʻi bilan qatnashib, final bosqichiga chiqqan. 2006-yilda Eneda yana „Kënga Magjike“da „Rreth zjarrit tënd“ qoʻshigʻi bilan ishtirok etib, 154 ball bilan 4-oʻrinni egallagan hamda Çesk Zadeja Prize mukofotiga sazovor boʻlgan[1]. Keyingi yili u „Festivali i Këngës“ tanlovi 46-mavsumida „E para letër“ qoʻshigʻi bilan qatnashib, finalda 17 ishtirokchi orasida 10-oʻrinni egallagan. 2010-yilda esa Top Fest tanlovida „Me veten“ qoʻshigʻi bilan gʻolib boʻlgan. Keyinchalik u „Portokalli“ koʻrsatuvida bir necha yillar davomida boshlovchi sifatida faoliyat yuritgan[2].
Eneda Tarifa bir muddat tanaffusdan soʻng 2015-yilda „Festivali i Këngës“ tanlovining 54-mavsumiga „Përrallë“ qoʻshigʻi bilan qaytgan va ushbu tanlovda gʻolib boʻlgan. Shu gʻalaba unga Albaniya nomidan „Eurovision–2016“ tanlovida ishtirok etish huquqini bergan[3][4]. U 12-may kuni ikkinchi yarim finalda chiqish qilgan, biroq final bosqichiga oʻta olmagan[5].
2018-yilda u boshlovchi Ledion Liço va hakamlar Miriam Cani va Aleksandër & Renis Gjoka (duo) bilan „The Voice Kids Albania“ 2-mavsumida hakam boʻlgan[6].
Shaxsiy hayoti
Eneda Tarifa musiqachi Erjon Zaloshnja bilan turmush qurgan[7]. 2013-yilda ularning Aria ismli qizi dunyoga kelgan[8].
Manbalar
- ↑ „Kënga Magjike History“. 2016-yil 8-yanvarda asl nusxadan arxivlangan. Qaraldi: 2015-yil 28-dekabr.
- ↑ „Eneda Tarifa Biography“. Qaraldi: 2015-yil 28-dekabr.
- ↑ „Eneda Tarifa to represent Albania with a "Fairytale"“. Eurovision.tv (2015-yil 28-dekabr).
- ↑ „Eneida Tarifa fituese e Fest 54“ (sq). Radio Televizioni Shqiptar (RTSH) (2015-yil 28-dekabr). 2015-yil 31-dekabrda asl nusxadan arxivlangan. Qaraldi: 2020-yil 2-yanvar.
- ↑ „Stockholm 2016: Second Semi-Final Scoreboard“. European Broadcasting Union (2016-yil 12-may). 2019-yil 12-avgustda asl nusxadan arxivlangan. Qaraldi: 2020-yil 19-aprel.
- ↑ „Eneda Tarifa trajnere në The Voice Kids“ (sq). 2021-yil 25-dekabrda asl nusxadan arxivlangan. Qaraldi: 2018-yil 27-mart.
- ↑ „Eneda Tarifa pret një fëmijë“ (sq). Teksteshqip (2012-yil 19-may). 2012-yil 3-dekabrda asl nusxadan arxivlangan.
- ↑ „Eneda Tarifa bëhet nënë, vjen në jetë Aria“ (sq). Teksteshqip (2013-yil 20-may). 2013-yil 25-iyunda asl nusxadan arxivlangan.