Emmy (qoʻshiqchi)
Emmy | |
|---|---|
| Tavalludi |
Emma Bejanyan 1984-yil 12-aprel |
| Janrlar | Pop |
| Faoliyat yillari | 1993-hozirgacha |
| Veb-sayt | emmy.am |
Emmy (armancha: Էմմա Դավիթի Բեջանյան; 1984-yil 12-aprelda tugʻilgan) — arman xonandasi. 2010-yillarda u Armanistonning eng mashhur xonandalaridan biri sifatida eʼtirof etilgan. OAV tomonidan unga „pop malikasi“ va „arman pop musiqasining timsoli“ kabi taʼriflar berilgan[1]. Emmy Armaniston nomidan „Eurovision–2011“ tanlovida ishtirok etgan. U Armaniston tarixida „Eurovision“ yarim finalidan oʻta olmagan ilk vakilga aylangan.
Yoshligi
Emmyning ijodiy faoliyati 1993-yilda uning ilk qoʻshigʻi — „Hayastan“ yozib olinib, unga ishlangan videoklip namoyish etilganidan soʻng tez sur’atlarda rivojlana boshlagan. U Armaniston, Rossiya, Turkiya, Yevropa va boshqa hududlarda oʻtkazilgan qoʻshiq tanlovlarida koʻplab mukofotlarga sazovor boʻlgan. 1994–2000-yillarda Emmy Hayer nomli ayollardan iborat folk-pop kvarteti tarkibida faoliyat yuritgan, ular bilan birgalikda qoʻshiqlar ijro etib, gastrol safarlarida qatnashgan[1].
Boshqa faoliyatlari
Emmy Armanistondagi yosh isteʼdodlarni izlash va qoʻllab-quvvatlash bilan shugʻullanuvchi Emmy-B Production Center musiqa prodyuserlik markazini ham boshqaradi[2].
2014-yilda u „The X Factor Armenia“ koʻrsatuvining uchinchi mavsumida hakam sifatida faoliyat yuritgan.
Eurovision qoʻshiq tanlovi
2010-yil fevral oyida Emmy xonanda Mihran Tsarukyan bilan birgalikda „Hey (Let Me Hear You Say)“ qoʻshigʻi bilan Armanistonning „Eurovision–2010“ qoʻshiq tanlovi uchun milliy saralashida ishtirok etgan. Mazkur qoʻshiq hatto Ricky Martin tomonidan ham qoʻllab-quvvatlangan[3][4]. Duet saralashda ikkinchi oʻrinni egallagan. Faqatgina Eva Rivasning „Apricot Stone“ qoʻshigʻi ulardan ustun kelgan. Natijada Eva Rivas Norvegiyaning Bærum shahrida oʻtkazilgan „Eurovision–2010“da Armaniston vakili boʻlgan[5]. Keyingi yili Emma Bejanyan Armaniston nomidan Germaniyaning Düsseldorf shahrida boʻlib oʻtgan „Eurovision–2011“ tanlovida ishtirok etgan. 10-may kuni oʻtkazilgan yarim finalda u final bosqichiga chiqa olmagan va shu tariqa Armaniston tarixida „Eurovision“ finaliga yoʻl ololmagan ilk vakilga aylangan[6].
Manbalar
- ↑ 1,0 1,1 „Armenian Reporter“. Reporter.am (2009-yil 28-fevral). 2011-yil 5-oktyabrda asl nusxadan arxivlangan. Qaraldi: 2012-yil 22-sentyabr.
- ↑ Azad-Hye. „Azad-Hye Middle East Armenian Portal (A shiny star ... Emmy)“. Azad-hye.net. 2011-yil 21-iyulda asl nusxadan arxivlangan. Qaraldi: 2012-yil 22-sentyabr.
- ↑ „ARMENIA - Ricky Martin supports Emmy & Mihran“. www.oikotimes.com. 2010-yil 30-dekabrda asl nusxadan arxivlangan. Qaraldi: 2022-yil 14-yanvar.
- ↑ „Eurovision Song Contest Oslo 2010 | News - Armenia: Ricky Martin supports Emmy & Mihran“. www.esctoday.com. 2010-yil 15-fevralda asl nusxadan arxivlangan. Qaraldi: 2022-yil 14-yanvar.
- ↑ „All's Forgotten: Emmy says she's overcome "confusion", ready to wave tricolor at Eurovision - Arts and Culture“. ArmeniaNow.com. 2012-yil 17-mayda asl nusxadan arxivlangan. Qaraldi: 2012-yil 22-sentyabr.
- ↑ Jiandani, Sanjay „Emmy to represent Armenia in Düsseldorf“. ESCToday (2010-yil 11-dekabr). Qaraldi: 2010-yil 11-dekabr.