Emmanuil Adirovich
Emmanuil Ilich Adirovich (1915, Melitopol, Ukraina — 1973-yil, 9-oktyabr, Toshkent) — fizik olim, Oʻzbekiston Fanlar Akademiyasi akademik (1962). Moskva davlat universitetini tugatgan (1940). Moskva neft institutida (1944—1949), P. N. Lebedev nomidagi Fizika instituti (Moskva)da (1949—1962) ishlagan. Oʻzbekiston Fanlar Akademiyasi Fizika-texnika institutida boʻlim mudiri (1962—1973). Ilmiy ishlari qattiq jismlar fizikasiga oid. Adirovich kristallar lyuminessensiyasining zonaviy nazariyasi asoschilaridan biri, qattiq jismlarda elektr jarayonlari kinetikasiga doir masalalarni hal qilishning kvazistatsionar usuli tashabbuskori, fotoelektretlarda elektron qutblanish va kutbeizlanish qonunini kashf etdi.
Adabiyotlar
- OʻzME. Birinchi jild. Toshkent, 2000-yil
Havolalar
 | Ushbu maqolada Oʻzbekiston milliy ensiklopediyasi (2000-2005) maʼlumotlaridan foydalanilgan. |
 | Shaxsiyat haqidagi ushbu maqola chaladir. Siz uni boyitib, ZiyoSferaga yordam berishingiz mumkin. |