Kontent qismiga oʻtish

Emily Beecroft

ZiyoSfera, erkin ensiklopediya
Emily Beecroft

Emily Beecroftning 2016-yilgi Avstraliya Paralimpiya terma jamoasi aʼzosi sifatidagi portreti
Shaxsiy maʼlumotlari
Tavallud sanasi 1999-yil 19-noyabr
Alloway, Queensland
Sport
Qaysi sport para suzish
Klubi University of Sunshine Coast (USC) Spartans
Murabbiy(lar)i Harley Connolly

Emili Jane Beekroft (1999-yil 19-noyabrda tugʻilgan) – avstraliyalik para suzuvchi. 2016-yil Rio-de-Janeyro shahrida oʻtkazilgan Yozgi Paralimpiada oʻyinlari, 2020-yilgi Tokio Paralimpiadasi va 2024-yilgi Parij Paralimpiadasida Avstraliya sharafini himoya qilgan[1][2].

2020-yil Tokio Paralimpiadasida bitta kumush va bitta bronza medalini, 2024-yilgi Parij Paralimpiadasida esa bitta oltin va bitta bronza medalini qoʻlga kiritgan.

Shaxsiy hayoti

Beecroft 1999-yil 19-noyabrda tugʻilgan, uch opa-singil egizaklardan biri. U Viktoriya shtatining Traralgon shahrida yashagan. Tugʻilganida chap qulogʻi kar, oʻng qoʻlida esa tugʻma nuqsoni boʻlgan. 2020-yilda Beecroft La Trobe universitetining media va kommunikatsiyalar yoʻnalishida sirtqi tahsil olgan[3]. Keyinchalik Queensland shtatidagi Sunshine Coast shahriga koʻchib oʻtgan va 2022-yilda Sunshine Coast universitetida kommunikatsiyalar yoʻnalishida bakalavriat bosqichida tahsil olgan[4].

Suzish faoliyati

Beecroft netbol va yengil atletika bilan shugʻullangan, biroq oxir-oqibat oʻzining asosiy eʼtiborini suzishga qaratgan. 2010-yilda sportchi Maktab sporti chempionatida ishtirok etib, oʻnta medalni qoʻlga kiritgan, 2012-yilda esa „Sportga sadoqat“ mukofoti bilan taqdirlangan[5]. Beecroft keyinchalik Traralgon suzish klubi tarkibida musobaqalarda ishtirok etib, 2013-yilning may oyida boʻlib oʻtgan Ochiq milliy chempionatda 50 metrga brass usulida multi-klass yoʻnalishida shaxsiy rekordini oʻrnatgan va bronza medalini qoʻlga kiritgan[6].

2015-yil mart oyiga kelib, Beecroft 50 metrga batterflay, 50 va 100 metrga erkin usulda suzish yoʻnalishlarida dunyo reytingida eng kuchli beshlikka kirgan, qolgan barcha yoʻnalishlarda esa kuchli oʻn beshlikdan joy olgan[7]. U oʻzining xalqaro debyutini 2015-yil dekabrda AQShning Bismarck (Shimoliy Dakota) shahrida boʻlib oʻtgan Para chempionatda amalga oshirgan va rasmiy ravishda S9 toifasiga kiritilgan. Suzuvchi 50 metrga batterflay hamda 50 va 100 metrga erkin usulda suzish musobaqalarida ikkinchi oʻrinni egallagan[8]. Beecroft 2015-yilgi Avstraliya ochiq chempionatida 50 metrga erkin usul va 100 metrga batterflay usulida suzish yoʻnalishida[5], 2016-yilgi Avstraliya yoshlar chempionatida xuddi shu yoʻnalishlarda gʻolib boʻlgan[9].

2016-yil Adelaida shahrida boʻlib oʻtgan Avstraliya suzish chempionatida murabbiy Dean Gooch rahbarligida Beecroft 50 metr va 100 metrga erkin usulda hamda 50 metrga batterflay uslubda suzish yoʻnalishlarida oltin medalni qoʻlga kiritdi. Bu uchala yoʻnalish boʻyicha ham oʻzining shaxsiy rekordlarini oʻrnatgan, ayniqsa, 50 metrga batterflay usulida suzish boʻyicha 31.93 soniya natijani qayd etib, Madeleine Scott tomonidan 2009-yilda oʻrnatilgan milliy rekordni yangiladi[10]. 2016-yil 14-aprelda u Rio-de-Janeyroda boʻlib oʻtadigan 2016-yilgi Yozgi Paralimpiya oʻyinlarida ishtirok etish uchun uchun Avstraliya suzish terma jamoasiga kiritilgan[11].

2016-yil sentyabr oyida Beecroft Rio Paralimpiadasida Avstraliya nomidan S9 toifasida 4 xil yoʻnalishda ishtirok etdi[11]. U toʻrtta yoʻnalishning uchtasida final bosqichiga yoʻl oldi, biroq hech birida sovrinli oʻrinlarni egallay olmadi. Sportchi 50 metrga erkin usulda S9 toifasida toʻrtinchi, 100 metrga erkin usulda S9 toifasida oltinchi, 100 metr batterflay usulda suzish boʻyicha S9 toifada oltinchi oʻrinni egalladi[12][13][14]. Beecroft, shuningdek, SM9 toifasida 200 metrga kompleks suzish yoʻnalishida ham qatnashdi, ammo musobaqa finaliga chiqa olmadi[15]. „Nega Rio Paralimpiadasiga borayapsiz?“ degan savolga sportcha oʻshanda „Men u yerga musobaqalashish va gʻalaba qozonish uchun boryapman!“ deya javob bergan edi[16].

2018-yil Gold Coastda boʻlib oʻtgan Hamdoʻstlik oʻyinlarida Beecroft ayollar oʻrtasida S9 toifasida 100 metr erkin usulda toʻrtinchi oʻrinni egalladi[17].

2020-yil Tokio Paralimpiadasida Beecroft Ellie Cole, Isabella Vincent va Ashleigh McConnell bilan birga ayollar oʻrtasida 34 ochko toifasida 4×100 metrga erkin usulda estafeta suzish bahslarida ishtirok etib, 4:26.82 natijani qayd etdi va kumush medalni qoʻlga kiritdi. Ular tomonidan koʻrsatilgan ushbu natija Italiya jamoasi vakillarinikidan ikki soniyaga ortda edi. U, shuningdek, Ellie Cole, Keira Stephens va Isabella Vincent bilan birga ayollar oʻrtasida 34 ochko toifasida 4×100 metrga aralash usulda suzish bahslarida 4:55.70 natija bilan bronza medalini qoʻlga kiritdi[18]. Ayollar oʻrtasida S9 toifasida 100 metrga erkin usulda suzish boʻyicha esa finalgacha yoʻl oldi, biroq finalda sakkizinchi oʻrinni egallab, musobaqa medaliga ega chiqa olmadi[19].

2022-yil Madeira shahrida boʻlib oʻtgan para suzish boʻyicha jahon chempionatida Beecroft uchta medalni, jumladan, 34 ochko toifasida aralash bahslarda 4×100 metrga kompleks suzish yoʻnalishida oltin medal, S9 toifasida 100 metrga erkin usul va 100 metrga batterflay suzish yoʻnalishlarida esa kumush medalga sazovor boʻldi[20].

2022-yil Angliyaning Birmingem shahrida boʻlib oʻtgan Hamdoʻstlik oʻyinlarida suzuvchi ayollar oʻrtasida S9 toifasida 100 metrga erkin usulda suzish yoʻnalishida kumush medalga ega chiqdi[21][22]. 2023-yil Angliyaning Manchester shahrida oʻtkazilgan para suzish boʻyicha jahon chempionatida ayollar oʻrtasida S9 toifasida 100 metrga batterflay suzish yoʻnalishida bronza medalini qoʻlga kiritdi.

2024-yilgi Yozgi Paralimpiya oʻyinlarida Beecroft 34 ochko toifasining aralash bahslarida erkin usulda 4×100 metrga estafeta suzish yoʻnalishida oltin medal, ayollar oʻrtasida S9 toifasida 100 metrga batterflay suzish yoʻnalishida bronza medalni qoʻlga kiritdi. Beecroft ayollar oʻrtasida S9 toifasida 100 metrga erkin usulda suzish yoʻnalishida toʻrtinchi oʻrinni egalladi[23].

Mukofotlari

  • 2016 – „Viktoriya shtatining Yilning eng yaxshi yosh sportchisi“ mukofoti[24];
  • 2022 – Sunshine Coast universitetining „Yil sportchisi“ mukofoti[4];
  • 2023 – Sunshine Coast universitetining „Yil sportchisi“ mukofoti;
  • 2024 – Swimming Australia tashkiloti tomonidan „Yilning eng yaxshi suzuvchisi“ mukofoti[25];
  • 2025 – Parij Paralimpiadasida oltin medalni qoʻlga kiritgani va sportga qoʻshgan hissasi uchun Avstraliya ordeni medali (OAM) bilan taqdirlangan[26].

Manbalar

  1. ↑ „Paralympics Australia Names Powerful Para-Swimming Team For Tokyo“. Paralympics Australia (2021-yil 16-iyun). Qaraldi: 2021-yil 17-iyun.
  2. ↑ „Swimming Australia Paralympic Squad Announcement“. Swimming Australia News. 2016-yil 13-noyabrda asl nusxadan arxivlangan. Qaraldi: 2016-yil 29-aprel.
  3. ↑ „Emily Beecroft: Swimming towards success“. Upstart website (2020-yil 3-avgust). 2025-yil 15-sentyabrda asl nusxadan arxivlangan. Qaraldi: 2021-yil 22-iyun.
  4. ↑ 4,0 4,1 „Beecroft takes UniSC's top sporting honour“ (en). www.usc.edu.au. Qaraldi: 2023-yil 19-noyabr.
  5. ↑ 5,0 5,1 „Emily Beecroft“. Australian Paralympic Committee (2016-yil 9-mart). Qaraldi: 2016-yil 19-aprel.
  6. ↑ „Emily National Open Bronze Medallist“. Traralgon Swimming Club (2013-yil 2-may). Qaraldi: 2016-yil 19-aprel.
  7. ↑ „Emily Beecroft making Waves“. Gippsland Swimming (2015-yil 2-mart). Qaraldi: 2016-yil 19-aprel.[sayt ishlamaydi]
  8. ↑ „Emily Beecroft – Great Results at US Para Championships“. Traralgon Swimming Club (2015-yil 21-dekabr). Qaraldi: 2016-yil 19-aprel.
  9. ↑ „Float Like a Butterfly, Sting Like a Beecroft“. Swim Swam (2016-yil 3-aprel). Qaraldi: 2016-yil 19-aprel.
  10. ↑ „Congratulations Emily!“. Gippsland Swimming (2016-yil 14-aprel). Qaraldi: 2016-yil 19-aprel.
  11. ↑ 11,0 11,1 „Aussie Paralympic swim team named“. Special Broadcasting Service (2016-yil 14-aprel). Qaraldi: 2016-yil 19-aprel.
  12. ↑ „Emily Beecroft“. Rio 2016 Official Results. Rio Paralympics 2016. 2016-yil 2-oktyabrda asl nusxadan arxivlangan. Qaraldi: 2016-yil 30-sentyabr.
  13. ↑ „Emily Beecroft“. Rio 2016 Official Results. Rio Paralympics 2016. 2016-yil 2-oktyabrda asl nusxadan arxivlangan. Qaraldi: 2016-yil 30-sentyabr.
  14. ↑ „Emily Beecroft“. Rio 2016 Official Results. Rio Paralympics 2016. 2016-yil 2-oktyabrda asl nusxadan arxivlangan. Qaraldi: 2016-yil 30-sentyabr.
  15. ↑ „Emily Beecroft“. Rio 2016 Official Results. Rio Paralympics 2016. 2016-yil 2-oktyabrda asl nusxadan arxivlangan. Qaraldi: 2016-yil 30-sentyabr.
  16. ↑ „Emily Beecroft is Bound for Rio“. Win News Local. Win News Gippsland. Qaraldi: 2016-yil 30-sentyabr.
  17. ↑ „Emily Beecroft Results“. Commonwealth Games Australia (2018-yil 2-aprel). Qaraldi: 2021-yil 22-iyun.
  18. ↑ „Australian Paralympic Team for Tokyo 2021“ (en-US). The Roar. Qaraldi: 2022-yil 19-iyul.
  19. ↑ „Emily Beecroft“. Tokyo 2020 Paralympics. Tokyo Organising Committee of the Olympic and Paralympic Games. 2021-yil 8-oktyabrda asl nusxadan arxivlangan. Qaraldi: 2021-yil 8-oktyabr.
  20. ↑ „Grant Patterson“. 2022 World Para Swimming Championships. Qaraldi: 2022-yil 27-iyun.
  21. ↑ „Cole, Patterson And Levy Amongst Stars Of The Pool Ready To Splash And Dash In Birmingham“. Commonwealth Games Australia (2022-yil 5-may). Qaraldi: 2022-yil 6-may.
  22. ↑ „2022 Commonwealth Games Results“. Commonwealth Games Australia (2020-yil 16-iyun). Qaraldi: 2022-yil 15-avgust.
  23. ↑ „Paralympics Australia Names Swimming Team For Paris 2024 Games“. Paralympics Australia (2024-yil 14-iyun). Qaraldi: 2024-yil 15-iyun.
  24. ↑ „2016 My Sport Live Victorian Athlete of the Year“. Vicsport website. Qaraldi: 2017-yil 3-aprel.
  25. ↑ Ian Hanson. „Golden Campaigns In Paris See Kaylee McKeown and Tim Hodge Claim Top Gongs At Swimming Australia Awards“ (en-US). Swimming World News (2024-yil 14-sentyabr). Qaraldi: 2024-yil 15-sentyabr.
  26. ↑ „Medal of the Order of Australia (OAM) in the General Division“. Governor-General of Australia (2025-yil 26-yanvar). Qaraldi: 2025-yil 26-yanvar. 
"https://ziyosfera.uz/index.php?title=Emily_Beecroft&oldid=415478" dan olindi