Kontent qismiga oʻtish

Emilie Louise Flöge

ZiyoSfera, erkin ensiklopediya
Emilie Louise Flöge
Tavalludi 1874-yil 30-avgust
Vena, Avstriya
Vafoti 1952-yil 26-may
Vena, Avstriya
Turmush oʻrtogʻi Gustav Klimt

Emilie Louise Flöge (1874-yil 30-avgust – 1952-yil 26-may) – avstriyalik moda dizayneri va tadbirkor ayol. U mashhur rassom Gustav Klimtning umr yoʻldoshi sifatida tanilgan.

Hayoti

Fayl:The Kiss - Gustav Klimt - Google Cultural Institute.jpg
The Kiss 1907—1908, moyli bo‘yoq bilan tuvalga ishlangan, Österreichische Galerie Belvedere, Vena

Flege Meerschaum quvurlarini ishlab chiqaruvchi usta Hermann Flegening (1837-1897) toʻrtinchi farzandi edi. Emiliening Pauline va Helene ismli ikki singlisi va Hermann ismli akasi bor edi[1].

Uning birinchi ishi tikuvchilik boʻlgan, lekin keyinchalik u modelyer boʻlib ishlay boshladi. 1894-yilda uning katta opasi Pauline tikuvchilik maktabini ochdi va Emilie u yerda ishladi[2]. 1899-yilda opa-singillar liboslar tikish boʻyicha tanlovda gʻolib chiqib, koʻrgazma uchun batist matosidan libos tayyorlash buyurtmasini olishgan. Aynan shu yili Emilie Flöge rassom Gustav Klimtning onasi, merosxoʻr Maria Altmann uchun toʻy libosini qoʻlda tikkan[3]. 1904-yildan keyin singlisi Helene bilan hamkorlikda Vena shahrining asosiy koʻchalaridan biri Mariahilfer Strasseda moda saloni Schwestern Flöge („Flöge opa-singillari“)ga asos soldi[4]. Arxitektor Josef Hoffmann tomonidan Jugendstil uslubida loyihalashtirilgan ushbu salonda u Wiener Werkstätte uslubidagi dizaynerlik kiyimlarini taqdim etardi. Flöge ayniqsa, reform uslubidagi – naqshli, beldan keng liboslar dizayni bilan mashhur boʻldi. Ushbu uslub (shuningdek, Viktoriya davri kiyimlarini isloh qilish harakati deb ham yuritiladi) Venadagi feministik harakatlar tomonidan targʻib qilingan boʻlib, baland yoqali, erkin siluet va keng yenglar bilan ajralib turardi[5]. Bu turdagi liboslar ayollar salomatligi uchun foydaliroq va harakat erkinligini taʼminlaydi, deb hisoblangan. Emilie Flöge Londonga va Parijga qilgan safarlari davomida Coco Chanel va boshqa zamondosh dizaynerlar tomonidan yaratilgan eng soʻnggi moda tendensiyalari bilan yaqindan tanishgan. Biroq, 1938-yilda Avstriyaning Germaniya tomonidan anshlyus qilinishi ortidan u oʻzining eng muhim mijozlaridan ayrildi va jamiyatda yetakchi moda markazi maqomiga ega boʻlgan salonini yopishga majbur boʻldi[6]. Shundan soʻng u faoliyatini Ungargasse 39-uydagi yashash joyining yuqori qavatida davom ettirdi[7].

Fayl:Flöge sisters family grave, Vienna, 2018.jpg
Simmeringdagi protestant qabristonidagi Flöge oilaviy qabri

Flöge 1952-yil 26-mayda Venada 77 yoshida vafot etdi va 1952-yil 30-mayda Simmeringdagi protestant qabristonidagi Flöge-Donner oilaviy qabriga dafn qilindi[8].

Galereya

Manbalar

  1. ↑ „Schönheitsideale & Ornamentik - Damen der Gesellschaft“. Museum online (1996). 2011-yil 6-iyulda asl nusxadan arxivlangan. Qaraldi: 2011-yil 25-fevral.
  2. ↑ Gustav Klimt, Emilie Flöge : reforming fashion, inspiring art, Tretter, Sandra; Weinhäupl, Peter, 1962-, Leitner, Martina, Vienna, 2016. ISBN 978-3-7106-0071-5. OCLC 962180850. 
  3. ↑ „Emilie Louise Floge“ (en). mahlerfoundation.org (2015-yil 6-yanvar). Qaraldi: 2020-yil 9-mart.
  4. ↑ Gustav Klimt, Emilie Flöge : reforming fashion, inspiring art, Tretter, Sandra; Weinhäupl, Peter, 1962-, Leitner, Martina, Vienna, 2016. ISBN 978-3-7106-0071-5. OCLC 962180850. 
  5. ↑ Lloyd, Jill; Witt Doring, Christian „Feminists and Femmes Fatales: Representing Women in Turn-of-the-Century Vienna“, . Birth of the Modern: Style and Identity in Vienna 1900. New York: Neue Gallery, 2011 — 120–141-bet. ISBN 978-3777434414. 
  6. ↑ Furman, Anna (2017-09-19). „Before Coco Chanel There Was Emilie Flöge: A Designer the Fashion Industry Forgot“. Harper's BAZAAR (ingliz (Amerika)). Qaraldi: 2020-03-09.
  7. ↑ Gustav Klimt, Emilie Flöge : reforming fashion, inspiring art, Tretter, Sandra; Weinhäupl, Peter, 1962-, Leitner, Martina, Vienna, 2016. ISBN 978-3-7106-0071-5. OCLC 962180850. 
  8. ↑ „Personendaten“. www.evang-friedhof.at. Qaraldi: 2021-yil 12-mart.

Qo‘shimcha o‘qish uchun

  • Gustav Klimt, Emilie Flöge: Reforming Fashion, Inspiring Art, edited by Sandra Tretter and Peter Weinhäupl. Vienna: Gustav Klimt / Wien 1900 Foundation, 2016. ISBN 9783710600715.
  • Gustav Klimt & Emilie Flöge: An Artist and His Muse, by Wolfgang Fischer with assistance from Dorothea McEwan. London: Lund Humphries, 2012. ISBN 0853316074.
  • Gustav Klimt & Emilie Flöge: Photographs, edited by Agnes Husslein-Arco and Alfred Weidinger. Munich: Prestel, 2012. ISBN 9783791352473.
  • OʻConnor, Anne-Marie (2012). The Lady in Gold, The Extraordinary Tale of Gustav Klimt's Masterpiece, Portrait of Adele Bloch-Bauer, Alfred A. Knopf, New York, ISBN 0-307-26564-1
"https://ziyosfera.uz/index.php?title=Emilie_Louise_Flöge&oldid=415465" dan olindi