Elitsa va Stoyan
| Elitsa va Stoyan | |
|---|---|
 Stoyan Yankoulov va Elitsa Todorova 2007-yilda oʻtkazilgan „Eurovision-2007“ tanlovida | |
| Umumiy maʼlumot | |
| Kelib chiqishi | Varna va Sofia, Bolgariya |
| Faoliyat yillari | 2003–hozirgacha |
| Tarkib |
Elitsa Todorova Stoyan Yankoulov |
Elitsa va Stoyan (bulg‘orcha: Елица и Стоян) — Elitsa Todorova va Stoyan Yankoulovdan iborat bolgariyalik musiqiy duet. Ular „Water“ qoʻshigʻi bilan Finlyandiyaning Helsinki shahrida oʻtkazilgan „Eurovision-2007“ tanlovida Bolgariya sharafini himoya qilgan hamda 5-oʻrinni egallagan. Ushbu natija 2016-yilgacha Bolgariyaning „Eurovision“ tarixidagi eng yuqori koʻrsatkichi boʻlib qolgan[1].
2013-yil mart oyida duet ikkinchi marotaba Bolgariya vakili sifatida tanlangan va „Samo shampioni“ qoʻshigʻi bilan Shvetsiyaning Malmö shahrida oʻtkazilgan „Eurovision-2013“ tanlovida ishtirok etgan. Biroq ular final bosqichiga chiqa olmagan[2].
Karyerasi
Elitsa Todorova va Stoyan Yankoulov 2003-yilda tanishgan. 2007-yilda ular „Pesen Na Eurovizija 2007“ milliy saralash tanlovida gʻolib chiqqan hamda „Voda“ qoʻshigʻi bilan „Eurovision-2007“ tanlovida Bolgariya sharafini himoya qilgan. Keyinchalik duet „Earth“ nomli ikkinchi singlini eʼlon qilgan[3].
2013-yil 10-fevralda Bolgariya milliy teleradiokompaniyasi BNT tomonidan duetning „Eurovision-2013“ tanlovidagi ishtiroki tasdiqlangan. Milliy saralash finali 2013-yil 3-martda oʻtkazilgan. Hakamlar va tomoshabinlar ovozlari yakuniga koʻra „Kismet“ hamda „Samo Shampioni“ qoʻshiqlari bir xil natija qayd etgan. Dastlab „Kismet“ gʻolib deb eʼlon qilingan, biroq 2013-yil 11-martda mualliflik huquqiga oid eʼtirozlar sababli BNT ushbu qoʻshiqni tanlovdan olib tashlagan va uning oʻrniga „Samo shampioni“ qoʻshigʻini tanlagan[4].
Manbalar
- ↑ Brey, Marco „Elitsa & Stoyan to represent Bulgaria!“. European Broadcasting Union (2007-yil 10-fevral). Qaraldi: 2013-yil 27-mart.
- ↑ Escudero, Victor „Bulgaria enters new song for Malmö“. European Broadcasting Union (2013-yil 11-mart). Qaraldi: 2013-yil 27-mart.
- ↑ Floras, Stella „Bulgaria: Elitsa and Stoyan - Faces for a new campaign“ (en-US). ESCToday (2008-yil 25-mart). Qaraldi: 2024-yil 25-mart.
- ↑ Escudero, Victor „Elitsa & Stoyan to perform Kismet in Malmö“. European Broadcasting Union (2013-yil 3-mart). Qaraldi: 2013-yil 27-mart.