Elina Avanesyan
| Elina Avanesyan | |
|---|---|
.jpg) Avanesyan 2023-yilgi Wimbledon chempionatida | |
| Toʻliq ismi | Elina Araratovna Avanesyan |
| Mamlakat |
 Armaniston (2024-yil avgustdan–hozirgacha)[1]  Rossiya (2017–2024)[2]. |
| Istiqomat joyi | Pyatigorsk, Rossiya |
| Tugʻilishi |
2002-yil 17-sentyabr Pyatigorsk, Rossiya |
| Boʻyi | 1,72 sm |
| Ishlatadigan qoʻli | Oʻng qoʻl |
| Olgan jami pul mukofot(lar)i miqdori | $2 472 819 |
| Yakkalik bahslar | |
| Jami titullari | 0 |
| Eng yuqori pozitsiyasi | 36-oʻrin (17-mart 2025-yil) |
| Joriy pozitsiyasi | 118-oʻrin (1-dekabr 2025-yil) |
| „Katta dubulgʻa“ turniri yakkalik bahslari natijalari | |
| Australian Open | 3-bosqich (2024) |
| French Open | 4-bosqich (2023, 2024) |
| Wimbledon | 2-bosqich (2024) |
| US Open | 2-bosqich (2023) |
| Juftlik bahslari | |
| Jami titullari | 0 |
| Eng yuqori pozitsiyasi | 163-oʻrin (12 avgust 2024-yil) |
| „Katta dubulgʻa“ turniri juftlik bahslari natijalari | |
| Australian Open | 2-bosqich (2024) |
| French Open | 2-bosqich (2024) |
| Wimbledon | 1-bosqich (2024) |
| US Open | 3-bosqich (2023) |
| Soʻnggi marta yangilandi: 1-dekabr 2025-yil. | |
Elina Araratovna Avanesyan (armancha: Էլինա Արարատի Ավանեսյան; ruscha: Элина Араратовна Аванесян; 2002-yil 17-sentyabrda tugʻilgan) — Rossiyada tugʻilgan arman tennischisi[1]. Yakkalik bahslarida WTA reytingida 2025-yil 17-mart kuni 36-oʻringa koʻtarilgan, juftlik bahslari boʻyicha esa 2024-yil 12-avgust kuni 163-oʻringa chiqqan va bu bilan oʻzining eng yuqori koʻrsatkichlarini qayd etgan[3]. Hozirda yakkalik bahslari boʻyicha Armanistonning 1-raqamli tennischisi.
Avanesyan ITF turida yakkalik bahslarida 5 karra va juftlik oʻyinlarida 9 karra chempionlikni qoʻlga kiritgan.
Shaxsiy hayoti
Ilk yillari
Avanesyan Rossiyaning Pyatigorsk shahrida arman millatiga mansub oilada tugʻilgan. Uning ota-onasi Togʻli Qorabogʻdan boʻlib, Birinchi Togʻli Qorabogʻ urushi chogʻida 1992-yilda Rossiyaga koʻchib oʻtishgan. Uning bir akasi va bir opasi bor[4].
Fuqarolikni oʻzgartirishi
2024-yil iyun oyida Avanesyan Armaniston fuqaroligini olish jarayonini boshlagani va musobaqalarda Armaniston bayrogʻi ostida ishtirok etishni rejalashtirayotgani eʼlon qilindi[5]. U avvalroq Armaniston poytaxti Yerevanda bir nechta yoshlar turnirlarida qatnashib, ularning toʻrttasida gʻolib chiqqan edi[4].
2024-yil avgust oyida Avanesyan Armaniston fuqarosi boʻldi va musobaqalarda mamlakat sharafini himoya qila boshladi[1][2][6][7].
Sport faoliyati
2021: Birinchi ITF Circuit chempionligi
Avanesyan oʻzining ilk W60 unvonini Reinert Open turnirida qoʻlga kiritgan[8].
2022: WTA turi, „Katta dubulgʻa“ va WTA 1000 debyutlari
Sportchi oʻzining WTA turidagi ilk oʻyinini 2022-yilgi Copa Colsanitas turnirida oʻtkazib[9], musobaqaning chorak finaligacha yetib bordi va saralash bosqichidan oʻtib, AQSh Ochiq chempionati doirasida „Katta dubulgʻa“ turnirlarida debyut ishtirokini amalga oshirdi[10][11].
Shuningdek, u WTA 1000 darajasidagi ilk oʻyinini Italiya ochiq chempionatida oʻtkazdi va yangi WTA 1000 turniri — Guadalajara Open asosiy toʻr bahslarida ishtirok etish imkoniyatini qoʻlga kiritdi.
2023: Fransiya ochiq chempionatida toʻrtinchi bosqich, ilk 65 talik
Jahon reytingida 134-oʻrinda turuvchi Avanesyan Fransiya ochiq chempionatida ilk bor ishtirok etdi. Birinchi bosqichda u 12-raqamli raketka ustasi Belinda Bencicni magʻlub etib, oʻzining ilk „Katta dubulgʻa“dagi va ilk TOP-20 talikdagi gʻalabasini qoʻlga kiritdi[12]. Ikkinchi bosqichda sportchi fransiyalik tennischi Léolia Jeanjeanni[13], uchinchi davrada esa saralash bosqichidan oʻtgan Clara Tausonni magʻlub etdi[14]. Natijada, u 2023-yil 12-iyunda reytingda 54 pogʻona yuqorilab, kuchli 80 talikka kirishga muvaffaq boʻldi[15][16].
Avanesyan WTA 500 darajasidagi ilk oʻyini Germaniya ochiq chempionatida oʻtkazdi va sakkizinchi raketka ustasi Daria Kasatkinani magʻlub etdi[17]. Shu orqali 2023-yil 26-iyunda oʻzining yangi shaxsiy rekordini qayd etgan holda reytingda 64-oʻrinni egalladi.
Tennischi AQSh ochiq chempionatida birinchi davrada Alizé Cornetni magʻlub etib, ikkinchi davraga yoʻl oldi[18]. Shu turnirda u juftlik bahslarida hamyurti Kamilla Rahimova bilan birga uchinchi davra bahslariga yetib bordi. Ular 10-raqamli juftlik — Elena Ostapenko va Lyudmila Kichenokni magʻlub etishdi[19]. Biroq chorak final yoʻllanmasi uchun bahsda 8-raqamli juftlik — Hsieh Su-wei va Van Sinʼyuga magʻlub boʻlishdi[20].
Yil yakunida tennischi jahon reytingining 75-oʻrinidan joy oldi[21].
Manbalar
- ↑ 1,0 1,1 1,2 „Russian-born Elina Avanesyan changes citizenship, will now represent Armenia“ (2024-yil 6-avgust). Qaraldi: 2024-yil 6-avgust.
- ↑ 2,0 2,1 „Tennis player Elina Avanesyan now represents Armenia“. PanARMENIAN.Net (2024-yil 5-avgust). Qaraldi: 2024-yil 5-avgust.
- ↑ „Women's Tennis Association - Official Website“.
- ↑ 4,0 4,1 Bisti, Riccardo „Elina Avanesyan lascia la Russia e giocherà per l'Armenia“ (it). Tennis Magazine Italia (2024-yil 10-iyun). 2024-yil 13-iyunda asl nusxadan arxivlangan. Qaraldi: 2024-yil 25-iyul.
- ↑ Addicott, Adam „Russian World No.78 Elina Avanesyan To Switch Nationalities“. Ubitennis (2024-yil 10-iyun). Qaraldi: 2024-yil 12-iyun.
- ↑ @ElinaaAvanesyan. „I am proud to share that I am officially a citizen of Armenia, and I am honored to be competing under my Armenian flag starting at the Cincinnati Open on Monday! Excited for this new chapter and to bring success to my ancestral homeland. 🎾“.
- ↑ „Официально. Теннисистка Элина Аванесян уже представляет Армению“ (ru). Sportball24 (2024-yil 5-avgust). Qaraldi: 2024-yil 5-avgust.
- ↑ Schneider, Claus Meyer, Andre „Vom Lucky Loser zur Siegerin: Elina Avanesjan gewinnt die Reinert Open“. Lokalsport (2021-yil avgust).
- ↑ „Welcome to the tour: All of 2022's WTA debutantes“. WTA Tennis (2022-yil 6-oktyabr). Qaraldi: 2022-yil 24-oktyabr.
- ↑ Alex Macpherson „The 2022 US Open's Grand Slam debutantes: Bejlek, Andreeva, Fruhvirtova and more“. WTA Tennis (2022-yil 27-avgust). Qaraldi: 2022-yil 27-avgust.
- ↑ Chiesa, Victoria „Meet the 2022 US Open women's qualifiers“ (2022-yil 26-avgust). Qaraldi: 2023-yil 29-avgust.
- ↑ „Keys, Haddad Maia win at French Open; Bencic, Kvitova suffer upsets“.
- ↑ „Roland-Garros: Lucky loser Avanesyan continues dream run in Paris with win over Jeanjean“ (2023-yil 31-may).
- ↑ „Avanesyan becomes first lucky loser in French Open last 16 since 1988“ (2023-yil 2-iyun).
- ↑ „Rankings Watch: Haddad Maia breaks into Top 10; Svitolina climbs higher“.
- ↑ „Photos: The Top 100 breakthroughs of 2023“.
- ↑ „Wimbledon lucky loser Tamara Korpatsch on the art of the second chance“ (2023-yil 5-iyul).
- ↑ „US Open: Avanesyan too good for Cornet, faces Ostapenko in second round“. Tennis Majors (2023-yil 29-avgust). Qaraldi: 2024-yil 6-avgust.
- ↑ „Elina Avanesyan wins the first round of the US Open Doubles“ (2023-yil 1-sentyabr).
- ↑ „US Open '23: Day 7 doubles, mixed final results“ (2023-yil 3-sentyabr).
- ↑ „By the numbers: The 2023 year-end rankings“. Women's Tennis Association (2023-yil 7-noyabr). Qaraldi: 2024-yil 6-avgust.