Elena Rybakina
| Elena Rybakina | |
|---|---|
_11_(cropped).jpg) Rybakina 2025-yilgi Vashington Ochiq chempionatida Ribakina | |
| Toʻliq ismi | Elena Andreevna Rybakina |
| Mamlakat |
 Rossiya (2014–2018) Qozogʻiston (2018–hozirgacha) |
| Istiqomat joyi | Dubay, Birlashgan Arab Amirliklari[1] |
| Tugʻilishi |
1999-yil 17-iyun Moskva, Rossiya |
| Boʻyi | 1,84 sm |
| Professionallik | 2014 |
| Ishlatadigan qoʻli | Oʻng qoʻl |
| Murabbiy | Stefano Vukov (2019–2024, 2025–hozirgacha) |
| Olgan jami pul mukofot(lar)i miqdori |
|
| Yakkalik bahslar | |
| Jami titullari | 12 |
| Eng yuqori pozitsiyasi | 2-oʻrin (16-mart 2026-yil) |
| Joriy pozitsiyasi | 2-oʻrin (16-mart 2026-yil) |
| „Katta dubulgʻa“ turniri yakkalik bahslari natijalari | |
| Australian Open | G (2026) |
| French Open | ChF (2021, 2024) |
| Wimbledon | G (2022) |
| US Open | 4-bosqich (2025) |
| Boshqa turnirlar | |
| Tour Finals | G (2025) |
| Olympic Games | Yarim final — 4-oʻrin (2021) |
| Juftlik bahslari | |
| Jami titullari | 0 |
| Eng yuqori pozitsiyasi | 48-oʻrin (18-oktabr 2021-yil) |
| Joriy pozitsiyasi | 269-oʻrin (8-dekabr 2025-yil) |
| „Katta dubulgʻa“ turniri juftlik bahslari natijalari | |
| Australian Open | 3-bosqich (2023) |
| French Open | ChF (2021) |
| Wimbledon | 1-bosqich (2021) |
| US Open | 1-bosqich (2019) |
| „Katta dubulgʻa“ turniri aralash juftlik bahslari natijalari | |
| Australian Open | 1-bosqich (2021) |
| US Open | 1-bosqich (2025]]) |
| Jamoa musobaqalari | |
| BJK Cup | ChF (2025) |
| Soʻnggi marta yangilandi: 16-mart 2026-yil. | |
Elena Andreyevna Ribakina (ruscha: Елена Андреевна Рыбакина; 1999-yil 17-iyunda tugʻilgan) — Rossiyada tugʻilgan qozogʻistonlik professional tennischi. Hozirda ayollar oʻrtasida yakkalik bahslarida dunyo reytingida Ayollar tennis assotsiatsiyasi (WTA) tasnifiga koʻra 2-raqamli tennischi. 12 ta WTA turi darajasida yakkalik musobaqalarida chempionlikni qoʻlga kiritgan. Jumladan, ikkita Katta dubulgʻa — 2022-yilgi Wimbledon chempionati va 2026-yilgi Avstraliya ochiq chempionati, shuningdek, 2025-yilgi WTA finali va ikkita WTA 1000 turnirlarida gʻalaba qozongan. Katta dubulgʻa musobaqasida gʻoliblikni qoʻlga kiritgan va dunyo reytingida kuchli oʻntalikdan joy olgan ilk qozogʻistonlik tennischi.
Yoshligida dunyo reytingining 3-raqamli raketka ustasi boʻlgan Rybakina faoliyatini dastlab Rossiya sharafini himoya qilib boshlagan. Soʻngra 2018-yilda sport federatsiyasini Qozogʻistonga almashtirgan. Sportchi 2020-yilda beshta turnir finalida ishtirok etib, oʻsha yili barcha tennischilar orasida eng koʻp finalga chiqqan sportchiga aylangan. Ribakina oʻzining ilk katta turnir chempionligini 2022-yilda Wimbledon turnirida qoʻlga kiritgan. Soʻng 2023-yilgi Avstraliya ochiq chempionati finaliga chiqishga muvaffaq boʻlgan. 2025-yil oxirida tennischi WTA finalida gʻoliblikni qoʻlga kiritgan. Undan soʻng esa 2026-yilgi Avstraliya ochiq chempionatida gʻalaba qozongan va oradan koʻp oʻtmay sport faoliyatidagi eng yuqori natija — jahon reytingida 2-raqamga koʻtarilishga muvaffaq boʻlgan.
Rybakina oʻzining ajoyib toʻp uzatishlari va kuchli zarbalari bilan ajralib turadi. U, asosan, orqa chiziqdan oʻyin olib boradi. Sportchi oʻzining xotirjam feʼl-atvori bilan tanilgan.
Hayoti
Elena Rybakina 1999-yil 17-iyunda Rossiyaning Moskva shahrida tugʻilgan. Onasining ismi Ekaterina, otasi Andrey Rybakin. U sport bilan juda yoshligidan katta opasi Anna bilan birga shugʻullana boshlagan. Dastlab, asosan, gimnastika va figurali uchish sport turlariga eʼtibor qaratgan[3][4]. Unga bu ikki sport turidan birortasida professional sportchi boʻlishi uchun boʻyi juda baland ekani aytilgach, otasi uning qiziqishlarini inobatga olib tennisni tanlashni taklif qilgan[5]. Rybakina tennischi sifatida mashgʻulotlarni olti yoshidan boshlagan[3].
Rybakina "Dinamo" sport klubidan „Spartak“ tennis klubiga oʻtgan, u yerda bir qancha tajribali murabbiylar qoʻl ostida mashgʻulot olib borgan. U sobiq reytingda kuchli oʻntalikdan joy olgan Andrey Chesnokov va sobiq kuchli yuztalikdan joy olgan tennischi Evgeniya Kulikovskaya bilan mashq qilgan. Uning jismoniy tayyorgarlik boʻyicha murabbiylaridan biri Irina Kiseleva boʻlib, u zamonaviy beshkurash boʻyicha jahon chempioni hisoblanadi[6][7][8].
Rybakina oʻsmirlik davrigacha individual mashgʻulotlar olib bormagan, buning oʻrniga 15 yoshigacha sakkiz nafar, 18 yoshigacha esa toʻrt nafar oʻyinchidan iborat guruhda shugʻullangan. U kuniga atigi 2 soatga yaqin tennis oʻynagan va 3 soatni jismoniy tayyorgarlikka sarflagan. Uning tennisga ajrata oladigan vaqti qisman cheklangan boʻlib, bunga sportchilar uchun ixtisoslashmagan oddiy oʻrta maktabda oʻqigani, tennis va oʻqishni bir xil muvozanatda olib borishga toʻgʻri kelgani sabab boʻlgan[9].
Manbalar
 |
Vikiomborda „Elena Rybakina“ mavzusi boʻyicha mediafayllar bor. |
- ↑ „Elena Rybakina – Press Conference“ (2025-yil 20-fevral).
- ↑ „Career Prize Money Leaders“. WTATennis. Qaraldi: 2026-yil 2-fevral.
- ↑ 3,0 3,1 Nguyen, Courtney „Getting to Know: Elena Rybakina's rocket rise“. WTA Tennis (2020-yil 22-yanvar). Qaraldi: 2020-yil 26-sentyabr.
- ↑ „Elena Rybakina: I felt confident after winning the first set“. Formula TX St. Petersburg Ladies' Trophy (2020-yil 14-fevral). 2022-yil 25-iyunda asl nusxadan arxivlangan. Qaraldi: 2020-yil 27-sentyabr.
- ↑ Rabiner, Igor „"Just six months ago, Lena wanted to quit tennis." An interview with the father of Wimbledon champion Elena Rybakina.“. Sport Express Russia (2022-yil 18-avgust). Qaraldi: 2026-yil 2-yanvar.
- ↑ „Elena Rybakina Is Really Special“. Ubi Tennis (2020-yil 11-mart). Qaraldi: 2020-yil 27-sentyabr.
- ↑ „Поколение Next. Елена Рыбакина“ [Next Generation: Elena Rybakina] (ru). Tennis Stars (2017-yil 19-oktyabr). 2022-yil 12-iyulda asl nusxadan arxivlangan. Qaraldi: 2020-yil 27-sentyabr.
- ↑ Fagan, Kate „From Russia, With Topspin“. ESPN (2013-yil 9-yanvar). Qaraldi: 2020-yil 27-sentyabr.
- ↑ Cox, David „Elena Rybakina: Getting to know the 'anonymous' yet in-form No.29 seed“. Australian Open (2020-yil 22-yanvar). Qaraldi: 2020-yil 27-sentyabr.