Kontent qismiga oʻtish

Eleanna Christinaki

ZiyoSfera, erkin ensiklopediya
Eleanna Christinaki
Araski AES
Pozitsiyasi kichik hujumchi
Liga LFB
Shaxsiy maʼlumot
Tavalludi 1996-yil 16-dekabr (1996-12-16) (29 yosh)
Paralimni, Kipr
Millati Grek
Boʻyi 6 ft 0 in (1.83 m)
Faoliyati haqidagi maʼlumotlar
Kollej
Oʻyindagi faoliyati 2011-yil—hozirgacha

Eleanna Christinaki(yunoncha: Ελεάννα Χριστινάκη; 1996-yil 16-dekabrda tugʻilgan) – yunon-kiprlik professional basketbolchi. U 17 yoshidan boshlab ayollar terma jamoasitarkibiga qoʻshilgan va oʻshandan beri u oʻz mamlakati nufuzi uchun 38 ta oʻyin oʻtkazgan.

Eleanna Christinaki ayollar terma jamoasi uchun tanlangan eng yosh ikkinchi jamoa aʼzosi hisoblanadi. Shuningdek, u U-20 terma jamoasi sardori boʻlgan.

Klubdagi faoliyati

Eleanna Christinaki 2011-yilda „Panatinaikos“ jamoasiga oʻtgan edi. U jamoa safida uch yil davomida oʻynadi va 2012-2013-yilgi mavsumda Gretsiya ayollar basketbol ligasida gʻoliblikka erishdi.

Eleanna Christinaki 17 yoshida Gretsiya terma jamoasiga taklif qilingan. U terma jamoadagi eng yosh ikkinchi oʻyinchi hisoblanadi. 2013, 2014 va 2015-yillarda u Gretsiyaning eng yaxshi yosh basketbolchisi sovrinini qoʻlga kiritdi. Eleanna Christinaki Gretsiyaning eng yaxshi beshta qimmatbaho yosh oʻyinchilari qatoriga uch marta kirgan.

Eleanna Christinaki 2014—2015-yilgi mavsumda Yevrokuboklarda gʻolib boʻlgan „Atinaikos“ jamoasi tarkibida ham oʻynagan[1]. U Athinaikos ayollar basketboli jamoasi bilan musobaqalarda qatnashib, oʻsmir ayollar oʻrtasidagi Gretsiya basketbol chempionatida MVP unvoniga sazovor boʻldi[2]. „Atinaikos“dagi faoliyatida u har bir oʻyinda oʻrtacha 15 ochko va har bir oʻyinda 5 ta ribaund toʻplagan.

Kollej jamoasidagi faoliyati

2015-yilda Eleanna Christinaki kollejdagi faoliyatini Florida Gators ayollar basketbol jamoasi aʼzosi sifatida boshladi. Birinchi mavsumda u 31 oʻyinning har birida 10,4 ochkodan toʻplab bordi. Shuningdek, u 17 marta dubl va 2 marta qoʻsh-dubl qayd etgan. Uning jamoasi SECning eng yaxshi birinchi kurs jamoasi va SEC konferentsiyasida mavsumoldi birinchi jamoasi nomzodligiga qoʻyildi[3]. Oʻzining ikkinchi mavsumida Eleanna Christinaki Gators jamoasi uchun 9 oʻyin oʻtkazdi va har bir oʻyinda oʻrtacha 17,6 balldan toʻplab bordi. 2016-yil dekabr oyida u Gatorsni tark etishini eʼlon qildi[4].

2017-yil yanvar oyida Eleanna Christinaki oʻsha paytda mamlakatda 3-oʻrinni egallagan Meryland Terrapins ayollar basketbol jamoasi aʼzosiga aylandi va buni rasmiy tarzda eʼlon qildi[5].

Meryland Terrapins jamoasi bilan oʻtgan ilk mavsumida Eleanna Christinaki 22 oʻyinda oʻrtacha 11,8 ochko va 4,6 ribaund toʻpladi. Oʻzining birinchi oʻyinida Eleanna Christinaki Koppin shtati ustidan 113-49 hisobida gʻalaba qozonib, zaxirada 32 ochko toʻpladi. Natijada, u oʻzining jamoadagi ilk oʻyinidanoq 23 ochko toʻplagan Meryland shtatining birinchi basketbolchisi boʻldi[6]. Shuningdek, Eleanna Christinaki konferentsiyadagi raqibi Ogayo shtatiga qarshi 99-69 hisobida gʻalaba qozonib, 26 ochko jamgʻardi[7].

2018-yil 23-iyunda Eleanna Christinaki oʻzining katta mavsumini professional tarzda davom ettirish uchun Maryland Terrapins jamoasini tark etishligini eʼlon qildi.

2018-yilda Eleanna Christinaki jahon chempionati oʻyinlarida ishtirok etdi va Gretsiya terma jamoasi tarkibida butun dunyo jamoalari orasida 9-oʻrinni egalladi[8].

Eleanna Christinaki 1-noyabr kuni Gernika KESB jamoasi bilan shartnoma imzoladi[9].

Florida va Merilend statistikasi

Manba[10]Andoza:NBA oʻyinchi statistikasi afsonasi

Yil Jamoa GP Ballar FG% 3P% FT% RPG APG SPG BPG PPG
2015-2016 Florida 31 323 42,9 % 30,0 % 70,8 % 3.2 3.4 1.3 0.1 10.4
2016-2017 Florida 9 158 44,2 % 28,6 % 77,4 % 4.7 3.0 0,8 - 17.6
2017-2018 Maryland 22 260 36,6 % 32,3 % 73,9 % 4.6 1.5 0,8 - 11.8
Karyera 62 741 40,7 % 30,8 % 72,9 % 3.9 2.7 1.1 0.1 12.0

Terma jamoadagi faoliyati

Christinaki Gretsiya ayollar milliy basketbol terma jamoasi aʼzosi boʻlib, u 2015 va 2017-yilda boʻlib oʻtgan Yevropa ayollar basketboli va 2018-yilgi Jahon chempionati musobaqalarida ishtirok etgan. Christinaki Gretsiya jamoasi bilan 2017-yilgi Yevropa ayollar basketboli bahslarida 4-oʻrinni egalladi. Tenerifedagi jahon chempionatida Gretsiya terma jamoasi bilan 9-oʻrinni qoʻlga kiritdi. Christinaki 2015-yilgi FIBA Yevropa U-20 divizioni B oʻyinida ham qatnashdi va u har bir oʻyinda oʻrtacha 19,7 ochko toʻplagan holda turnirning eng yaxshi beshta qimmatbaho oʻyinchisi qatoridan joy oldi. Christinaki shuningdek, 2016-yilgi FIBA 20 yoshgacha boʻlgan ayollar oʻrtasidagi Yevropa chempionatida Gretsiya basketbol jamoasi bilan oʻrtacha 15,8 ochko toʻplagan.

Christinaki, shuningdek, 2010-yildan 2011-yilgacha Kipr U16 basketbol jamoasi bilan turli musobaqalarda ishtirok etgan.

Manbalar

  1. ↑ „Έντονο φλερτ με Αθηναϊκό η Ελεάνα Χριστινάκη“. sportshero.gr. 2022-yil 8-oktyabrda asl nusxadan arxivlangan. Qaraldi: 2022-yil 21-avgust.
  2. ↑ „Πολυτιμότερη η Χριστινάκη“. ebasket.gr (2-may 2015-yil). Qaraldi: 27-iyul 2017-yil.
  3. ↑ „WOMEN'S BASKETBALL“. floridagators.com. Qaraldi: 27-iyul 2017-yil.
  4. ↑ „Florida Gators Basketball: Eleanna Christinaki Quits Team“. 2022-yil 13-oktyabrda asl nusxadan arxivlangan. Qaraldi: 2022-yil 21-avgust.
  5. ↑ „Maryland women's basketball adds transfer Eleanna Christinaki from Florida“. washingtonpost.com (5-yanvar 2017-yil). Qaraldi: 27-iyul 2017-yil.
  6. ↑ „Maryland's Eleanna Christinaki to skip a senior season, play pro basketball in Europe“. baltimoresun.com (22-iyun 2018-yil). 2018-yil 23-iyunda asl nusxadan arxivlangan. Qaraldi: 2022-yil 21-avgust.
  7. ↑ „Maryland women's basketball crushes Ohio State, 99–69“. testudotimes.com (22-yanvar 2018-yil).
  8. ↑ „Maryland's Eleanna Christinaki to skip senior season, play pro basketball in Europe“. baltimoresun.com (22-iyun 2018-yil). 2018-yil 23-iyunda asl nusxadan arxivlangan. Qaraldi: 2022-yil 21-avgust.
  9. ↑ „Στην Ισπανία η Χριστινάκη“ (el). www.gazzetta.gr. Qaraldi: 2021-yil 22-may.
  10. ↑ „NCAA Statistics“. web1.ncaa.org. Qaraldi: 2021-yil 3-iyun.

Havolalar

"https://ziyosfera.uz/index.php?title=Eleanna_Christinaki&oldid=413247" dan olindi