Eglė Špokaitė
| Eglė Špokaitė | |
|---|---|
 Eglė Špokaitė Kitri rolida | |
| Tavalludi |
1971-yil 15-yanvar |
| Taʼlimi | Vilnyus balet maktabi |
| Veb-sayti | balletinstitutesd.com |
Eglė Špokaitė (1971-yilda tugʻilgan) – litvalik balerina. Ayniqsa Litva Milliy Opera va Balet Teatri bosh solistlaridan biri sifatida tanilgan (1989–2011). 2008-yilda Vilnyusda Eglė Špokaitė balet maktabining hamasoschilaridan biri va ushbu maktabda badiiy rahbar sifatida faoliyat yuritgan. 2016-yilda AQShda San Diego Balet instituti[1] nomli raqs maktabiga asos solgan. Shuningdek, xoreograf, aktrisa va ommaviy maʼruzachi sifatida ham tanilgan. Litva milliy mukofoti va boshqa koʻplab mukofotlar sohibasi. Hozirda San Diego (Kaliforniya) va Vilnyus shaharlarida yashab, faoliyat yuritadi.
Faoliyati
Eglė Špokaite 1971-yilda Litvaning Vilnyus shahrida dunyoga kelgan. 1989-yilda Vilnyus balet maktabini tamomlaganidan soʻng Litva Milliy opera va balet teatrining solistiga aylangan, jumladan, „Jizel“ operasida Jizel, „Romeo va Juletta“dagi Juletta va „Don Kixot“ operalaridagi Kitri kabi rollarni ijro etgan. 1994-yildan 1996-yilga qadar Špokaitė toʻrtta xalqaro balet tanlovida ishtirok etgan va gʻoliblikni qoʻlga kiritgan.
Balet raqqosasi
Špokaitening professional balet faoliyati 1989-yilda Litva Milliy opera va balet teatrida[2] boshlangan. U yerda xalqaro miqyosda mashhur baletmeysterlar, pedagoglar va xoreograflar bilan hamkorlik qilgan. Uning eʼtiborga molik hamkorliklardan biri „Romeo va Juletta“ spektaklidagi ishtiroki hisoblanadi. Unda mashhur rus dirijyori Mstislav Rostropovich Špokaitėning Juletta roli ijrosini oʻzining eng sevimli talqinlaridan biri deb atagan. Shuningdek, Špokaite sovet davrining mashhur raqqosasi va xoreografi Mayya Plisetskaya qoʻl ostida ishlagan va u bilan bir qator loyihalar hamda chiqishlarda ishtirok etgan. Eglė Špokaitening boshqa ijodiy hamkorlar va ustozlari qatoriga L.Shulga, Jonas Katakinas kabilarni qoʻshish mumkin. U taniqli rus balet pedagoglari Ninel Kurgapkina va Kseniya Ter-Stepanovalar bilan klassik rollarni ijro etgan. Eglė, shuningdek, ijodiy faoliyati davomida eng koʻzga koʻringan sanʼat namoyandalari, jumladan, Mstislav Rostropovich[3], Mayya Pliseckaya[4], Gidon Kremer, Eimuntas Nekrosiuslar bilan ham hamkorlik qilgan[5]. Mashhur xoreograflar Giorgi Aleksidze, Krzysztof Pastor, Boris Eifman, Alexei Ratmansky, Gerald Arpino, Alla Sigalova[6], E.Vicichovska, K.Simonovlar rahbarligida chiqishlar qilgan. Bundan tashqari, Litva Milliy Opera va Balet Teatri tarkibida 2011-yilga qadar faoliyat olib borgan.
Shaxsiy hayoti
Eglė Špokaite olim va fotograf Dainius Macikenas[7] bilan turmush qurgan va ular AQShning San Diego hamda Litvaning Vilnyus shaharlarida yashaydi[8].
Manbalar
- ↑ „Ballet Institute of San Diego. Pure Ballet School“ (en-US). Ballet Institute of San Diego. Qaraldi: 2018-yil 26-noyabr.
- ↑ „Egle Spokaite – Ballerina, Teacher, Artistic Director“. eglespokaite.com. 2020-yil 5-iyulda asl nusxadan arxivlangan. Qaraldi: 2018-yil 19-avgust.
- ↑ „Rostropovich at 75: Prokofiev, Shostakovich & Britten, London Symphony Orchestra, 14th – 27th March 2002 (MB, CC & ME)“. www.musicweb-international.com. Qaraldi: 2018-yil 19-avgust.
- ↑ Maya Plisetskaya - last interview in Lithuania (2009) YouTubeda
- ↑ „ARTMargins Online“. 2016-yil 4-aprelda asl nusxadan arxivlangan. Qaraldi: 2012-yil 15-mart.
- ↑ „Creative Time by Lithuanian TV, 1998“. 2016-yil 3-aprelda asl nusxadan arxivlangan. Qaraldi: 2025-yil 31-may.
- ↑ Eglė Špokaitė kuklioje ceremonijoje JAV ištekėjo už mylimojo Dainiaus Mačikėno | Zmones.lt
- ↑ „Interview with Eglė Špokaitė for the Lithuanian National TV show „Life“ (March 2015, in Lithuanian)“. 2016-yil 3-aprelda asl nusxadan arxivlangan. Qaraldi: 2025-yil 31-may.