Efiopiya 2010-yilgi Qishki Olimpiada Oʻyinlarida
| Efiopiya 2010-yilgi Qishki Olimpiada O'yinlarida | |
|---|---|
 | |
| XOK kodi | ETH |
| MOQ | Efiopiya Olimpiya qo‘mitasi |
| Veb sayt | ethiolympic.org |
| Vancouver | |
| Sportchilar | 1 1 sport turi boʻyicha |
| Bayroqdor | Robel Teklemariam |
| Medallar |
|
Efiopiya 12–28-fevral kunlari Kanadaning Vankuver shahrida oʻtkazilgan 2010-yilgi Qishki Olimpiada oʻyinlarida ishtirok etdi. Bu mamlakatning Qishki Olimpiada oʻyinlaridagi ikkinchi ishtiroki boʻldi. Toʻrt yil avvalgidek, musobaqaga yagona sportchi – changʻi poygachisi Robel Teklemariam yuborildi. Teklemariam 15 kilometr masofaga erkin usul bahslarida 93-oʻrinni egalladi. Vankuver–2010 Efiopiya Olimpiada terma jamoasining Kanadadagi ilk bor qatnashgan musobaqasi boʻldi. 1976-yilda Monreal shahrida oʻtkazilgan Yozgi Olimpiada oʻyinlaridan soʻng, Efiopiya va yana bir qator davlatlar Xalqaro Olimpiya Qoʻmitasining Yangi Zelandiyani musobaqadan chetlashtirishdan bosh tortganiga norozilik bildirib, o‘yinlarni boykot qilgan edi.
Tarixi
Efiopiya Yozgi Olimpiada oʻyinlarida ilk bor 1956-yilda Avstraliyaning Melburn shahrida oʻtkazilgan musobaqada ishtirok etgan. Mamlakat shundan buyon barcha yozgi Olimpiada oʻyinlarida qatnashib kelmoqda. 1976, 1984 va 1988-yillar bundan mustasno. Efiopiya Qishki Olimpiada oʻyinlarida debyutini toʻrt yil avval, 2006-yilda Italiyaning Turin shahrida oʻtkazilgan musobaqada amalga oshirgan[1]. Turin oʻyinlarida boʻlgani kabi, Vankuverdagi musobaqaga ham Efiopiya yagona sportchi – changʻi poygachisi Robel Teklemariamni yuborgan[2][3]. Teklemariam Turin oʻyinlarida 84-oʻrinni egallagan[4]. U Efiopiyada tugʻilgan, biroq AQShning Nyu-York shtati, Leyk-Plasid shahrida yashagan davrida changʻi sporti bilan shugʻullana boshlagan. Keyinchalik Efiopiyaga qaytib, Efiopiya Changʻi assotsiatsiyasini tashkil etishda ishtirok etgan[5][6]. Teklemariam ochilish va yopilish marosimlarida mamlakat bayroqdori etib tanlangan[7][8].
Manbalar
- ↑ „Ethiopia“. Sports Reference. 2017-yil 30-iyunda asl nusxadan arxivlangan. Qaraldi: 2018-yil 5-may.
- ↑ „Ethiopia at the 2006 Torino Winter Games“. Sports Reference. 2017-yil 12-iyulda asl nusxadan arxivlangan. Qaraldi: 2018-yil 5-may.
- ↑ „Ethiopia at the 2010 Vancouver Winter Games“. Sports Reference. 2017-yil 12-iyulda asl nusxadan arxivlangan. Qaraldi: 2018-yil 5-may.
- ↑ Crouse, Karen. „Ones to Know: Robel Teklemariam“. The New York Times (2010-yil 12-fevral). Qaraldi: 2018-yil 11-may.
- ↑ Hughes, Dana „Olympic Skier From, Uh ... Ethiopia“. ABC News (2010-yil 13-fevral). 2017-yil 3-avgustda asl nusxadan arxivlangan. Qaraldi: 2018-yil 5-may.
- ↑ Young, Ben „Jamaican Bobsleigh? No, Ethiopian ski team!“. Reuters (2014-yil 15-fevral). 2016-yil 7-noyabrda asl nusxadan arxivlangan. Qaraldi: 2018-yil 5-may.
- ↑ „Complete list of 2010 Vancouver Winter Olympic flag-bearers“. The Vancouver Sun (2010-yil 12-fevral). 2010-yil 16-fevralda asl nusxadan arxivlangan. Qaraldi: 2018-yil 29-aprel.
- ↑ „The Flagbearers for the Vancouver 2010 Closing Ceremony“. International Olympic Committee (2010-yil 28-fevral). 2010-yil 1-aprelda asl nusxadan arxivlangan. Qaraldi: 2018-yil 29-aprel.