Dürriaden Kadın
| Dürriaden Kadın | |||||
|---|---|---|---|---|---|
| Tugʻilishi |
Voçibe Hadicha xonim 1860-yil 16-may Kars yoki Sochi | ||||
| Vafoti |
17-oktyabr 1909-yil (49 yoshda) Validebağı saroyi, Konstantinopol, Usmoniylar imperiyasi (hozirgi Istanbul, Turkiya) | ||||
| Dafn etilgan joy | |||||
| Turmush oʻrtogʻi |
Mehmed V (turm. 1876) | ||||
| Farzandlari | Shahzoda Mahmud Najmiddin | ||||
| |||||
| Uy |
Vochibe (tugʻilganida) Usmonli (turmushga chiqqanida) | ||||
| Otasi | Vochibe Mustafa Bey | ||||
| Dini | Islom, sunniylik | ||||
Dürriaden Kadın (usmonli turkcha: درعدن قادین – „yaltiraydigan osmon“; asl ismi – Hadicha xonim Voçibe; 1860-yil 16-mayda tugʻilgan – 1909-yil 17-oktyabrda vafot etgan) – Usmoniylar imperiyasi sultoni Mehmed V ning 2-xotini[1][2].
Hayoti
Dürriaden Kadın 1860-yil 16-mayda Shimoliy Kavkazning Sochi yoki Kars shahrida Voçibe knyazlar oilasida tugʻilgan. Otasi Voçibe Mustafo bey boʻlgan, oʻzining asl ismi – Hadicha xonim. U Inşirah xonimning ammasi boʻlgan. Inşirah Dürriadenning akasi Aziz beyning qizi va sulton Mehmed VI ning xotini edi[3].
Dürriaden 3 yoshida Usmoniylar saroyiga yuborilgan va oʻsha yerda tarbiyalangan. 1876-yil 10-oktyabrda[3] Ortaköy saroyida joylashgan valiahd saroyida shahzoda Mehmed Rashodga turmushga chiqqan. Mehmed oʻsha vaqtda 32 yoshda, Dürriaden esa 16 yoshda edi. Dürriaden shahzodaning 2-xotini boʻlgan. Nikohdan 2 yil oʻtib, 1878-yil 23-iyunda yagona oʻgʻli Shahzoda Mahmud Najmiddinni dunyoga keltirgan. Bolada kifoz boʻlib, sogʻligʻi yomon edi[4].
1909-yil 27-aprelda Mehmed taxtga chiqqanidan soʻng[5], Dürriadenga „Ikkinchi Kadın“ unvoni berilgan[1][6][7].
Oʻlimi
Oʻgʻlining sogʻligʻidan tashvishga tushgan Dürriaden sil kasalligiga chalingan va yakka oʻzi izolyatsiyaga yuborilgan. Dürriaden Kadın 1909-yil 17-oktyabrda 49 yoshida Vadildebağı saroyida vafot etgan[6] va Istanbulning Fotih tumanida joylashgan Fotih masjidi Gülistu Kadın maqbarasiga dafn etilgan[6]. Oʻlimidan soʻng oʻgʻli Kuruçeşmeda uning nomiga chashma qurdirgan[8]. Shahzoda onasining oʻlimidan 4 yil oʻtib, 1913-yilda vafot etgan[4].
Farzandlari
| Ismi | Tugʻilgan sana | Vafot sanasi | Izohlar |
|---|---|---|---|
| Shahzoda Mahmud Najmiddin | 1878-yil 23-iyun[4][1]; | 1913-yil 27-iyun[4] | uylanmagan, farzandsiz |
Yana qarang
Manbalar
- ↑ 1,0 1,1 1,2 Uluçay 2011, s. 261.
- ↑ Sakaoğlu 2008, s. 701.
- ↑ 3,0 3,1 Brookes 2010, s. 280.
- ↑ 4,0 4,1 4,2 4,3 Brookes 2010, s. 286.
- ↑ Faroqhi, Suraiya. The Cambridge History of Turkey. Cambridge University Press, 2008 — 79-bet. ISBN 978-0-521-62096-3.
- ↑ 6,0 6,1 6,2 Sakaoğlu 2008, s. 702.
- ↑ Brookes 2010, s. 210.
- ↑ Ekim, Zeynep Emel. Sultan V. Mehmed Reşad ve Dönemi – Cilt 3: Sultan Mehmed Reşad'ın Oğlu Necmeddin Efendi'nın Kuruçeşme'deki Yalısı. TBMM Milli Saraylar, 2018 — 1265–66-bet. ISBN 978-9-752-46418-6.
Adabiyotlar
- Brookes, Douglas Scott. The Concubine, the Princess, and the Teacher: Voices from the Ottoman Harem. University of Texas Press, 2010. ISBN 978-0-292-78335-5.
- Sakaoğlu, Necdet. Bu mülkün kadın sultanları: Vâlide sultanlar, hâtunlar, hasekiler, kadınefendiler, sultanefendiler. Oğlak Yayıncılık, 2008. ISBN 978-9-753-29623-6.
- Uluçay, Mustafa Çağatay. Padişahların kadınları ve kızları. Ankara: Ötüken, 2011. ISBN 978-9-754-37840-5.