Duvshaniot
Duvshaniot (ibroniycha: דובשניות), asal tugmachalar nomi bilan ham tanilgan, asaldan va ziravorlardan tayyorlanadigan, anʼanaviy tarzda Rosh ha-Shona va asosiy yahudiy bayramlarini nishonlash uchun pishiriladigan mashhur Isroil pechenyesi hisoblanadi.
Umumiy maʼlumot
Duvshaniot kichik, yumaloq, oʻrtacha jigarrang rangdagi pechenyedir. Ular turli xil ziravorlar, jumladan dolchin, muskat yongʻogʻi, kardamon yoki baharat bilan tayyorlanadi. Ularning inglizcha honey buttons (asal tugmachalar) nomi tarkibida asal yoki silan ishlatilishi tufayli qoʻllaniladi. Bu ularga oʻziga xos, ziravorli asal taʼmini beradi. Duvshaniot odatda ustiga fondant surtilgan holda, yoki oddiy koʻrinishda sotiladi[1].
Duvshaniot yahudiy bayrami Rosh ha-Shona bilan bogʻliq boʻlib, asal isteʼmol qilish orqali „shirin yangi yil“ni qarshi olish anʼanasining bir qismi hisoblanadi[2]. Isroilda oilalar va doʻstlarning bir-birlariga duvshaniot kabi pechenye va shirinliklar solingan sovgʻa savati yuborishlari keng tarqalgan odatdir[2].
Duvshaniot Isroil boʻylab nonvoyxonalarda asosiy bayramlar mavsumida sotuvda boʻladi. Osem kabi kompaniyalar tomonidan ishlab chiqarilgan qadoqlangan turlari Isroildagi oziq-ovqat va qulaylik doʻkonlarida sotiladi hamda Amerika Qoʻshma Shtatlar kabi davlatlarga eksport qilinadi.
Boshqa madaniyatlarda
Yevropada duvshaniotga oʻxshash boshqa pechenye va biskvit turlari ham mavjud, jumladan Ruminiyadan asal qoʻshilgan Turtă dulce cu miere (asalli zanjabil noni) va Shveytsariyadan Basler Läckerli kabilar bor.
Manbalar
- ↑ „Dream Sweets“. The Jerusalem Post. Qaraldi: 2019-yil 24-oktyabr.
- ↑ 2,0 2,1 „Duvshaniot- Israeli Cookie“. The Philadelphia Jewish Voice. Qaraldi: 2019-yil 24-oktyabr.