Dmytro Zajciw
| Dmytro Zajciw | |
|---|---|
| Tavalludi |
17-fevral 1897-yil Velikomixailivka, Dnepropetrovsk viloyati, Ukraina SSR, SSSR |
| Vafoti |
1976 (yoshi 78–79) Rio-de-Janeyro, Braziliya |
| Fuqaroligi |
 SSSR  Braziliya |
| Sohasi | Entomologiya |
| Ish joylari | V. Dokuchayev nomidagi Xarkov milliy agrar universiteti |
Dmytro Zajciw (ukraincha: Дмитро Зайців; 1897-yil 17-fevral – 1976-yil dekabr) — ukrainalik va braziliyalik entomolog boʻlib, koʻplab qoʻngʻizlarni kashf etganligi va noyob kolleksiyasi bilan mashhur boʻlgan[1]. Olim Ukrainaning Velikomixaylivka shahrida tugʻilib, Braziliyaning Rio-de-Janeyro shahrida vafot etgan. Zajciw „Two new genera and species of neotropical Longhorn beetles (Coleoptera Cerambycidae)“ (1957)[2] hamda „Contribution to the study of Longhorn beetles of Rio de Janeiro (Coleoptera Cerambycidae)“ (1958)[3] nomli asarlarni yozgan. Shuningdek, Zajciw qoʻngʻizlarning Adesmoides[4][5] va Pseudogrammopsis[6][7], Beraba angusticollis[8] va Mionochroma subaurosum[9] kabi koʻplab turlarni birinchi boʻlib tavsiflagan olim sifatida tanilgan.
Hayoti
Zajciw 1897-yil 17-fevralda hozirgi Ukraina hududidagi Dnepropetrovsk viloyatiga qarashli Velikomixaylivka shahrida tugʻilgan[10]. 1926—1929-yillarda Xarkov xalq taʼlimi institutida aspiranturani oʻtagan[10]. Oʻqish davomida 1928-yilda Xarkov ilmiy jamiyatining tabiiy tarix boʻlimi kotibi lavozimida ishlagan. Oʻqishni tugatgach, 1930—1941-yillarda V. Dokuchayev nomidagi Xarkov milliy agrar universitetining Entomologiya va zoologiya kafedrasida dotsent sifatida faoliyat yuritgan. Bu davrda olim Sovet ittifoqi, ayniqsa oʻz vatani hududidagi qoʻngʻizlar faunasini tadqiq etgan[10]. Ikkinchi jahon urushidan soʻng Gʻarbga koʻchib ketgan, undan keyin esa Braziliyaga koʻchib oʻtgan[10].
Shaxsiy hayoti
Zajciwning 1898-yilda tugʻilgan Zaytseva Tetyana Varfolomayevna ismli singlisi bor boʻlgan, singlisi lingvistik stilistika, xususan, ukrain tili boʻyicha tadqiqotlar olib borgan.
Manbalar
- ↑ „State of Paraná: Project Taxon Line“. Organization of American States: Brazil. Qaraldi: 2015-yil 4-iyul.
- ↑ Zajciw. „Dois novos gêneros e espécies de longicórneos neotrópicos (Col. Cerambycidae)“. Google Books (1957). Qaraldi: 2015-yil 4-iyul.
- ↑ Zajciw. „Contribuição para o estudo da fauna dos longicórneos do Rio de Janeiro (Col. Cerambycidae)“. Google Books (1958). Qaraldi: 2015-yil 4-iyul.
- ↑ Bezark, Larry G. A Photographic Catalog of the Cerambycidae of the World: Adesmoides flava (Wayback Machine saytida 2016-03-04 sanasida arxivlangan). Retrieved on 4 July 2015.
- ↑ Lane, Federico (1959). "Cerambycoidea Neotropica nova V (Coleoptera)". Papéis Avulsos do Departamento de Zoologia 13 (21): 251–264.
- ↑ Bezark, Larry G. A Photographic Catalog of the Cerambycidae of the World: Pseudogrammopsis lineata (Wayback Machine saytida 2016-03-03 sanasida arxivlangan). Retrieved on 4 July 2015.
- ↑ „Cerambycidae (Longhorns)“. titan.gbif.fr. 2022-yil 10-yanvarda asl nusxadan arxivlangan. Qaraldi: 2022-yil 18-fevral.
- ↑ Bezark, Larry G. A Photographic Catalog of the Cerambycidae of the World: Beraba angusticollis (Wayback Machine saytida 2014-04-24 sanasida arxivlangan). Retrieved on 4 July 2015.
- ↑ Bezark, Larry G. A Photographic Catalog of the Cerambycidae of the World: Mionochroma subaurosum (Wayback Machine saytida 2017-10-26 sanasida arxivlangan). Retrieved on 4 July 2015.
- ↑ 10,0 10,1 10,2 10,3 „Зайців Дмитро Варфоломійович — Енциклопедія Сучасної України“. web.archive.org (2021-yil 7-fevral). 2021-yil 7-fevralda asl nusxadan arxivlangan. Qaraldi: 2025-yil 2-may.