Diplomat University
Diplomat University – O‘zbekiston Respublikasida tashkil etilgan xususiy oliy ta’lim muassasasi bo‘lib, Vazirlar Mahkamasi huzuridagi Ta’lim sifatini nazorat qilish Davlat inspeksiyasi tomonidan 20.12.2021 yilda berilgan litsenziyasi asosida faoliyat yuritib kelmoqda.
Tarixi
Diplomat Universityni tashkil etish g‘oyasi ilk bor 2020-yilda paydo bo‘lgan. Ushbu tashabbus zamonaviy ta’lim tizimini rivojlantirish, xalqaro standartlarga mos, raqobatbardosh va chet tillarini chuqur biladigan mutaxassislarni tayyorlash ehtiyojidan kelib chiqqan.
Universitet yaratish g‘oyasining shakllanishida 2017-yilda tashkil etilgan Diplomat International School xususiy maktabi muhim bosqich bo‘ldi. Mazkur maktab qisqa muddatda sifatli ta’lim beruvchi muassasa sifatida tanilib, zamonaviy pedagogik yondashuvlarni amalda qo‘llash tajribasini to‘pladi. 2020-yilda ushbu maktabning ikkinchi filiali ochilishi ham ta’lim tizimini kengaytirish va yanada ko‘proq yoshlarni sifatli ta’lim bilan qamrab olish imkonini berdi. Shu asosda, 2020-yilda ilgari surilgan universitet tashkil etish g‘oyasi 2021-yildan boshlab amaliy bosqichga o‘tdi.
Bugungi kunda Diplomat University xalqaro tajriba va ilg‘or standartlarga asoslangan o‘quv dasturlari, tajribali professor-o‘qituvchilar, diplomatlar ishtiroki hamda talabalarni global mehnat bozoriga tayyorlashga qaratilgan strategiyasi bilan ajralib turadi.
Ta’sischi
Saydamenov Dilshod Xasanovich.
Rektor
Siyosiy fanlar doktori – Mahmudov Umid Behzodovich[sayt ishlamaydi].
Universitet maqsadi
Zamonaviy bilim va ko‘nikmalarga ega, raqobatbardosh va jamiyat rivojiga hissa qo‘sha oladigan yuqori malakali kadrlarni tayyorlash.
Universitetning asosiy vazifalari
- Ta’lim jarayonini xalqaro standartlar asosida tashkil etish va innovatsion metodlarni joriy etish;
- Talabalarda mustaqil fikrlash, ilmiy izlanish va amaliy ko‘nikmalarni shakllantirish;
- Fundamental va amaliy ilmiy tadqiqotlarni rivojlantirish, ularning natijalarini iqtisodiyot va ijtimoiy hayotga tatbiq etish;
- Xalqaro hamkorlikni kengaytirish, qo‘shma ta’lim dasturlari va almashinuv loyihalarini amalga oshirish;
- Professor-o‘qituvchilarning kasbiy salohiyatini oshirish va ilmiy-pedagogik kadrlar tayyorlash tizimini mustahkamlash;
- Talabalarda vatanparvarlik, fuqarolik mas’uliyati va ijtimoiy faollikni oshirish.
Ta’lim jarayoni
Universitet zamonaviy standartlarga muvofiq, ikki bosqichli ta’lim jarayonini amalga oshiradi:
- Birinchi bosqich – bakalavr (kunduzgi ta’lim shaklida, o‘qish muddati 4 yil);
- Ikkinchi bosqich – magistratura (kunduzgi ta’lim shaklida, o‘qish muddati 2 yil).
Dars mashg‘ulotlari o‘zbek, ingliz va rus tillarida olib boriladi hamda fan dasturlari asosida leksiya va seminar ko‘rinishida tashkil etiladi. Darslar katta tajribaga ega bo‘lgan professor-o‘qituvchilar, fan doktorlari, sobiq elchilar, davlat xizmatchilari tomonidan tashkil etiladi. Bugungi kunda universitetda jami 1 500 ga yaqin talaba bakalavriat va magistratura ta’lim mutaxassisliklarida tahsil oladi.
Ta’lim yo‘nalishlari
| T/r | Yo‘nalish nomi | Ta’lim shakli |
|---|---|---|
| Bakalavr mutaxassisliklari bo‘yicha | ||
| 1. | Xalqaro munosabatlar | Kunduzgi |
| 2. | Jahon iqtisodiyoti va xalqaro iqtisodiy munosabatlar | Kunduzgi |
| 3. | Iqtisodiyot | Kunduzgi |
| 4. | Biznesni boshqarish | Kunduzgi |
| 5. | Marketing | Kunduzgi |
| 6. | Bank ishi | Kunduzgi |
| 7. | Buxgalteriya hisobi | Kunduzgi |
| 8. | Axborot tizimlari va texnologiyalari | Kunduzgi |
| 9. | Ingliz filologiyasi | Kunduzgi |
| 10. | Arab filologiyasi | Kunduzgi |
| 11. | Xitoy filologiyasi | Kunduzgi |
| 12. | Psixologiya | Kunduzgi |
| Magistratura mutaxassislikalari bo‘yicha | ||
| 1. | Xalqaro munosabatlar va zamonaviy siyosiy jarayonlar; | Kunduzgi |
| 2. | Raqamli iqtisodiyot; | Kunduzgi |
| 3. | Biznesni boshqarish (MBA); | Kunduzgi |
| 4. | Kompyuter tizimlari va ularning dasturiy ta’minoti | Kunduzgi |
Kafedralar
Ijtimoiy va siyosiy fanlar kafedrasi[sayt ishlamaydi];
Iqtisodiy fanlar va axborot texnologiyalari kafedrasi[sayt ishlamaydi];
Filologiya va tillarni o'qitish kafedrasi[sayt ishlamaydi].
Xalqaro hamkorlik
Universitet xalqaro hamkorlikni kengaytirishga katta e’tibor beradi. Yetakchi xorijiy universitetlar bilan hamkorlik aloqalari o‘rnatilgan bo‘lib, qo‘shma dasturlar, talabalar va professor-o‘qituvchilar almashinuvi, xalqaro konferensiyalar va seminarlar muntazam tashkil etib boriladi. Bu esa talabalarga xalqaro tajribaga ega bo‘lish va global ta’lim makoniga integratsiyalashish imkonini beradi. Bugungi kungacha 20 dan ortiq xorijiy va milliy universitetlar bilan hamkorlik aloqalari o‘rnatilgan:
| Т/r | Hamkor tashkilotning to‘liq nomi | Hamkorlik yo‘nalishlari | Hamkor tashkilot davlati | Hamkorlik o‘rnatilgan sana |
|---|---|---|---|---|
| 1. | Sankt-Peterburg davlat universiteti | 1.Ta’lim va ilmiy tadbirlar, konferensiyalar, seminarlar tashkil etish; akademik va ilmiy almashinuv; 2. Talabalar almashinuvi; 3. Axbort-resurslar almashinuvi; 4.Qo‘shma dasturlar. |
Rossiya | 2022-yil 1-aprel |
| 2. | Qozon (Volga bo‘yi) federal universiteti | 1.Hamkorlikda ilmiy loyihalar; 2.Ta’lim va ilmiy tadbirlar, konferensiyalar, seminarlar tashkil etish; 3.Akademik va ilmiy almashinuv; 4.Talabalar almashinuvi; 5.Axbort-resurslar almashinuvi; qo‘shma dasturlar. |
Rossiya | 2022-yil 2-aprel |
| 3. | Al-Farobiy nomidagi Qozog‘iston milliy universiteti | 1.Hamkorlikda ilmiy loyihalar; 2.Ta’lim va ilmiy tadbirlar, konferensiyalar, seminarlar tashkil etish; 3.Akademik va ilmiy almashinuv; 4.Talabalar almashinuvi; 5.Axbort-resurslar almashinuvi; 6.Qo‘shma dasturlar. |
Qozog‘iston | 2022-yil 6-aprel |
| 4. | Balx davlat universiteti | 1.Akademik, ilmiy va madaniy almashinuv; 2.Hamkorlikda ilmiy tadqiqotlar tashkil etish. |
Afg‘oniston | 2022-yil 5-aprel |
| 5. | Belorussiya davlat universiteti | 1.Hamkorlikda ilmiy loyihalar; ta’lim va ilmiy tadbirlar, konferensiyalar, seminarlar tashkil etish; 2.Akademik va ilmiy almashinuv; talabalar almashinuvi; 3.Axbort-resurslar almashinuvi; 4.Qo‘shma dasturlar ishlab chiqish. |
Belorussiya | 2022-yil 8-aprel |
| 6. | Istanbul tijorat universiteti | 1.Talabalar almashinuvi; 2.O‘zaro seminarlarda ishtirok etish; 3.Axborot almashinuvi |
Turkiya | 2022-yil
14-aprel |
| 7. | Qirg‘iziston xalqaro universiteti | 1.Bolonya tizimiga asoslangan qo‘shma ta’lim dasturlari bo‘yicha tajriba almashish; 2.Talabalar, doktorantlar uchun stajirovka; 3.Erasmus+ ga dasturlariga birgalikda hujjat topshirish; 4.Hamkorlikda amalga oshirilgan ilmiy-tadqiqot loyhalarini amalga oshirish; 5.Hamkorlikda konferensiyalar, axborotlar almashinuvi; 6.PhD izlanuvchilarga hamkorlikda ilmiy rahbarlik qilish; 7.SCOPUS, Web of Science bazalarida indeksatsiyalanuvchi maqolarni hamkorlikda noshirlik qilish. |
Qirg‘iziston | 2022-yil
22-aprel |
| 8. | Tehron universiteti | 1.Hamkorlikda ilmiy izlanishlar olib borish; 2.Innovatsion ta’lim texnologiyalarini hamkorlikda yaratish; 3.Professor-o‘qituvchilar almashinuvi; 4.Hamkorlikda noshirlik, o‘quv adabiyotlar bilan almashinish; 5.Hamkorlikda konferensiyalar va seminarlar tashkil etish; 6.Talabalar almashinuvi. |
Eron | 2022-yil
26-aprel |
| 9. | Islom Malang universiteti | 1.Hamkorlikda konferensiyalar, ko‘rgazmalar, seminarlar, simpoziumlar, madaniy dasturlarni tashkil etish; 2.Nashrlar va ilmiy ma’lumotlar almashish; 3.Hamkorlikda ilmiy noshirlik qilish; 4.Qo‘shma kurslar, o‘quv dasturlar, qo‘shma loyihalar tashkil etish; 4.Akademik almashinuvlar tashkil etish; 5.Magistrantlarga va ilmiy tadqiqodchilarga qo‘shma rahbarlik. |
Indoneziya | 2022-yil
28-aprel |
| 10. | Xitoy Lyaonin pedagogika universiteti | 1.Hamkorlikdagi ilmiy izlanishlar; 2.Innovatsion ta’lim texnologiyalarni hamkorlikda yaratish; 3.Professor-o‘qituvchilar almashinuvi; 3.Hamkorlikda noshirlik; 4.O‘quv adabiyotlar va axborot resurslar bilan almashish; 5.Hamkorlikda konferensiyalar va seminarlar tashkil etish; 6.Talabalar almashinuvlarini tashkil etish. |
Xitoy | 2022-yil
22-aprel |
| 11. | Etvosh Loran nomidagi Budapesht universiteti | 1.Tadqiqotlar almashinuvi; 2.Talabalar, professor-o‘qituvchilar almashinuvi; 3.Konferensiyalar, ma’ruza va seminarlar tashkil etish |
Vengriya | 2022-yil 30-may |
| 12. | Kyong sang universiteti | 1.Hamkorlikda o‘quv darslarni tashkil etish; 2.Talabalar va professor-o‘qituvchilar akademik almashinuvi; 3.Malaka oshirish; 4.Qo‘shma konferensiyalar, ma’ruza va seminarlar tashkil etish. |
Janubiy Koreya | 2022-yil 31-may |
| 13. | Xelvan universiteti | 1.Akademik, ilmiy va madaniy almashinuvlar tashkil etish; 2.Hamkorlikda ilmiy tadqiqotlar olib borish; 3.Hamkorlikda loyihalar tashkil etish; 4.Qo‘shma dasturlar ishlab chiqish. |
Misr | 2022-yil 7-iyun |
| 14. | Panjob universiteti | 1.Konferensiya, ma’ruza, seminarlar tashkil etish; 2.Talabalar almashinuvi; 3.Tajriba almashinuvi; 4.Xalqaro dasturlar bo‘yicha hamkorlik. |
Pokiston | 2022-yil 5-iyul |
| 15. | Penjikentdagi Tojikiston pedagogika universiteti | 1.Professor-o‘qituvchilar almashinuvi, 2.O‘quv adabiyotlar almashinuvi. |
Tojikiston | 2022-yil 12-iyul |
| 16. | Xazar universiteti | 1.Professor-o‘qituvchilar va talabalar almashinuvi; 2.Madaniy almashinuv; 3.Qo‘shma tadqiqotlar; 4.Qo‘shma diplom dasturlari; 5.Qisqa muddatli o‘quv dasturlari, loyhalar; 6.Tajriba almashish; 7.Konferensiyalar, ma’ruza va seminarlarni tashkil etish; 8.Aspirantura, magistratura bo‘yicha akademik nazorat. |
Ozarbayjon | 2022-yil
10-oktyabr |
| 17. | Toshkent davlat sharqshunoslik universiteti | 1.O‘quv rejalar, fan dasturlari, o‘quv adabiyotlarni, malakali kadrlarni o‘quv jarayoniga jalb qilish, talabalar stajirovkasi; 2.Hamkorlikda ilmiy-tadqiqot ishlarini amalga oshirish; 3.Hamkorlikda konferensiyalar va seminarlar tashkil etish. |
O‘zbekiston | 2023-yil 17-mart |
| 18. | O‘zbekiston yoshlar ittifoqi | 1.Diplomat University da tahsil olayotgan bir guruh talaba yoshlarni O‘zbekiston yoshlar ittifoqining boshlang‘ich tashkilotini tuzish to‘g‘risida | O‘zbekiston | 2023-yil 3-may |
| 19. | Xebey pedagogika universiteti | 1.Talabalar va o‘qituvchilar almashinuvi; 2.Qo‘shma tadqiqotlar olib borish; |
Xitoy | 2023-yil
25-dekabr |
| 20. | Jahon va milliy iqtisodiyot universiteti | 1.Professor-o‘qituvchilar va talabalar almashinuvi; 2.Ta’lim dasturlari; 3.Hamkorlikda ilmiy tadqiqotlar olib borish; 4.Professor-o‘qituvchilarni malakasini oshirish; 3.O‘quv qo‘llanmalar va uslubiy materiallarni yaratish va tarjima qilish; 4.Hamkorlikda konferensiyalar, seminarlar, simpoziumlar tashkil etish; 5.Talabalar almashinuvi; hamkorlikda noshirlik qilish. |
Bolgariya | 2024-yil 8-fevral |
| 21. | Saudiya Arabiston Axborot va arab-rus tadqiqotlari markazi | Qo‘shma ta’lim dasturlarni ishlab chiqish | Saudiya Arabiston | 2024-yil
27-oktyabr |
| 22. | CYBER-BRO MChJ | 1.Talabalarning bilim va ko‘nikmalarini oshirish; 2.Ta’lim dasturlari, ilmiy tadqiqodlar bo‘yicha hamkorlik qilish; 3.Professor-o‘qituvchilarning malakasini oshirish; 3.O‘quv qo‘llanmalar va uslubiy materiallarni yaratish va tarjima qilish; 4.Hamkorlikda konferensiyalar, seminarlar, simpoziumlar tashkil etish; 5.Talabalar almashinuvi; hamkorlikda noshirlik qilish. |
O‘zbekiston | 2024-yil
27-noyabr |
| 23. | Mintaqaviy rivojlanish va Oliy biznes maktabi | 1.Professor-o‘qituvchilar va talabalar almashinuvi; 2. Madaniy almashinuv; 3.Qo‘shma tadqiqotlar; 4.Qo‘shma diplom dasturlari; 5.Qisqa muddatli o‘quv dasturlari, loyihalar; 6.Konferensiyalar, ma’ruza va seminarlarni tashkil etish; 7.Aspirantura, magistratura bo‘yicha akademik nazorat. |
Bolgariya | 2025-yil
24-yanvar |
| 24. | O‘zbekistonda Shanxay Hamkorlik Tashkilotining Xalq diplomatiyasi markazi | 1.Tashkilot faoliyati doirasida talabalarning amaliyot o‘tashi; 2. Xalq diplomatiyasi bo‘yicha maxsus kurslar tashkil qilish; 3. Madaniyat markazlari, NNTlar bilan qo‘shma loyihalarda ishtirok etish. |
O‘zbekiston | 2025-yil
19-aprel |
Kontrakt narxlari
| T/r | Yo‘nalishlar | Ta’lim shakli | |
|---|---|---|---|
| Kunduzgi | Kunduzgi chegirma bilan | ||
| Bakalavr | |||
| 1 | Xalqaro munosabatlar | 24 000 000 | 19 200 000 |
| 2 | Jahon iqtisodiyoti va xalqaro iqtisodiy munosabatlar | 24 000 000 | 19 200 000 |
| 3 | Iqtisodiyot | 24 000 000 | 19 200 000 |
| 4 | Biznesni boshqarish | 24 000 000 | 19 200 000 |
| 5 | Marketing | 19 000 000 | 17 100 000 |
| 6 | Bank ishi | 19 900 000 | 17 910 000 |
| 7 | Buxgalteriya hisobi | 19 900 000 | 17 910 000 |
| 8 | Axborot tizimlari va texnologiyalari | 24 000 000 | 19 200 000 |
| 9 | Ingliz filologiyasi | 18 000 000 | 16 200 000 |
| 10 | Arab filologiyasi | 18 000 000 | 16 200 000 |
| 11 | Xitoy filologiyasi | 18 000 000 | 16 200 000 |
| 12 | Psixologiya | 18 000 000 | 14 400 000 |
| Magistratura | |||
| 1 | Xalqaro munosabatlar va zamonaviy siyosiy jarayonlar | 30 000 000 | 27 000 000 |
| 2 | Raqamli iqtisodiyot | 25 000 000 | 22 500 000 |
| 3 | Biznesni boshqarish (MBA) | 25 000 000 | 22 500 000 |
| 4 | Kompyuter tizimlari va ularning dasturiy ta’minoti | 25 000 000 | 22 500 000 |
Qo‘shimcha ma’lumotlar
Diplomat University ta’lim jarayoniga innovatsion usullarni joriy etgan. Elektron platformalar, raqamli boshqaruv tizimlari va zamonaviy ta’lim texnologiyalaridan keng foydalaniladi. Bu esa o‘qitish jarayonida shaffoflikni ta’minlash, korrupsiyasiz muhit yaratish va har bir talabaning individual yondashuv asosida bilim olish imkoniyatini kengaytirishga xizmat qiladi.
Talabalarga rag‘bat sifatida Universitetda grant va chegirma tizimi yo‘lga qo‘yilgan. O‘qish davomida a’lo baholarga o‘zlashtiradigan hamda universitet tashkiliy faoliyatida faol talabalar moddiy rag‘batlantirish asosida Grand yutish va kontraktdan chegirmaga ega bo‘lishlari mumkin.
Diplomat University talabalarning ijtimoiy-madaniy hayotiga ham katta e’tibor qaratadi. Universitet qoshida turli ilmiy to‘garaklar, madaniy tadbirlar, sport musobaqalari va talabalar klublari faoliyat yuritadi. Bu jarayon talabalar shaxs sifatida shakllanishida, ularning liderlik, tashabbuskorlik va jamoada ishlash ko‘nikmalarini rivojlantirishga yordam beradi.
Manzil
O‘zbekiston, 100047, Toshkent, Sayilgoh ko‘chasi 1, Diplomat University.