Deir Sharqiy
Deir Sharqiy دير شرقي | |
|---|---|
| Qishloq | |
| Mamlakat | Suriya |
| Muhofaza | Idlib |
| Okrug | Maarrat an-Nuʼman okrugi |
| Nohiya | Maarrat an-Nuʼman nohiyasi |
| Aholisi (2004) |
4 429 |
| Vaqt mintaqasi | UTCEET +2; +3 |
Deir Sharqiy (arabcha: دير شرقي, shuningdek Dayr ash-Sharqiy), tarixiy nomi Dayr an-Naqira yoki Dayr Simʼan, Suriya shimoli-gʻarbidagi Idlib muhofazasiga tegishli boʻlgan qishloq. Mantiqa markazi Maarrat an-Nuʼman qishloqdan 5 kilometr (3.1 mi) shimoli-gʻarbda, shimolda Maar Shamsha, shimoli-sharqda Maar Shamarin va Tell Mannas, sharqda Jarjnaz, janubda at-Tah, janubi-gʻarbda Hish, gʻarbda esa Basqala, Hass va Kafr Nabl joylashgan. Suriya Markaziy Statistika Byurosi (CBS) maʼlumotlariga koʻra, 2004-yil aholini roʻyxatga olishda Deir Sharqiy aholisi 4 429 kishini tashkil qilgan[1].
Deir Sharqiyda 361-yil, Vizantiya davriga oid cherkov mavjud. Binodan diqqatga sazovor mozaika topilgan[2]. Deir Sharqiy oʻtmishda Dayr an-Naqira nomi bilan mashhur boʻlib, bu nom yaqin atrofdagi tepalik nomi edi. Tarixchi Irfan Shahid nazariyasiga koʻra, bu qishloq 4-asrda Tanuxiylar barpo etgan aholi punkti boʻlib, uning nomi Iroqdagi Naqira (yoki Nuqayra) nomidan olingan. Iroqdagi aholi punkti ham Tanux va boshqa arab qabilalari tomonidan oʻzlashtirilgandi[3]. Dayr an-Naqira oʻz navbatida Umaviy xalifa Umar II vafot etgan va dafn etilgan Dayr Sim’on qishlogʻi deb hisoblanadi[4]. Dayr an-Naqirada, Umar II bilan bir maqbarada 12-asrda yashagan musulmon zohidi Abu Zakariya Yahyo ibn al-Mansur al-Magʻribiy ham dafn etilgan. Uning qabrini Salohiddin ziyorat qilgan edi. Abu Zakariya qishloqda tanho yashagan[5]. Inshoot qurilgan sana nomaʼlum. Taxminan 1970-yilda Suriya hukumati bu joyda rejalashtirilgan taʼmirlash ishlari tugagunga qadar Umar nomi yozilgan qabrtoshni qishloq muxtarining uyiga koʻchirgan edi[4]. Qabrlar Suriya fuqarolar urushi davrida vayron qilingan[6].
Manbalar
- ↑ General Census of Population and Housing 2004 (Wayback Machine saytida 2013-02-06 sanasida arxivlangan). Syria Central Bureau of Statistics (CBS). Idlib Governorate. (arabcha)
- ↑ Campbell, 1991, p. 29.
- ↑ Shahid 2006, s. 434, note 78.
- ↑ 4,0 4,1 Dickie 1972, s. 80.
- ↑ Morray 1994, s. 80.
- ↑ „ar:مشاهد صادمة.. ميليشيا أسد تنبش ضريح الخليفة "عمر بن عبد العزيز" وزوجته بإدلب“ (Arabic). orient-news.net (2020-yil 27-may).
Adabiyotlar
- Campbell, Sheila Diana. The Mosaics of Aphrodisias in Caria: The Corpus of Mosaic Pavements in Turkey 2. PIMS, 1991. ISBN 0888443676.
- Dickie, James (January 1972). "Appendix on the Tomb of Umar b. Abd al-Aziz". Islamic Quarterly 16 (1). https://www.proquest.com/openview/4702781041740f53da64003061e552f0/1?pq-origsite=gscholar&cbl=1818767.
- Morray, D. W.. An Ayyubid Notable and His World: Ibn Al-ʻAdīm and Aleppo as Portrayed in His Biographical Dictionary of People Associated with the City. Leiden, New York and Koln: Brill, 1994. ISBN 90-04-09956-5.
- Shahid, Irfan. Byzantium and the Arabs in the Fourth Century. Washington, D. C.: Dumbarton Oaks Research Library and Collection, 2006. ISBN 0-88402-116-5.
.svg){kind=small} | Suriya geografiyasiga oid ushbu maqola chaladir. Siz uni boyitib, ZiyoSferaga yordam berishingiz mumkin. |