Davlat apparati
Davlat apparati (inglizcha - mashinery of government) — turlari va darajalariga bogʻliq boʻlmagan holda davlatning barcha organlari majmui. Davlat apparati- bir-biri bilan oʻzaro bogʻliq boʻlgan, muayyan tizimga birlashgan va jamiyat oldida turgan vazifalarni bajarishga safarbar etilgan davlat organlari majmuidan iborat. Davlat apparati yaxlit davlat mexanizmining tarkibiy qismi hisoblanadi. Davlat apparatining faoliyat mazmuni, uning faoliyatini tashkil etishning prinsiplari, xodimlar tarkibi, ish yuritish shakli va uslublari davlatning tegishli funksiyalarini maromida amalga oshirish ehtiyojlari bilan belgilanadi. Davlat apparati— konstitutsiyaviy huquq fanida davlat hikimiyati va davlat vazifalarini amalga oshiradigan organlar tizimi.
Davlat apparati quyidagi belgilar bilan tasniflanadi: a) u boshqaruv bilan shugʻullanuvchi alohida odamlar guruhidir; b) davlat hokimiyatini tashkil etishga vakolatli boʻlgan va oʻzaro boʻysunish (ierarxiya) asosida bogʻlangan davlat organlarini va muassasalari tizimidir; d) oʻz irodasi va vakolatlarini amalga oshirish uchun unda zarur vositalar(mablagʻ) va majburlash quroli(mexanizm)lari mavjud.
Davlat oldida turgan vazifalarini (funksiyalarini) bajarish uchuun tashkil etiladi. Ana shu vazifa va funksiyalar davlat organlarining turlari va tabiatini belgilab beradi. Davlat apparati malakali, oqilona, kamxarj va samarali ishlovchi boʻlib, jamiyat manfaatlariga xizmat qilishi kerak.
Davlat apparati(maʼmuriyati)— barcha davlat organlari, yaʼni qonun chiqaruvchi(vakillik), ijro etuvchi va sud hokimiyati organlari majmuidir. Davlat apparatini keng izohlash ham mumkin. Bunda ana shu tushunchaga faqat davlat organlarining oʻzi emas, balki davlat muassasalarining maʼmuriyati ham qamrab olinadi. [1]
Davlat apparati hukumatning ijro etuvchi hokimiyatdagi boʻlinmalarning funktsiyalari va hisobdorligi kabi oʻzaro bogʻlangan tuzilmalari va jarayonlarini anglatadi. Bu atama, xususan, davlat boshqaruvining oʻrnatilgan tizimlariga kiritilgan oʻzgartirishlar kontekstida qoʻllanadi, bu yerda turli xil mexanizm elementlari mavjud [Masalan, 2006 yil 5 maydagi 10-sonli matbuot xabarnomasi yangi hukumatning yaratilishini eʼlon qilishda "Davlat oʻzgarishlarining mexanizmi" deb nomlangan. Britaniya hukumati departamenti, [1] (Wayback Machine saytida 2003-04-02 sanasida arxivlangan) 2006 yil 12-iyun.[2]
- ↑ O'zbekiston yuridik ensiklopediyasi.2009 — 100-bet-bet.
- ↑ „Machinery of government“. en-academic.com. Qaraldi: 2023-yil 20-sentyabr.