Daniil Yeybog
| Daniil Yeybog | |
|---|---|
 | |
| Shaxsiy maʼlumotlari | |
| Fuqaroligi |
 Rossiya →  Oʻzbekiston |
| Tavallud sanasi |
1997-yil 20-mart Olenegorsk, Murmansk viloyati, Rossiya |
| Sport | |
| Mamlakat |
Oʻzbekiston |
| Qaysi sport | Konkida yugurish sporti |
| Pozitsiyasi | 500 m, 1000 m, 1500 m, 3000 m |
| Medal soni | ||
|---|---|---|
| Short-trek | ||
| Oʻzbekiston vakili
| ||
| Yevropa chempionati | ||
| Oltin | 2020 Debretsen | 5000 m estafeta |
| Bronza | 2021 Gdańsk | 5000 m estafeta |
| Butunjahon harbiy oʻyinlari | ||
| Oltin | 2017 Sochi | 3000 m aralash |
| Jahon universiada o‘yinlari | ||
| Kumush | 2019 Krasnoyarsk | 5000 m estafeta |
Daniil Olegovich Yeybog (1997-yil 20-mart; Olenegorsk, Murmansk viloyati, Rossiya) – rossiyalik short-trek konkichi, 2024-yildan boshlab xalqaro turnirlarda Oʻzbekiston sharafini himoya qilmoqda. Estafeta yoʻnalishida 2020-yilgi Yevropa chempionati chempioni va 2021-yilgi Yevropa chempionati bronza medali sohibi[1]. Shuningdek, 2022-yilda Pekin shahrida boʻlib oʻtgan Qishki Olimpiya oʻyinlari ishtirokchisi hisoblanadi.
Hayoti
Daniil Yeybog 1997-yil 20-martda Murmansk viloyatining Olenegorsk shahrida tugʻilgan. Yetti yoshida sport gimnastikasi bilan shugʻullanish istagi paydo boʻlgan, biroq Olenegorskda bunday sport seksiyasi mavjud emas edi. Shundan soʻng u konkida yugurish bilan shugʻullanishni sinab koʻrgan. Uning birinchi murabbiyi Eduard Sultanov boʻlgan.
2009-yilda murabbiyining taklifiga binoan Tver shahriga koʻchib oʻtgan. Bu yerda short-trek yoʻnalishi bilan shugʻullana boshlagan. U Olimpiya zaxiralari ixtisoslashtirilgan bolalar-oʻsmirlar sport maktabi hamda CSKA sport klubi tarkibida faoliyat yuritgan.. Harbiy xizmatni oʻtagan. Shundan soʻng Smolensk sport va turizm akademiyasiga oʻqishga kirgan.
2015-yilda xalqaro toifadagi sport ustasi unvoniga sazovor boʻlgan. 2017-yil short-trek yoʻnalishida 500 metr masofaga konkida yugurish boʻyicha Rossiya chempioni boʻlgan. Shu yilning oʻzida Butunjahon harbiy oʻyinlarida gʻolib boʻlgan. 2018-yilda Rossiya chempionatining 5000 metr estafeta bahslarida kumush medalni qoʻlga kiritgan[2]. 2019-yilgi Universiadada kumush medal sovrindori boʻlgan[3].
2019-yil 2-noyabrda Rossiya terma jamoasi tarkibida short-trek boʻyicha Jahon kubogining birinchi bosqichida aralash estafetada oltin medalni qoʻlga kiritgan. Ertasi kuni Solt-leyk-siti shahrida erkaklar oʻrtasidagi 5000 metr estafeta yoʻnalishida gʻolib boʻlgan.
2020-yilda Vengriyada oʻtkazilgan Yevropa chempionatida estafeta jamoasi tarkibida oltin medal sohibiga aylangan. Bir yil oʻtib, Gdansk shahrida oʻtkazilgan qitʼa chempionatida erkaklar estafetasida bronza medalni qoʻlga kiritgan.
2022-yil fevral oyida Pekinda oʻtkazilgan Qishki Olimpiya oʻyinlarida ishtirok etgan. U 1500 metr masofada start olgan, biroq yarim final bosqichiga yoʻllanma ololmagan[4].
Gitara chaladi, musiqa bastalaydi[5].
2024-yilda sport fuqaroligini Oʻzbekiston terma jamoasiga oʻzgartirgan, bunda xalqaro musobaqalarda ikki yillik cheklov (karantin) sharti qoʻllanilgan[6].
Manbalar
- ↑ „O‘zbekiston jamoasi a’zosi Daniil Yeybog qishki Olimpiadaning yana bir litsenziyasini qo‘lga kiritdi“. www.gazeta.uz. Qaraldi: 14-fevral 2026-yil.
- ↑ „ЕЙБОГ Даниил Олегович | Российские спортсмены и специалисты | Спортивная Россия“ (ru). www.infosport.ru. 2022-yil 19-fevralda asl nusxadan arxivlangan. Qaraldi: 2022-yil 19-fevral.
- ↑ „Ейбог Даниил Олегович“. cska.ru. 2022-yil 19-fevralda asl nusxadan arxivlangan. Qaraldi: 2022-yil 19-fevral.
- ↑ Андрей Крылов. „Не было бы счастья, если не ковид: Ейбог стал третьим тверским конькобежцем на Олимпиаде — Tverisport“ (ru). tverisport.ru. 2022-yil 19-fevralda asl nusxadan arxivlangan. Qaraldi: 2022-yil 19-fevral.
- ↑ „Работа по плану и боевой настрой: рассказываем о спортсменах из Петербурга, представляющих Россию в Пекине“ (ru). spbdnevnik.ru. 2022-yil 19-fevralda asl nusxadan arxivlangan. Qaraldi: 2022-yil 19-fevral.
- ↑ „Союз конькобежцев России одобрил переход двух шорт-трекистов в сборную Узбекистана“ (ru). TACC. Qaraldi: 2025-yil 19-oktyabr.