Kontent qismiga oʻtish

Daniela Di Toro

ZiyoSfera, erkin ensiklopediya
Daniela Di Toro
Toʻliq ismi Lisa Daniela Di Toro
Mamlakat Avstraliya bayrogʻi Avstraliya
Istiqomat joyi Melbourne, Viktoriya
Tugʻilishi 1974-yil 16-oktyabr (1974-10-16) (51 yosh)
Melbourne, Viktoriya
Professionallik 1988-yil
Ishlatadigan qoʻli Oʻng qoʻl
Yakkalik bahslar
Eng yuqori pozitsiyasi No. 1 (1998-yil 14-iyul)
„Katta dubulgʻa“ turniri yakkalik bahslari natijalari
Australian Open F (2002, 2003, 2004, 2011)
French Open SF (2010)
US Open F (2010)
Boshqa turnirlar
Juftlik bahslari
Eng yuqori pozitsiyasi No. 1 (1997-yil 20-may)
„Katta dubulgʻa“ turniri juftlik bahslari natijalari
Australian Open F (2010)
French Open W (2010)
Wimbledon F (2009, 2010)
US Open F (2009, 2010)
Soʻnggi marta yangilandi: 2012-yil 29-yanvar.

Lisa Daniela „Danni“ Di Toro (1974-yil 16-oktyabrda tugʻilgan) — avstraliyalik nogironlar aravachasidagi tennischi va para stol tennischisi[1][2]. Di Toro Fransiya ochiq chempionatining 2010-yilgi juftlik bahslari chempioni hamda Masters turnirining juftlik chempioni hisoblanadi. Yakkalik bahslarida Di Toro dunyoning sobiq birinchi raqamli tennischisi va ikki karra Masters finalchisi boʻlgan. 2015-yilda u para stol tennisiga oʻtdi va Avstraliya sharafini 2016-yilgi Yozgi Paralimpiya oʻyinlarida himoya qilgan. U yerda Kurt Fearnley bilan birga jamoa sardori boʻlgan[3]. 2020-yilgi Yozgi Paralimpiada oʻyinlarida (uning yettinchi Paralimpiadasi) u jamoa sardori va Ryley Batt bilan birga ochilish marosimida bayroqdor boʻlgan. Sportchi Parijda oʻzining sakkizinchi Paralimpiya oʻyinlarida ishtirok etgan.

Shaxsiy hayoti

Daniela Di Toro 1974-yil 16-oktyabrda Melburnda (Viktoriya shtati) tugʻilgan. U 1988-yilda maktabdagi suzish musobaqasi paytida sodir boʻlgan baxtsiz hodisa natijasida devor ustiga qulab tushishi sababli paraplegiya (oyoqlari falajlanishi) holatiga tushib qolgan[4][5]. Shifoxonada yotganida Di Toro Avstraliya nogironlar aravachasidagi basketbol terma jamoasi aʼzosi Sandy Blythe bilan uchrashgan. U Di Toroni sport bilan shugʻullanishda davom etishga ilhomlantirgan. Di Toro Melburnning Tornberi shahar atrofida yashaydi va Melburnda yoshlar bilan ishlovchi mutassis boʻlib faoliyat yuritadi[6]. U 2009-yilda Viktoriya universitetini Xitoy tabobati bakalavri darajasi bilan tamomlagan[5].

2017-yilda u Avstraliya Paralimpiya qoʻmitasining sportchilar bilan hamkorlik va farovonlik boʻyicha mas’ul xodimi hamda Sportchilar komissiyasining rais oʻrinbosari etib tayinlangan[7].

Nogironlar arabachasidagi tennis

Ilgari men har doim oʻz musobaqalarimga shunchalik berilib ketar edimki, doʻstlarimning bahslarini tomosha qilish va odamlar Paralimpiya oʻyinlarida nimani his qilishlarini tushunish imkoniyatini qoʻldan boy berar edim. Bu juda ajoyib tuygʻu.
—Daniela Di Toro[4]

Nogironlar aravachasidagi tennisda Di Toro T12/L1 paraplegiya toifasiga kiradi. U ilk bor toʻqqiz yoshida tennis oʻynashni boshlagan. Nogironlar aravachasidagi tennis bilan 1988-yilda shugʻullana boshlagan va 1989-yildan Avstraliya sharafini himoya qilishga kirishgan. 1991-yilda Avstraliya ochiq chempionatida gʻolib chiqqan — bu uning ushbu turnirdagi ikkita unvonidan birinchisi boʻlgan. Xalqaro miqyosda u dunyoning birinchi raqamli tennischisi darajasigacha koʻtarilgan[4]. Sportchi Viktoriya sport institutining stipendiyasi sohibasi boʻlgan[8]. Professional tennischi sifatida Di Toro uch yuzdan ortiq uchrashuvda gʻalaba qozongan. Unga Greg Crump murabbiylik qilgan[6]. U Tennis markazida va Nunavadingda mashgʻulot oʻtkazgan[8]. Sportchining klubdagi tennis faoliyati Wheelchair Sport Victoria bilan bogʻliq[8].

2010-yilgi mavsum oxirida Di Toro dunyo reytingida ikkinchi oʻrinni egallagan. 2010-yilgi mavsumda u Avstraliya ochiq chempionatida chorak finalga, Fransiya ochiq chempionatida yarim finalga va AQSh ochiq chempionatida finalga yetib borgan. 2010-yilda u Yaponiya ochiq chempionati va Koreya ochiq chempionatida gʻolib chiqqan[9]. 2010-yilda Di Toro toʻrtta yirik tennis musobaqasining ayollar oʻrtasidagi juftlik bahslarida ishtirok etgan. Uning sheriklari Buyuk Britaniyalik Lucy Shuker va Gollandiyalik Aniek Van Koot boʻlgan[10]. Di Toro 2011-yilda jarohat olgan hamda boʻyin umurtqasi yalligʻlanishi sababli Fransiya va Koreya ochiq chempionatlarini oʻtkazib yuborishga majbur boʻlgan. Jarohat Yaponiya ochiq chempionatida ishtirok etayotganda sodir boʻlgan boʻlib, u umurtqalararo disk churrasi edi[11].

Paralimpiya oʻyinlari

Di Toro nogironlar aravachasidagi tennischi sifatida ketma-ket 4 ta Paralimpiya oʻyinlarida qatnashgan: 1996-yil Atlantada, 2000-yil Sidneyda, 2004-yil Afinada va 2008-yil Pekinda[4]. U 2000-yilgi Sidney oʻyinlarida ayollar oʻrtasidagi juftlik bahslarida Branka Pupovac bilan birga kumush medalni qoʻlga kiritgan[12]. 2004-yilgi oʻyinlarda esa ayollar oʻrtasidagi yakkalik bahslarida bronza medaliga ega chiqqan. Sportchi 2008-yilgi Paralimpiada oʻyinlarida ishtirok etgan hamda Avstraliya terma jamoasidagi yagona ayol nogironlar aravachasidagi tennischi boʻlgan[4].

Di Toro 2012-yilgi London Paralimpiada oʻyinlarida

Kobe Open

Di Toro 2003-yilda Kobe Open musobaqasida ayollar oʻrtasidagi yakkalik bahslarida gʻalaba qozongan[8].

Sportdan tanaffus

2005-yilda Di Toro Xitoy tabobatini oʻrganishga koʻproq vaqt ajratish uchun professional tennisdagi faoliyatini yakunlagan. U faoliyatini 2 marta AQSh ochiq chempionati chempioni unvoni, 2000-yilgi Nogironlar aravachasidagi tennis Masters juftlik chempionligi hamda Paralimpiya oʻyinlarining kumush va bronza medallari bilan yakunlagan. 2005-yilda nafaqaga chiqqanidan soʻng ham u yosh tennischilarga murabbiylik qilish orqali nogironlar aravachasidagi tennis hamjamiyatida faol boʻlishda davom etgan.

Katta sportga qaytish

2007-yil yanvar oyida Di Toro professional tennisga qaytdi hamda Avstraliya ochiq chempionatining Super Series turnirida ishtirok etdi va birinchi bosqichda imkoniyatni boy berdi. U juftlik bahslarida koʻproq muvaffaqiyatga erishdi va sherigi Lucy Shuker bilan yarim finalgacha yetib bordi. U nafaqadan qaytganidan soʻng ilk bor 2009-yilda Uimbldon finaliga chiqdi. Keyinchalik u ketma-ket 6 ta finalda oʻynadi, jumladan |2010-yilgi Fransiya ochiq chempionatida Esther Vergeer va Sharon Walravenni magʻlub etib gʻolib boʻldi. Shuningdek, u yakkalik bahslarida ikkita finalda — 2010-yilgi AQSh ochiq chempionati va 2011-yilgi Avstraliya ochiq chempionatida ishtirok etdi. 2010-yilda u Nogironlar aravachasidagi tennis Masters turnirining yakkalik bahslarida finalga yetib bordi.

Para stol tennisi

U Para table tennisida 4-sinf toifasidagi stol tennischisidir. 2015-yil aprel oyida Di Toro Xalqaro stol tennisi federatsiyasi Okeaniya Para stol tennisi chempionatida C3-5 musobaqasida ustunlik qildi. Bu uning nogironlar aravachasidagi tennisdan para stol tennisiga oʻtgandan keyingi birinchi xalqaro musobaqasi edi[13].

2016-yilgi Yozgi Paralimpiya oʻyinlarida u Ayollar oʻrtasidagi 4-sinf yakkalik bahslarida ikkala uchrashuvda ham magʻlub boʻldi va keyingi bosqichga oʻta olmadi[14]. Darvinda boʻlib oʻtgan 2019-yilgi Okeaniya para stol tennisi chempionatida u ayollar oʻrtasida 2–5 sinf bahslarida oltin medalni qoʻlga kiritdi[15].

2020-yilgi Yozgi Paralimpiada oʻyinlari u Ayollar oʻrtasidagi 4-sinf yakkalik bahslarida ikkala uchrashuvda magʻlubiyatga uchradi va guruhdan chiqa olmadi[16].

Di Toro 2022-yilgi Hamdoʻstlik oʻyinlarida Ayollar oʻrtasidagi C3-5 yakkalik bahslarida qatnashdi, biroq guruh bosqichidan oʻta olmadi. U 2024-yilgi Yozgi Paralimpiada oʻyinlarida Ayollar oʻrtasidagi 4-sinf yakkalik hamda 10-sinf juftlik bahslarida qatnashdi, biroq dastlabki uchrashuvlardagi magʻlubiyatdan soʻng bahslarni tark etdi.

Eʼtirof va mukofotlar

Tokio Paralimpiadasining ochilish marosimida Avstraliya bayrogʻini birgalikda koʻtarishlari haqidagi eʼlonda jamoa sardorlari Daniela di Toro va Ryley Batt
Tokio Paralimpiya oʻyinlarining ochilish marosimida Avstraliya bayrogʻini birgalikda koʻtarishlari haqidagi eʼlonda jamoa sardorlari Daniela di Toro va Ryley Batt

1999-yilda Di Toro „Avstraliyada yilning eng yaxshi Paralimpiyachisi“ deb topildi[4]. 2000-yilda u Avstraliya sport medali bilan taqdirlandi[17], 2001-yilda esa „Yilning eng yosh Viktoriyalik sportchisi.“ deb eʼlon qilindi[18]. 2010-yilda u Tennis Australia tomonidan „Imkoniyati cheklangan eng taniqli sportchi“ nominatsiyasiga koʻrsatildi[9]. Sportchi 2016-yilgi Yozgi Paralimpiya oʻyinlarida Avstraliya terma jamoasiga Kurt Fearnley bilan birga sardor etib tayinlandi[19]. 2019-yil noyabr oyida Ryley Batt hamda Daniela di Toro 2020-yilgi Tokio Paralimpiya oʻyinlarida Avstraliya terma jamoasining ham-sardorlari etib tayinlandilar[20]. 2021-yil 23-avgustda di Toro va Batt 2020-yilgi Tokio Paralimpiya oʻyinlarida Avstraliya terma jamoasi bayroqdorlari sifatida eʼlon qilindi[21]. 2022-yilda u Avstraliya Paralimpiya qoʻmitasining Prezident mukofoti bilan taqdirlandi[22].

Turnirlardagi natijalar xronologiyasi

Qisqartma
Gʻ  F  YF ChF #R DB Q# P# DNQ A Z# PO O K B MTE NTI P NH
(W) gʻolib; (F) finalchi; (YF) yarim finalchi; (ChF) chorak finalchi; (#R) raundlar: 4, 3, 2, 1; (DB) davra bosqichi; (S#) saralash bosqichi; (P#) dastlabki tur; saralashdan oʻta olmagan; (A) qatnashmagan; (Z#) Davis/Fed kubogi l-zona guruhi (tartibi bilan) yoki (PO) pley-off; (G) oltin, (S) kumush yoki (B) bronza Olimpiya/Paralimpiya medali; (MTE) Master musobaqasi emas; (TIE) Tier I musobaqasi emas; § qoldirilgan; (NH); (SR) moʻljal olish darajasi (yutgan / musobaqalashgan tadbirlar); (W–L) gʻalaba-magʻlubiyat qaydi.

**Chalkashliklarning oldini olish uchun ushbu jadvalga faqat 2002-yildan keyin Katta dubulgʻa kortlarida boʻlib oʻtgan musobaqalar kiritilgan.

Nogironlar arabachasidagi yakkalik bahslari

Turnir 1996 1997 1998 1999 2000 2001 2002 2003 2004 2005 2006 2007 2008 2009 2010 2011 2012
Katta dubulgʻa turnirlari
Australian Open Oʻtkazilmagan F[23] F[24] F[25] Ishtirok etmagan 1R[26] 1R[27] YF[28] ChF F ChF
French Open Oʻtkazilmagan Ishtirok etmagan YF A A
US Open Oʻtkazilmagan Ishtirok etmagan NH ChF F CHF NH
Yil yakunlari boʻyicha chempionat
Wheelchair Tennis Masters F[29] YF[30] A SF[31] DB Ishtirok etmagan YF F DB
Milliy vakillik
Paralimpiya oʻyinlari YF Oʻtkazilmagan ChF Oʻtkazilmagan YF-B Oʻtkazilmagan 1R Oʻtkazilmagan

Nogironlar arabachasidagi juftlik bahslari

Turnir 1996 1997 1998 1999 2000 2001 2002 2003 2004 2005 2006 2007 2008 2009 2010 2011 2012
Katta dubulgʻa turnirlari
Australian Open Oʻtkazilmagan YF[25] Ishtirok etmagan ChF[32] YF[27] YF[28] F YF YF
French Open Oʻtkazilmagan Ishtirok etmagan G' A
Wimbledon Oʻtkazilmagan F F A
US Open Oʻtkazilmagan Ishtirok etmagan NH F F ChF
Yil yakunlari boʻyicha chempionat
Wheelchair Tennis Masters Oʻtkazilmagan G'[33] Ishtirok etmagan DB Ishtirok etmagan
Milliy vakillik
Paralimpiya oʻyinlari YF Oʻtkazilmagan F-S Oʻtkazilmagan ? Oʻtkazilmagan A Oʻtkazilmagan

Manbalar

  1. ↑ „ATHLETE PROFILE (PARA)“. Table Tennis Australia. — „NAME: Lisa Daniela Di Toro / NICKNAME: Danni“. Qaraldi: 2024-yil 16-fevral.
  2. ↑ „Confused, angry': Massive problem with Nine's $305m Olympics deal“. news.com.au (2023-yil 10-fevral). Qaraldi: 2024-yil 16-fevral. „Flag bearers Lisa Daniela Di Toro and Ryley Batt of Team Australia“.
  3. ↑ „2016 Paralympic co-captain leads the way for 5-strong Para-table tennis team“. Australian Paralympic Committee News (2016-yil 27-aprel). Qaraldi: 2016-yil 29-aprel.
  4. ↑ 4,0 4,1 4,2 4,3 4,4 4,5 „Daniela Di Toro“. Australian Paralympic Committee (2011). 2011-yil 5-avgustda asl nusxadan arxivlangan. Qaraldi: 2011-yil 5-oktyabr.
  5. ↑ 5,0 5,1 „Toro, Daniela“. The Australian Women's Register (2010). Qaraldi: 2011-yil 5-oktyabr.
  6. ↑ 6,0 6,1 „Daniela Di Toro“. Tennis Australia. Qaraldi: 2011-yil 5-oktyabr.
  7. ↑ „Danni Di Toro“. Paralympics Australia (2015-yil 31-avgust). 2019-yil 28-martda asl nusxadan arxivlangan. Qaraldi: 2021-yil 5-iyul.
  8. ↑ 8,0 8,1 8,2 8,3 „Daniela Di Toro“. Victorian Institute of Sport (2010). 2011-yil 13-avgustda asl nusxadan arxivlangan. Qaraldi: 2011-yil 6-oktyabr.
  9. ↑ 9,0 9,1 „Di Toro caps off successful season“. Tennis Australia (2010-yil 25-noyabr). Qaraldi: 2011-yil 5-oktyabr.
  10. ↑ „Australian Tennis Awards winners announced“. Tennis Australia (2010-yil 4-dekabr). Qaraldi: 2011-yil 5-oktyabr.
  11. ↑ „Di Toro suffers injury“. Tennis Australia (2011-yil 25-may). Qaraldi: 2011-yil 5-oktyabr.
  12. ↑ „Athlete Search Results“. International Paralympic Committee. Qaraldi: 2011-yil 4-oktyabr.
  13. ↑ „Australia claims all four titles at ITTF Oceania Para-table tennis championships“. Australian Paralympic Committee News, 15 April 2015. Qaraldi: 2015-yil 2-may.[sayt ishlamaydi]
  14. ↑ „Lisa Daniela di Toro“. Rio 2016 Paralympics. Rio 2016 Organising Committee for the Olympic and Paralympic Games. 2016-yil 14-noyabrda asl nusxadan arxivlangan. Qaraldi: 2016-yil 13-noyabr.
  15. ↑ Gillen, Nancy „Australia dominate home Oceania Para Table Tennis Championships“. Inside The Games (2019-yil 7-may). 2019-yil 7-iyulda asl nusxadan arxivlangan. Qaraldi: 2019-yil 5-iyul.
  16. ↑ „di TORO, Lisa Daniela“. Tokyo 2020 Paralympics. Tokyo Organising Committee of the Olympic and Paralympic Games. 2021-yil 27-sentyabrda asl nusxadan arxivlangan. Qaraldi: 2021-yil 27-sentyabr.
  17. ↑ „Di Toro, Daniela: Australian Sports Medal“. It's an Honour. 2016-yil 4-martda asl nusxadan arxivlangan. Qaraldi: 2012-yil 16-iyun.
  18. ↑ „Victoria Day Awards“. Victoria Day Council. 2018-yil 28-martda asl nusxadan arxivlangan. Qaraldi: 2012-yil 16-iyun.
  19. ↑ „Fearnley and Di Toro to captain 2016 team“. Australian Paralympic Committee News (2016-yil 4-fevral). 2016-yil 11-martda asl nusxadan arxivlangan. Qaraldi: 2016-yil 4-fevral.
  20. ↑ „Di Toro and Batt to captain 2020 Australian Paralympic Team“. Paralympics Australia (2019-yil 26-noyabr). Qaraldi: 2019-yil 2-dekabr.[sayt ishlamaydi]
  21. ↑ „Two Of Australia's Greatest Paralympians Bestowed Flagbearer Honour“. Paralympics Australia (2021-yil 23-avgust). Qaraldi: 2021-yil 24-avgust.
  22. ↑ „De Rozario And Tudhope Earn Top Honours at Paralympics Australia Awards“. Paralympics Australia (2022-yil 9-iyun). Qaraldi: 2022-yil 10-iyun.
  23. ↑ „2002 Australian Open“. ITF. 2019-yil 29-martda asl nusxadan arxivlangan. Qaraldi: 2012-yil 29-yanvar.
  24. ↑ „2003 Australian Open“. ITF. 2019-yil 29-martda asl nusxadan arxivlangan. Qaraldi: 2012-yil 29-yanvar.
  25. ↑ 25,0 25,1 „2004 Australian Open“. ITF. 2019-yil 29-martda asl nusxadan arxivlangan. Qaraldi: 2012-yil 29-yanvar.
  26. ↑ „2007 Australian Open“. ITF. 2012-yil 11-sentyabrda asl nusxadan arxivlangan. Qaraldi: 2012-yil 29-yanvar.
  27. ↑ 27,0 27,1 „2008 Australian Open“. ITF. 2019-yil 29-martda asl nusxadan arxivlangan. Qaraldi: 2012-yil 29-yanvar.
  28. ↑ 28,0 28,1 „2009 Australian Open“. ITF. 2019-yil 29-martda asl nusxadan arxivlangan. Qaraldi: 2012-yil 29-yanvar.
  29. ↑ „1996 NEC Wheelchair Tennis Masters“. ITF. 2019-yil 30-martda asl nusxadan arxivlangan. Qaraldi: 2012-yil 29-yanvar.
  30. ↑ „1997 NEC Wheelchair Tennis Masters 1999“. ITF. 2019-yil 29-martda asl nusxadan arxivlangan. Qaraldi: 2012-yil 29-yanvar.
  31. ↑ „1999 NEC Wheelchair Tennis Masters 1999“. ITF. 2019-yil 29-martda asl nusxadan arxivlangan. Qaraldi: 2012-yil 29-yanvar.
  32. ↑ „2007 Australian Open“. ITF. 2012-yil 11-sentyabrda asl nusxadan arxivlangan. Qaraldi: 2012-yil 29-yanvar.
  33. ↑ „1999 NEC Wheelchair Tennis Masters 2000“. ITF. 2019-yil 30-martda asl nusxadan arxivlangan. Qaraldi: 2012-yil 29-yanvar.
Mukofotlar va yutuqlar
Oʻtmishdoshi:
Jesse Martin 		Yilning eng yosh Viktoriyalik sportchisi
2001 		Vorisi:
Karen Chatto

Tashqi havolalar

"https://ziyosfera.uz/index.php?title=Daniela_Di_Toro&oldid=1187559" dan olindi