Danfiganket

Danfiganket, Dinvagikad (soʻgʻdiycha — muqaddas din ibodatxonasining joyi) — oʻrta asrlarga oid shahar oʻrni. Sharq geograflarining maʼlumotiga qaraganda, u Shosh viloyatining markazi Binkatdan 5 farsax (35–40 km) uzoqlikda xalqaro karvon yoʻli ustida joylashgan. Danfiganket harobalari hozirgi Niyozboshi qishlogʻi yaqinidagi Yoʻgʻontepa degan joyda joylashgan boʻlib, atrofi devor bilan oʻralgan toʻgʻri burchakli qalʼa va shahristondan iborat. Unda hunarmandlarning katta gu-zari boʻlgan. Danfiganket VI—VII asrlarda shahar xoliga kelgan va IX—XII asrlarda gullash davrini boshdan kechirgan. Moʻgʻullarning talonchilik hujumi natijasida XIII asr boshlarida shahar vayronaga aylangan.

Adabiyot

• OʻzME. Birinchi jild. Toshkent, 2000-yil