Dana Scully(Dana Skalli)
| Doktor Dana Skalli | |
|---|---|
| „Mahfiy materiallar“ obrazi | |
| Ilk bora koʻringan | "Mahfiy materiallar","Pilot" Mahfiy materiallar |
| Soʻnggi bora koʻringan | "Mahfiy materiallar","My Struggle IV" 2018-yil 21-mart |
| Jonlantirgan(lar) |
Gillian Anderson |
| Umumiy maʼlumotlar | |
| Toʻliq ismi | Dana Katherine Scully |
| Jinsi | Ayol |
| Kasbi | |
| Mansubligi | |
| Oilasi |
|
| Turmush oʻrtogʻi | Fox Mulder |
| Aloqador boshqa obraz(lar) | Fox Mulder |
| Bolalari |
|
| Dini | Rim katolik |
Dana Katherine Scully, T. D., badiiy obraz- Gillian Anderson ijrosida Fox kompaniyasining ilmiy va g‘ayritabiiy fantastik telekoʻrsatuvi „Mahfiy materiallar“ (inglizcha: "The X-Files") ikki bosh qahramonidan biri. Skalli Federal tekshirishlar byurosi (FQB) maxsus agenti va tibbiyot doktori (TD) boʻlib, birinchi mavsumdan yettinchi mavsumgacha hamda oʻn va oʻn birinchi mavsumlarda hamkasb maxsus agent Fox Mulder bilan, sakkizinchi va toʻqqizinchi mavsumlarda esa Jon Dogget bilan sheriklik qiladi. Ushbu telekoʻrsatuvda ular Vashinton shahridagi FQB bosh qarorgohining tor podval ofisidan „Mahfiy materiallar“ deb nomlangan yechilmagan ishlarni tergov qilishadi. 2002-yilda Skalli hukumat xizmatidan ketadi va 2008-yilda u xususiy katolik kasalxonasida jarroh boʻlib ishlashni boshlaydi, u yerda FQBga qaytguniga qadar yetti yil davomida ishlaydi. Mulderning oson ishonuvchi „ishonuvchan“ qahramoniga qaraganda, Skalli birinchi yetti mavsum davomida shubhachi boʻlib, eʼtiqodlarini ilm-fan isbotlashi mumkin boʻlgan narsalarga asoslashni afzal koʻradi. U keyinchalik yettinchi mavsum oxirida Mulder oʻgʻirlangach „ishonuvchan“ga aylanadi.
Skalli „Mahfiy materiallar“ serialining beshta epizodidan tashqari barcha epizodlarda, shuningdek 1998-yilda chiqqan 20th Century Fox filmi „Mahfiy materiallar“ va oʻn yil oʻtib namoyish etilgan The X-Files: I Want to Believe" filmlarida ham ishtirok etgan. U qatnashmaydigan epizodlar — „3“, „Zero Sum“, „Unusual Suspects“, „Travelers“ va „The Gift“ (arxiv kadrlarisiz). Oʻn birinchi mavsum Anderson uchun bu obrazni ijro etishdagi oxirgi marta boʻldi[2].
Tarixi
Doktor Dana Katherine Scully 1964-yil 23-fevralda Maryland shtatining Annapolis shahrida irland nasl-nasabiga ega boʻlgan William (Don S. Davis) va Margaret Scully (Sheila Larken) katolik oilada tugʻilgan[3][4]. Uning katta akasi Bill Jr., katta opasi Melissa va kichik ukasi Charles bor edi. Charles serialda faqat retrospektiv kadrlarda koʻrinadi, asosiy voqealarda esa hech qachon namoyon boʻlmaydi.[5] „IDW Publishing“ nashriyoti tomonidan 2016-yilda chiqarilgan kanonik komiks seriyasining ikki qismli „Ishmael“ sonida Skalli otasidan yana bir oʻgʻli — Tam Minh Nguyen ismli oʻgʻay aka borligi maʼlum boʻladi[1]. Skallining otasi dengiz floti kapitan boʻlib, 1994-yil boshidagi yanvar oyida yurak xuruji oqibatida vafot etgan[6]. Dana Skalli Maryland shtatining Annapolis shahrida, keyinchalik Kaliforniyaning San Diego shahrida oʻsgan. Bolaligida Skallining sevimli kitobi „''Moby-Dick''“ boʻlib, u otasini kitobdagi „Ahab“ deb laqablagan, otasi esa uni „Starbuck“ deb chaqirgan. Shu sababli u itiga „Queequeg“ deb nom bergan[7].
Skalli Meryland Universitetida tahsil oldi va 1986-yilda fizika boʻyicha fan bakalavri darajasini oldi. Uning bakalavrlik dissertatsiyasi Einsteinning „Egizak paradoksi: yangi talqin“ deb nomlangan edi[8]. Stanford Universitetining tibbiyot fakultetini bitirishi bilanoq, u FQBga yollandi va u agentlikning ish taklifini qabul qildi, chunki oʻzi oʻsha yerda oʻzini boshqalardan ajratib koʻrsata olishiga ishonardi. Idorada ikki yil ishlagach, boʻlim boshligʻi Skott Blevin uni agent Fox Mulder bilan ishlashga tayinladi.
Voqealar rivoji
Mulder bilan sherik boʻlgach, Skalli sud-tibbiyot patolog-anatomisti sifatida faoliyat yuritib, tibbiy koʻnikmalarini saqlab qoldi va koʻpincha Mahfiy materiallar ishlaridagi qurbonlarning jasadlarini autopsiya qilishda yoki ular boʻyicha maslahat berishda ishtirok etdi[9].
Ikkinchi mavsumda Skalli sobiq FQB agenti, keyinchalik ruhiy kasalga aylangan Duane Barry tomonidan oʻgʻirlangan[10], soʻngra begona konspiratorlar bilan hamkorlik qilayotgan harbiy maxfiy operatsiya tomonidan Barrydan ham olib ketilgan[11], ammo keyinchalik qaytarib berilgan[4]. Uchinchi mavsumda boʻyin orqa qismiga super yuqori texnologiyali mikrochip oʻrnatilganini aniqladi. Uni olib tashlagach, toʻrtinchi mavsumda saraton kasalligiga chalinib[12], kasallik terminal bosqichga oʻtib shifoxonaga yotqizildi. Mulder uning boʻyniga oʻrnatilishi kerak boʻlgan boshqa chipni olish uchun Mudofaa vazirligiga bostirib kirganidan keyin uni qutqarib qolishdi. Oʻsha paytda Skalli eksperimental tibbiy muolajalarni boshdan kechirdi va eʼtiqodi keskin yangilandi[13].
Skalli beshinchi mavsumda homilador boʻlolmasligi aniqlangan. Beshinchi mavsumning „Emily“ epizodida Skalli ikkinchi mavsumda oʻgʻirlanganida bexabar qiz farzand dunyoga keltirganini bilib oladi. Uning qizi Emily boshqa bir oila tomonidan asrab olingan. Emily tez orada vafot etdi va uning jasadi yoʻqolib qolgani uchun tergovni davom ettirish imkoni boʻlmadi. Yettinchi mavsum finali „Requiem“ da Skalli sirli tarzda homilador boʻlib qoladi[14]. Sakkizinchi mavsum oxirida oʻz otasi, shuningdek, Mulderning otasi sharafiga William ismli bola tugʻildi[15]. Dastlab serial Skalli homiladorligining sababini oshkor etmagan, ammo keyingi epizodlar va filmlarda Mulder va Skalli Williamni „bizning oʻgʻlimiz“ deb atashadi. Juftlikning in vitro urugʻlantirish orqali farzand koʻrishga urinishlari muvaffaqiyatsiz tugadi. Shu paytda Mulder FQBda oʻrinbosar direktor Alvin Kersh tomonidan ishdan boʻshatildi[16], Skalli esa maydondan ketib, Quanticoda sud-tibbiyot boʻyicha dars berishga oʻtdi[17]. Skalli endi Williamga kerakli xavfsizlikni taʼminlay olmasligini his qilgach, toʻqqizinchi mavsum oxirida William asrab olish uchun topshirildi[18]. Uilyam „moʻjiza bola“ boʻlib, begona fitnachilar uchun maʼlum ahamiyatga ega edi. U telekinezni oʻz ichiga olgan noodatiy qobiliyatlarni namoyish etdi[19].
Manbalar
- ↑ 1,0 1,1 „The X-Files 2016 #4 - "Ishmael" - Part One Review“. 2023-yil 30-martda asl nusxadan arxivlangan. Qaraldi: 2022-yil 2-avgust.
- ↑ MacDonald, Lindsay. „Gillian Anderson Confirms She's Leaving The X-Files“. TV Guide (2018-yil 10-yanvar). Qaraldi: 2018-yil 17-yanvar.
- ↑ Michael Lange (director); Howard Gordon & Chris Carter (writers). „Miracle Man“. The X-Files. Season 1. Episode 18. FOX.
- ↑ 4,0 4,1 R. W. Goodwin (director); Glen Morgan & James Wong (writers). „One Breath (X-Files Episode)“. The X-Files. Season 8. Episode 2. FOX.
- ↑ David Nutter (director); Alex Gansa & Howard Gordon (writers). „Lazarus“. The X-Files. Season 1. Episode 15. FOX Home Entertainment.
- ↑ Kim Manners (director); Glen Morgan & James Wong (writers). „Beyond the Sea“. The X-Files. Season 1. Episode 13. FOX.
- ↑ Kim Manners (director); Kim Newton (writer). „Quagmire“. The X-Files. Season 3. Episode 22. FOX.
- ↑ Glen Morgan (director); Glen Morgan (writer). „Musings of a Cigarette Smoking Man“. The X-Files. Season 4. Episode 7. Fox Home Entertainment.
- ↑ Robert Mandel (director); Chris Carter (writer). „Pilot“. The X-Files. Season 1. Episode 1. FOX.
- ↑ Chris Carter (director); Chris Carter (writer). „Duane Barry“. The X-Files. Season 2. Episode 5. FOX.
- ↑ Michael Lange (director); Paul Brown (writer). „Ascension“. The X-Files. Season 2. Episode 6. FOX.
- ↑ Rob Bowman (director); Chris Carter, Frank Spotnitz, Vince Gilligan & John Shiban (writers). „Memento Mori“. The X-Files. Season 4. Episode 15. FOX.
- ↑ R. W. Goodwin (director); Chris Carter (writer). „Redux“. The X-Files. Season 5. Episode 1 & 2. FOX.
- ↑ Kim Manners (director); Chris Carter (writer). „Requiem“. The X-Files. Season 5. Episode 1 & 2. FOX.
- ↑ Kim Manners (director); Chris Carter (writer). „Existence“. The X-Files. Season 8. Episode 21. FOX.
- ↑ Rod Hardy (director); Steven Maeda (writer). „Vienen“. The X-Files. Season 8. Episode 18. FOX.
- ↑ Kim Manners (director); Chris Carter & Frank Spotnitz (writers). „Nothing Important Happened Today“. The X-Files. Season 9. Episode 1 & 2. FOX.
- ↑ David Duchovny (director); Chris Carter, Frank Spotnitz & David Duchovny (writers). „William“. The X-Files. Season 9. Episode 16. FOX.
- ↑ Kim Manners (director); Chris Carter & Frank Spotnitz (writers). „Redux“. The X-Files. Season 9. Episode 9. FOX.
Adabiyotlar
- Duncan, Jody. The Making of The X-Files Movie. HarperPrism, 1998. ISBN 9780061073168.
- Edwards, Ted. X-Files Confidential. Little, Brown and Company, 1996. ISBN 9780316218085.
- Hurwitz, Matt; Knowles, Chris. The Complete X-Files. Insight Editions, 2008. ISBN 978-1-933784-80-9.
- Kessenich, Tom. Examinations: An Unauthorized Look at Seasons 6–9 of "The X-Files". New York, US: Trafford Publishing, 2002. ISBN 9781553698128.
- Lovece, Frank. The X-Files Declassified. Citadel Press, 1996. ISBN 9780806517452.
- Lowry, Brian; Stegall, Sarah. The Truth Is Out There: The Official Guide to the X-Files. HarperCollins, 1995. ISBN 978-0-06-105330-6.
- Shapiro, Marc. All Things: The Official Guide to the X-Files Volume 6. Harper Prism, 2000. ISBN 978-0-06-107611-4.
- Shearman, Robert; Pearson, Lars. Wanting to Believe: A Critical Guide to The X-Files, Millennium & The Lone Gunmen. Mad Norwegian Press, 2009. ISBN 978-0-9759446-9-1.