Claudette Pace
Claudette Buttigieg (qizlik familiyasi Pace; 1968-yil 8-fevralda tugʻilgan[1]) — maltalik siyosatchi, parlament aʼzosi, parlament spikeri oʻrinbosari, sobiq teleboshlovchi va xonanda[2].
Shaxsiy hayoti va karyerasi
Naxxar shahrida tugʻilgan Buttigieg 2000-yil yanvar oyida „Malta Song for Europe“ tanlovida „Desire“ qoʻshigʻi bilan gʻolib chiqqan. Mazkur qoʻshiq uning ilk va yagona singli hisoblanadi[3][4]. U „Eurovision–2000“ tanlovidan oldin Germaniya, Avstraliya va mezbon mamlakat boʻlgan Shvetsiya boʻylab gastrol safarlarida boʻlgan. Tanlovda esa „Desire“ qoʻshigʻi bilan sakkizinchi oʻrinni egallagan. Keyinchalik ushbu qoʻshiq Buyuk Britaniyadagi 2001-yilgi gey-prayd tadbirining rasmiy qoʻshigʻi sifatida tanlangan[5][6]. Buttigieg Maltadagi uch asosiy telekanal — One TV, NET TV va TVM bilan ishlagan yagona teleboshlovchi boʻlgan. Siyosatga kirganidan soʻng u milliy televideniye — TVMdagi boshlovchilik faoliyatini davom ettirmagan[7].
Siyosiy karyerasi
U 2013-yilda Millatchilar partiyasi aʼzosi sifatida 8-okrugdan Malta parlamentiga saylangan[8][9][10].
U 2017-yilgi umumxalq saylovida qayta saylanib, Spiker oʻrinbosari etib tayinlangan. Shuningdek, u 2022-yilgi Maltadagi umumxalq saylovida ham qayta saylangan[11].
Diskografiyasi
Singllar
| Nomi | Yil | Chartdagi eng yuqori natijasi | Albom |
|---|---|---|---|
| Desire | 2000 | — | Albomdan joy olmagan |
Manbalar
- ↑ Celebrity Birthday Directory. Axiom Information Resources, 2005 — 66-bet. ISBN 9780943213811.
- ↑ „Claudette Buttigieg says her political contribution will only now make a difference“. Malta Today (2012-yil 14-oktyabr). Qaraldi: 2019-yil 11-iyul.
- ↑ Barclay, Simon. The Complete & Independent Guide to the Eurovision Song Contest. Lulu, 2014 — 198-bet. ISBN 9781291831757.
- ↑ Claudette Pace / Lyrics
- ↑ „Pink Ball for Pride event“ (en). Dorset Echo (2001-yil 2-avgust). Qaraldi: 2022-yil 19-iyun.
- ↑ Miriam Dalli.. „No token lady - Claudette Buttigieg“. Malta Today (2013-yil 22-may). Qaraldi: 2019-yil 11-iyul.
- ↑ „Updated: Claudette Pace to seek legal advice on termination of broadcasting career“. Times of Malta (2012-yil 18-sentyabr). Qaraldi: 2019-yil 11-iyul.
- ↑ Hon. Claudette Buttigieg MP (Wayback Machine saytida 22 February 2014 sanasida arxivlangan)
- ↑ „Attivita' illegali fiċ-ċimiterju tal-Addolorata“ (mt) (2016-yil 14-oktyabr). Qaraldi: 2019-yil 11-iyul.
- ↑ „FILMAT: Ir-responsabbiltà politika għandha tintrefa' f'kull ċirkostanza“ (mt) (2015-yil 26-may). Qaraldi: 2019-yil 11-iyul.
- ↑ „Buttigieg-claudette“ (2022-yil 13-aprel).