Circus Mircus
| Circus Mircus | |
|---|---|
 | |
| Umumiy maʼlumot | |
| Kelib chiqishi | Tbilisi, Gruziya |
| Faoliyat yillari | 2020–hozirgacha |
| Leybl | Stockton Records |
| Tarkib |
|
Circus Mircus (gruzincha: ცირკუს მირკუსი) — Gruziyaning progressiv rok guruhi. Guruh asosan eksperimental uslubdagi musiqalarni ijro etgan boʻlib, koʻplab janrlarni uygʻunlashtirgan[1]. Ular Gruziya nomidan „Eurovision-2022“ tanlovida „Lock Me In“ qoʻshigʻi bilan ishtirok etgan hamda ikkinchi yarim finalda 18-oʻrinni egallab, finalga chiqa olmagan[2].
Circus Mircus tarkibi turli taxalluslardan foydalanuvchi toʻrt nafar aʼzodan iborat boʻlgan[3]. Shota Darakhvelidze „Ludwig Ramírez“ obrazida bas gitarachi sifatida faoliyat yuritgan, Nika Kocharov „Igor Von Lichtenstein“ nomi ostida vokalist va gitarachi vazifasini bajargan. Shuningdek, Sandro Sulakvelidze „Bavonc Gevorkyan“ taxallusi bilan barabanchi sifatida ishtirok etgan boʻlsa, Archil Sulakvelidze „Iago Waitman“ obrazi ostida vokalist va klavishchi sifatida faoliyat olib borgan[4][5].
Tarixi
Guruhning maʼlum qilinishicha, Circus Mircus 2020-yil oxirida Tbilisida tashkil etilgan. Mahalliy sirk akademiyasini tark etgan uch nafar talaba oʻzaro doʻstlashganidan soʻng taʼlim muassasasini tark etib, mustaqil musiqiy guruh tuzishga qaror qilgan.
Shuningdek, guruh tarkibidagi toʻrtinchi aʼzo keyinchalik koʻchadan topilib, bas gitarachi sifatida jamoaga qoʻshilgani haqida maʼlumot berilgan. Guruh aʼzolarining haqiqiy shaxslari keyinchalik oshkor etilgan boʻlsa-da, shaxsiyat bilan bogʻliq sirli obraz Circus Mircus faoliyatining muhim qismi hisoblangan. Jamoa vakillari bu borada „shaxsiyat tushunchasi eskirganini“, inson mehnat qilgan taqdirda istalgan qiyofada namoyon boʻlishi mumkinligini taʼkidlashgan[6].
2021-yil 14-noyabrda Circus Mircus „Georgian Public Broadcaster“ tomonidan „Eurovision — 2022“da mamlakat vakili sifatida ichki tanlov asosida saralangani eʼlon qilingan. Guruhning tanlov uchun tayyorlangan „Lock Me In“ qoʻshigʻi 2022-yil 9-martda ommaga taqdim etilgan[7]. Jamoa ikkinchi yarim finalda beshinchi tartib raqamida sahnaga chiqqan hamda 22 ochko bilan 18-oʻrinni egallagan. Shundan 13 ochko professional hakamlar hay’atidan, 9 ochko esa tomoshabinlar ovozidan olingan. Natijada guruh final bosqichiga yoʻl ola olmagan.
Shuningdek, jamoaning „Weather Support“, „23:34“ va „Rocha“ qoʻshiqlari Electronauts Award mukofotining „Eng yaxshi musiqiy video“ yoʻnalishi boʻyicha nomzod sifatida koʻrsatilgan[8].
Diskografiyasi
Albomlar
| Nomi | Izoh |
|---|---|
| Furore/Fiasco |
|
Mini albomlar
| Nomi | Izoh |
|---|---|
| Circus Mircus |
|
| Akhalteke |
|
Singllar
| Nomi | Yil | Albom |
|---|---|---|
| The Ode to the Bishkek Stone | 2020 | Albomdan joy olmagan |
| Semi-Pro | 2021 | |
| Better Late | ||
| Weather Support | ||
| Rocha | ||
| 23:34 | ||
| Musicien | ||
| Lock Me In | 2022 | |
| Love Letters | ||
| Soul Pop | ||
| "Realizo" (Blolbrst & Tato Rusia) | ||
| Lizard in a Fish Tank (Qaji Todia) | ||
| Pin-Drop Mind | 2023 | |
| Up is Down | Furore/Fiasco | |
| ამერიკის ხმა (Voice of America) |
Manbalar
- ↑ Mamsikashvili, Rezo „Georgia: Circus Mircus will represent Georgia at Eurovision 2022“ (en-us). Wiwibloggs (2021-yil 14-noyabr). 2022-yil 7-martda asl nusxadan arxivlangan. Qaraldi: 2021-yil 14-noyabr.
- ↑ „Georgia's Circus Mircus take their show to Turin 🇬🇪“ (en-gb). Eurovision.tv. European Broadcasting Union (EBU) (2021-yil 14-noyabr). 2021-yil 14-noyabrda asl nusxadan arxivlangan. Qaraldi: 2021-yil 14-noyabr.
- ↑ ten Veen, Renske „LIST: 8 clues the Young Georgian Lolitaz could be behind Circus Mircus“. Wiwibloggs (2021-yil 15-noyabr). Qaraldi: 2022-yil 9-aprel.
- ↑ „Turin 2022 / Participants – Circus Mircus“. Eurovision.tv. 2022-yil 5-aprelda asl nusxadan arxivlangan. Qaraldi: 2022-yil 9-aprel.
- ↑ #ამშაბათკვირას 4 ნოემბერს სირკუს მირკუსის კონცერტი გაიმართება (gruzincha), 30 October 2022, 14 November 2022da asl nusxadan arxivlandi, qaraldi: 2022-11-08
- ↑ Wilson, Katie L. „Eurovision's wackiest acts in the final - and those who didn't make it through“ (en). Mirror. Reach PLC (2022-yil 14-may). 2022-yil 12-dekabrda asl nusxadan arxivlangan. Qaraldi: 2022-yil 12-dekabr.
- ↑ „Georgia: Circus Mircus release their Eurovision 2022 song: "Lock Me In"“ (en-gb). Eurovisionworld (2022-yil 9-mart). 2022-yil 9-martda asl nusxadan arxivlangan. Qaraldi: 2022-yil 10-mart.
- ↑ Gogokhia, Koka „Circus Mircus - Electronauts XII Awards“ (en). Stockton Records (2021-yil 6-dekabr). 2022-yil 6-dekabrda asl nusxadan arxivlangan. Qaraldi: 2022-yil 6-dekabr.