Chingiz Mustafayev (qoʻshiqchi)
Chingiz Mustafayev | |
|---|---|
 Mustafayev 2022-yilda | |
| Umumiy maʼlumot | |
| Tavalludi |
Çingiz Mustafayev 1991-yil 11-mart Moskva, Rossiya SSR, SSR |
| Kelib chiqishi | Baku, Ozarbayjon |
| Janrlar | Pop |
| Faoliyat yillari | 2007–hozirgacha |
Chingiz Maharram oʻgʻli Mustafayev (ozarbayjoncha: Çingiz Məhərrəm oğlu Mustafayev; 1991-yil 11-martda tugʻilgan) — ozarbayjonlik xonanda, qoʻshiqnavis va gitarachi. U „Truth“ qoʻshigʻi bilan Ozarbayjon nomidan „Eurovision–2019“ tanlovida ishtirok etgan va yakunda sakkizinchi oʻrinni egallagan[1].
Yoshligi
Chingiz Maharram oʻgʻli Mustafayev Rossiyaning Moskva shahrida tugʻilgan. U olti yoshida ota-onasining vatani boʻlgan Ozarbayjonning Qazax shahriga koʻchib oʻtgan. Mustafayev yoshligidan gitara chalishni oʻrgangan va hali bolalik chogʻidayoq oʻz qoʻshiqlarini bastalay boshlagan[2].
Karyerasi
Chingiz Mustafayev 13 yoshida onasi va ukasi bilan birga Baku shahriga koʻchib oʻtgan va u yerda 2007-yilda „Pop Idol“ tanlovining ozarbayjoncha versiyasida ishtirok etgan. U mazkur tanlovda gʻolib chiqib, tez orada Ozarbayjon musiqa sanoatida mashhurlikka erishgan. 2013-yilda u Latviyaning Jūrmala shahrida oʻtkazilgan „New Wave“ tanlovida Ozarbayjon nomidan ishtirok etib, umumiy hisobda 11-oʻrinni egallagan hamda Polina Gagarina bilan birgalikda sahnaga chiqqan[3]. 2016-yilda u „The Voice of Ukraine“ koʻrsatuvining 6-mavsumida ishtirok etgan, biroq batl raundida musobaqadan chiqib ketgan. Shundan soʻng Chingiz oʻzining Palmas guruhi bilan ijod qilgan. Ushbu loyiha anʼanaviy ozarbayjon va turk folklorini flamenko gitara, rok va pop elementlari bilan uygʻunlashtirgan. 2019-yil boshida u „Tənha gəzən“ singlini chiqargan[4].
Chingiz Mustafayev 2019-yil 8-martda Ozarbayjon nomidan „Eurovision–2019“ tanlovida „Truth“ qoʻshigʻi bilan ishtirok etishi tasdiqlangan. U 16-may kuni Isroilning Tel Aviv shahrida boʻlib oʻtgan ikkinchi yarim finalda 18-chi boʻlib chiqish qilgan. U 224 ball bilan 5-oʻrinni egallab, grand finalga yoʻl olgan. 18-may kuni oʻtkazilgan final bosqichida u 26 ishtirokchi orasida 302 ball bilan 8-oʻrinni egallagan. 2019-yil may oyida Chingiz Ukrainaning NVRMIND jurnalining sakkizinchi soni uchun fotosessiyada ishtirok etgan.
Diskografiyasi
Singllari
| Nomi | Yil | Chartdagi eng yuqori natijasi | Albom | |||
|---|---|---|---|---|---|---|
| SCO [5] |
SWE [6] |
SWI [7] |
UK Down. [8] | |||
| „Qürbət“ | 2018 | — | — | — | — | Albomdan joy olmagan |
| „Get“ | — | — | — | — | ||
| „Tənha gəzən“ | 2019 | — | — | — | — | |
| „Truth“ | 49 | 91 | 43 | 35 | ||
| „Bir sözlə“ | — | — | — | — | ||
| „Güven bana“ | 2020 | — | — | — | — | |
| „From Past to Present“ | — | — | — | — | ||
| „Xilaskar“ (Farid Aqa bilan) | — | — | — | — | ||
| „Dayan zaman“ | — | — | — | — | ||
| „Can-Can“ | — | — | — | — | ||
| „Qarabağ“ | — | — | — | — | ||
| „Gülzar istərəm“ | 2021 | — | — | — | — | |
| „Dəyməz“ | — | — | — | — | ||
| „Yenə mənəm“ | — | — | — | — | ||
| „Ay qız“ | 2022 | — | — | — | — | |
| „Vay vay“ | — | — | — | — | ||
| „Beni benden alan“ | 2023 | — | — | — | — | |
| „Gözümün bəbəyi“ | — | — | — | — | ||
| „Söz“ | — | — | — | — | ||
| „Vicdan“ | 2024 | — | — | — | — | |
| „Her şey içinde“ | — | — | — | — | ||
Manbalar
- ↑ „Chingiz to represent Azerbaijan at Eurovision 2019“. Eurovision Song Contest (2019-yil 8-mart). 2019-yil 7-aprelda asl nusxadan arxivlangan. Qaraldi: 2019-yil 8-mart.
- ↑ „Chingiz – Eurovision Song Contest Tel Aviv 2019“. Eurovision Song Contest. 2020-yil 15-oktyabrda asl nusxadan arxivlangan. Qaraldi: 2019-yil 8-mart.
- ↑ „Известны участники "Новой волны-2013"“ (ru). RUS TVNET (2013-yil 1-may). 2021-yil 7-dekabrda asl nusxadan arxivlangan. Qaraldi: 2019-yil 8-mart.
- ↑ „Will Azerbaijan select Chingiz Mustafayev for Eurovision 2019?“. Wiwibloggs (2019-yil 5-fevral).
- ↑ „Official Scottish Singles Sales Chart: 24 May 2019 – 30 May 2019“. Official Charts Company. 2019-yil 24-mayda asl nusxadan arxivlangan. Qaraldi: 2019-yil 25-may.
- ↑ „Discography Chingiz“. swedishcharts.com. 2022-yil 25-martda asl nusxadan arxivlangan. Qaraldi: 2019-yil 24-may.
- ↑ „Discographie Chingiz“. hitparade.ch. 2020-yil 19-oktyabrda asl nusxadan arxivlangan. Qaraldi: 2019-yil 27-may.
- ↑ „Official Singles Downloads Chart Top 100“. Official Charts Company. 2021-yil 31-yanvarda asl nusxadan arxivlangan. Qaraldi: 2019-yil 24-may.